العودة   منتدى أحلى حياة في طاعة الله > استمتع بحياتك > ZoOoOom على حياتنا :: القسم العام ::
التعليمـــات اجعل كافة الأقسام مقروءة

ZoOoOom على حياتنا :: القسم العام :: تعالوا نقرب من مشاكلنا اليومية في الحياة ونعرفها ونفهمها ونحلها

إضافة رد
 
أدوات الموضوع انواع عرض الموضوع
قديم 10-21-2009, 08:54 AM   رقم المشاركة : 1
آية الله
قلب جديد

 


آية الله غير متواجد حالياً

 

آية الله is a jewel in the roughآية الله is a jewel in the roughآية الله is a jewel in the roughآية الله is a jewel in the roughآية الله is a jewel in the roughآية الله is a jewel in the roughآية الله is a jewel in the roughآية الله is a jewel in the roughآية الله is a jewel in the roughآية الله is a jewel in the roughآية الله is a jewel in the rough

 

Sahm هان عليك ؟؟!!

بسم الله الرحمن الرحيم

السلام عليكم و رحمة الله و بركاته



ازيكم يا جماعة ؟؟؟عاملين ايه ؟؟؟و احواكم ايه مع الله ؟؟

أسأل الله أن تكونوا إليه أقرب و على طاعته أدوم و إلى الخير أسرع ...أسأل الله أن يجدد الإيمان في قلوبنا و أسأل الله أن يثبتنا على الحق حتى نلقاه...اللهم آمين



صدقوني أنا مش عارفة أبدأ منين ...و أقسم لكم أني أكتب هذا الموضوع بدموع العين و القلب..و بسم الله نبدأ و الله الموفق..





!!!!! هان عليك !!!!




الحمد لله و كفى و صلاة و سلاما على عباده الذين اصطفى ثم أما بعد ...

بصوا يا جماعة من الاخر انا هتكلم عن الانتكاس اللى بقى منتشر في كل مكان حوالينا في كل شلة صحاب واحد او اتنين بيتنتكس ...مبقتش الحكاية واحد كل20 ولا 50
لالالالالالالالالالا
ده بقى واحد كل 2 او 3 ....ايوة و الله ...
كل يوم نصحى على واحد انتكس او مات
او واحدة انتكست او ماتت..
عن فلان ...اللى كانداعية
و فلانة اللى كانت منتقبة



بجد ارجوك جاوبني هان عليك ..؟

هان عليك تقف ادام المرايا في الحمام و تمسك مكنة الحلاقة و تحلق لحيتك ..
هانت عليك اللى فضلت تربي فيها اربع ولا خمس سنين اللى كنت خايف لا تدخل الجيش و تحلقها و حزين على كده ...
اللى كنت بتحمد ربنا انك عرفت انها فرض عليك و انك التحيت و بقيت مثل حبيبي محمد صلى الله عليه و سلم ؟؟؟
هانت عليك؟؟
انت ايه يا اخي ؟؟
مبتحسش...؟
مبتحبش؟
مبتخافش؟؟
ملكش عزيز؟؟

!!!!!!!!!!!!!!
جاوبني...؟؟
انت اللى كنت بتحمد ربنا ان بيطلع لك لحية من اساسه ؟؟!!
غيرك مش لاقي ؟؟
انت اللى كنت بتحمد ربنا انك التحيت قبل ما تموت و تبقى سبت فرض عليك؟؟
انت اللى كنت بتحمد ربنا انك مبتقابلش مشاكل علشان تلتحي و غيرك بيتطردوا و مع ذلك ثبتوا ؟؟!!!



هان عليك ؟؟!!!




و أنتِ هان عليكي نقابلك و حجابك ؟؟؟

هان عليكِ بعد ما كنتي ملكة ...تبقي ولا حاجة
هان عليكي ...طب فين حيائك؟؟
طب عفتك ؟؟
طب خوفك من الله ؟؟
طب اي حاجة فين ؟؟؟
قدرتي ...تقلعيه و تكشفي وجهك و قلبك تاني
؟؟
ايوة قلبك ...النقاب ده حجاب لقلبك من الشهوات و من الفتن ؟؟
قدرتي تسيبي درب امهات المؤمنين ...اه قدرتي طب ليه و علشان ايه و علشان مين ؟؟
علشان الموضة ؟؟!!
علشان صحباتك؟؟
وعلشان حبتيه و هوا مش ملتزم ؟؟!!
و لا علشان مجلكيش عريس؟؟
ولا ايه بس قوليلى ؟؟؟
ازاي قدرتي ؟
ازاي هان عليكِ ترجعي للبناطيل الجينز و البديهات الكرينة
و الجيبات القصيرة و البوتات
و الميكياج و البرفان والكعب 7 سم
؟؟؟
انتى اللى ياما حاربتي علشانه ؟؟و ياما عافرتي علشان تلبسيه ؟؟؟
و لبستيه و ربنا رزقك بايه بالتاج اللى خلاكي ملكة ..
بعد ما نور وجهك و قلبك ؟؟؟



هان عليكِ!!!




هان عليك تسيبه ...حد يسيب ربنا ...طب هتروح لمين ؟؟!!

مين ليك غيره ؟؟
ياما عصيته و سترك ...ياما دعيته و استجاب...ياما سالته و اعطاك اكتر ما تتمنى...و ياما و ياما و ياما...!!!!
ده انت غرقان في نعمه ؟؟
كفاية انه عرفك طريقه ...تقوم انت تسيبه ...بعد ما عرفت ...بعد ما ذوقت ؟؟؟



انا مش عارفة اكلم فيك ايه ولا اكلم فيكِ ايه ...؟؟!!




أكلم العين اللى بكت من خشية الله ؟؟!!

أكلم اللسان اللى ذكر الله ؟؟؟
أكلم اللسان اللى قرأ القرأن ؟؟
أكلم القلب اللى اتربي على حب الصحابة و الصحابيات ؟؟؟
أكلم الرجلين اللى خطت الى المسجد الاف الخطوات ؟؟؟
اكلم الايد اللى تصدقت لاجل رضى الله ؟؟؟
اكلم دموع الندم ...دموع التوبة ؟؟
اكلم عقلك ..اللى حلم و اتمنى الجنة ؟؟
اللى فكر ازاي يتعلم ؟؟
اكلم عقلك اللى طلبت به العلم ؟؟؟



(((((((اكلمك انت)))))))




انت اللى قمت في جوف الليل قائما تصلى لله

و تقيم الليل؟؟
اكلم الرؤى الجميلة اللى شوفتها و بشرتك؟؟
أكلم دعوتك الى الله ؟؟
أكلم دروسك في المساجد في الكلية ؟؟
اكلم الشرايط اللى وزعتها و الورق اللى وزعته؟
اكلم الفلوس اللى انفقتها في سبيل الله ؟؟؟
أكلم افطارك للصائمين ؟؟؟
طب هان عليك القرآن اللى حفظته ؟؟؟
اكلم رفقتك للصالحين ؟؟
اكلم اعتكافك في ليالى رمضان؟؟
اكلم معاني الحب اللى حستها لله ففاضت عيناك بالدموع ؟؟
اكلم الدعاة اللى كنت وسطيهم و حطوا عليك أمال؟؟؟
اكلم اصحابك اللى دعتهم انهم يقربوا و يدخل فر ركب السائرين الى الله ؟؟
أكلم الاكف الصغيرة اللى رفعت ايديها الى رب السماء تدعوووووووووووووووووووه فيعطيها و يكرمها باكثر مما تريد؟؟
اكلم حلم الشهادة في سبيل الله ؟؟



ولا أكلم ايه ولا ايه ولا ايه ؟؟؟




و أنتِ !!!!

هان عليكِ تسيبي حبيبك ...؟؟!!
اللى نجاكِ من فلان اللى كنتي بتشيتي معاه و مفضحكيش و سترك؟؟!!
الله تبارك و تعالى ..اللى انعم عليك و عرفك بيه و قربك منه ؟؟
هان عليكِ نقااااااااااابك و حجابكِ؟؟؟
هان عليكِ تسبيحك و ذكرك و قيامكِ؟؟
هان عليكي القرآن اللى قرأتيه و حفظتيه ؟؟؟
هان عليكي تتخلفي عن درب الصالحين ؟؟!!
هان عليكِ تفتني البنات تاني؟؟
هان عليكي بعد كل اللى وصلتي ليه تهدمي كل ده في لحظة ؟؟؟
طب ليييييييييييييييييييييه ؟؟
هان عليكِ صيامك في عز الحر؟؟؟
هان عليكِ نزولك للدروس علشان تتعلمي؟؟
هان عليكِ اطعام المساكين اللى كنتِ بتعملى ؟؟
هان عليكِ دعوتك الى الله في الشغل ولا في الكلية ولا في العيلة؟؟
انتى ..ايه
مبتحسيش
مبتخافيش

انتى المفروض انثى...يعني رقيقة...يعني عاطفتك عاليه ..طيب فين
كان هيهون عليكِ برده
ياللى بتقولى بحب و بحب و بحب
طيب فين الحب
هو اللى بيعرف يحب و لا يتحب
هيسيب الله
هيسيب ربنا
طب هو ده الحب الوحيد في الدنيا ده
اجمل حب
حب الله



انتى ايه يا بنتى ؟؟

هان عليكِ دينك تبهدليه معاكِ؟؟
هان عليك تفرحي الشيطان بيكِ؟؟
هان عليكِ تفرحي اعداء الله في الاسلام و المسلمين ؟؟
هان عليكِ تبقي فتنة للمؤمنين و للمؤمنات؟؟
هان عليكِ ايه ولا ايه ولا ايه ؟؟؟




كل ده هان عليكم ؟؟؟ّ




بيبقى احساسك ايه ؟!!و احساسكِ ايه ؟؟؟




لما الاذان اذن و افتكرت انك كنت زمان بتكون فرحان و طاير و بتوضى و هتنزل جري على المسجد و تقوله

جايلك يارب جايلك ياحبيبي
ياللى مليش غيرك في حياتي ..
جايلك يا كريم يا رحيم يا ودود يا جبار..
السلالم اللى كنت بتنزلها جري علشان تلحق تكبيرة الاحرام في المسجد ..!!!و كان بيتكتبلك بكل سلمة حسنة...الطريق اللى ياما مشيت فيه للخير و مشيت فيه للمسجد بسرعة في رمضان علشان تلحق مكان بعد ما فطرت و تستثمر الوقت بجزء قرآن ؟؟!!!
كانت هتشهد ليك....ليه تخليها تشهد عليك و تبقى كل خطوة بسيئة ..ما كانت بتشهد ليك
؟؟؟؟؟؟؟؟؟؟؟؟؟؟؟؟؟!!!!!!!!!!!!
؟؟؟؟؟!!!!!!!



احساسك ايه لما بتشوف اخوة معديين باللحى تزين الوجوه و النور يضيء من الوجوه

و ماشين يكلموا شلة واقفة مش ملتزمة...
بتقول انا كنت زمان كده كنت بعمل كده
و جم وقفوا ادامك مصدومين

ايه ده انت مين ؟؟!!!
انت فلان
انت اللى كنت معانا و بنعمل الورق اللى هنوزعه في رمضان
انت اللى كنت بتدعوا معانا
انت اللى كان حلمك الشهادة
انت الطائع العابد الزاهد..
ولا انت مين ؟؟؟
انت مين ؟؟
و بدأوا يكلموك و انت ايه احساسك فين ؟؟



احساسك ايه ..و انتى بتعصي ...و انتى بتتجرأ على محارم الله ؟؟

و أنت بتنتهك اعراض البنات اللى رجعت تكلمهم ؟؟
احساسك ايه لما بترجع للشلة القديمة و الاغاني و الكليبات و الافلام و المسرحيات؟؟
احساسك ايه ...لما بتسود زجاج العربية و الكلام بالانجليزي ينزل ؟؟
احساسك ايه و انت بتعاكس ديه و ديه و ديه
و فجأأأأأأأأأة ...
لقيت اخ و زوجته المنتقبة معديين...
اللى كان حلمك تبقى كده ...؟؟



احساسك ايه لما عرفت ان صاحبك اللى كنت بتكلموا التزم بس بجد و سبقك و بقى داعية ...

و في يوم كلمك على الموبايل ازيك يا فلان عامل ايه ياعم ده في درس انا هعدي عليك نروح ما بعض
باركلي ياعم و اخير التزمت و قربت من ربنا و عرفت فين السعادة
هتقوله ايه
اصلي سيبته
اصلي روحت للشقاء برجلى
و ياه هو ممكن يقولك ايه ..ممكن يقولك تصدق لو كنت شوفتك كده قبل ما التزم مكنتش التزمت
و فتنته!!!!!!!!!!!!
ده غير بقى الشلة الجميلة القديمة الروشة بتاعت زمان اللى لما رجعتلها
ثبت عندهم ان اللى هما بيعملوا هوا الصح
بقيت انت بدل ما بتقربهم خطوة بعدتهم مليون
بقيت ادامهم الضعيف لشهواته و نزواته ..
؟؟؟؟؟؟!!!



طيب احساسك ايه لما حد يسألك انت ليه عملت في نفسك كده ؟؟؟

و ليه سيبت ..طب ده انا كنت بفكر التزم ..ليه بس تسدها في وشي كده يا عم احبطني و الله
لما انت مقدرتش تثبت انا هثبت..
و راح انغمس في شهواته ... و معاصيه تاني
و كان مين السبب
أنت..
فرحت الشيطان فيك..فرحت اعداء الله فيك
فرحت اعداء الاسلام فيك..فرحت النصارى و اليهود فيك
و بقيت وجبة غذائية متكاملة للشيطان و أعوانه
و طبعا شط شط هيقولك برافو عليك و مبروك يا حبيبي مبروك عليك




و طبعا شط شط الشيطان هياخدك بالاحضان و يقولك انت رجعتلى

اهلا و سهلا و مرحبا بحبيب اتى بعد غياب انت فين ياعم ياما نديت عليك ومعبرتنيس و استعذت و استغفرت و عملت اعمال صالحة
فسيبتك و مشيت قلت مفيش منك فايدة لالالالا ده انت طلعت تبعنا صحيح ده انا اتعلمت منك ان ميأسش من حد مهما عبد ... و يرحب بيك احسن ترحاب و يبقى عيد بالنسبة له...و يقولك جدع و الله أخيراااااا عرفت الطريق الصح ؟
اقلها كده يعني
كبيرة ولا اتنين في اليوم
ياعم سيب الصلاة هيا كانت عملتلك ايه ...و كلم بنات ..و ازني
زنا العين و الايد و السماع و كله و بقت
هييييييييييييييييييييييييييييييييييييصة
و كله بيتفرج على جديدك كل يوم ؟؟؟!!!!



طب احساسك ايه ؟؟!! و احساسكِ ايه ؟؟

و العيلة بقى ايه ده معقول فلالالالالالالالان اللى كان بيكلمنا و يدعونا و يوزع علينا شرايط
اللى مرضاش يحضر افراحنا
اللى مرضاش و مرضاش و مرضاش
وكان رضى الله عندي اغلى من كل حاجة
و هما بيقول مش ده اللى كان سلفي...مش ده اللى كان بيقول قال الله و قال الرسولى صلى الله عليه و سلم ...شوف يا عم بيعمل ايه دلوقتى ده انا معملتش اللى عملوا ...الحمد لله يا سيدي...أنا كده كويس اوي ( و بيبوس ايده وش و ظهر)
؟؟؟!!!!



طيب احساسك ايه و انت نازل من البيت و ركبت العربية

و بتفتح علشان تحط شريط الاغاني لقيت شريط كنت بتسمعه زمان
للشيخ يعقوب و لا لدكتور حازم ولا للشيخ حسان و لا الشيخ أحمد جلال
ولا شريط قرآن لمشاري راشد
ولا لقيت ورق من اللى كنت بتوزعه
ايه هتعمل ايه
هترميه ؟؟!!!
ولا هتشغله ؟؟!!
ولا هتبقى حجر
و تشغل شريط الاغاني عادي؟؟!!!



استنى بس عليا ..




طيب و المكتبة اللى في الاوضة و الكتب و الشرايط احساسك ايه لما بتشوفها ؟؟!!

احساسك ايه لما بتشوف المصحف
ولا المكان اللى بتقم فيه
ولا السواك؟؟؟؟



طب و البنطلون اللى قصرته ؟؟؟و القمصان البيضة الطاهرة اللى كنت بتلبسها ؟؟

هتعمل ايه
لما جيت تفتح الدولاب و ملقتش بنطلون طويل شوية تلبسه
ولا لبست البنطلون و لقيته قصير فاتكرت انك كنت عملته كده اقتداءا بالرسول صلى الله عليه و سلم ؟؟؟ و أنتي برده نقابك اللى قلعتيه ..بتفتحي الدولاب لقيته ادامك ..لقيتي الملحفة ادامك ..فافتكرتِ ايام الطهر و العفة و الحياء...افتكرت ايام العزة لما كنتِ في طريق الله ...و مع ذلك ازاي قدرتي ...تشدي البنطلون الجينز و البادي و تقفلي الدولاب طب دموعك منزلتش ...قلبك مرقش؟؟؟طب محنش ؟؟؟



ولا مثلا الاسرة اللى كنت بتكفلها ...و يتصل بيك صاحبك يا فلان عايز الكفالة

علشان رفقة الحبيب صلى الله عليه و سلم ..
هتقوله ايه بقى
لما يقولك عمرك ما اتأخرت ..الاسرة فقيرة جدا و محتاجة الكفالة
انا جايلك دلوقتى هتقوله ايه
و هو كان قدوة ليك لما يجي يشوفك كده
هيقولك ايه
؟؟!!!
و الاهم احساسك انت ايه ؟؟



مش مكسوف من نفسك ؟؟

مش مكسوف من ربنا يا اخي؟؟؟



سيبك من كل دول اصل انت مبيفرقش معاك الناس..انا عارفة

طيب نظر الله ليك و مراقبته ليك ..مش مكسوف
مش خايف من ربنا مش خايف من النار مش خايف لتموت في اي لحظة
هتقول لربنا ايه
؟؟؟؟؟؟؟!!!!!!!!!



احساسك ايه و انت حاسس انك محروووووووووووووووووم

محروم من الطاعة وحلاوتها و جمالها
محروم من الصلاة
محروم من الذكر
محروم من القرآن
محروم من الدعاء
محروم من الدعوة
محروم من المسجد و محروم من كل حاجة
احساسك ايه و انت مستبدل
و انت مطرود
و انت مشرد
و تايه في طريق المعاصي
احساسك ايه
؟؟؟؟؟؟؟؟!!!!!!!!!!!!!



ازاي بتضحك؟؟....ازاي بتهزر؟؟...ازاي مش همك؟؟

هتقول لرسول الله صلى الله عليه و سلم ايه ؟؟
هتقوله انا بدلت تبديلا يا رسول الله
هتقوله مصدقتش في اقتدائي بيك يارسول الله
هتقوله انا ندل يارسول الله
هتقول انا مستحقش اي حاجة يا رسول الله
هتقوله انا مش راجل انا عيل يا رسول الله
هتقوله ايه و انت السبب في انه صلى الله عليه و سلم
يحزن و تدمع عيناه لم يعرف حالك
هتقوله ايه على الحوض
لما يتقالك تقول سحقا سحقا .....................بعدا بعدا
؟؟؟؟؟؟!!!!!!



طب ليه ؟!؟!؟!؟!

عشانها الدنيا الحقيرة اللى متساوش عند الله جناح بعوضة ...و و الله لو كانت تسوى عند الله جناح بعوضة ما سقى الكافر منها شربة ماء..
علشان ايه .؟
سامحني أنت مجنون
اه مجنون ...اصل العاقل اللى يختار الجنة النعيم الدائم اللى يختار طريق ربنا
و المجنون بقى اللى يضيع دنيته و اخرته



علشاااااااان ايه ؟؟

جاوبني و فوق احسن متفوق و ملك الموت على بابك ..جاي يقبض روحك
ارجع و روح و مرمغ نفسك على بابه قبل ما تتمرمغ في جهنم
قبل ما يضيق عليك قبرك...
فوق قبل ما تقول يارتنى و تندم و ساعتها مش هينفعك الندم
توووووووووووووووب و ارجع قبل القطار يمشى و يتقفل ادام عينك باب التوبة
لانك هتبقى مت....؟؟؟؟؟!!
توب قبل ما تتلف في الكفن و تنزل قبرك و عينك تنفجر و عينكِ تنفجر...!!!



(((((((انا نفسى اقول لكِ و اقولك حاجة)))))))




تخيلى معايا ناس بتعصي و مش عارفة جاهلة مش عارفة العذاب و العقاب اللى ممكن تتعرض ليه من المعاصي مش عارفة خطورة اللى بتعملوا ( مع العلم ان دول ملهومش عذر المفروض يروح يعرفوا دينه )

تخيلى دول عقابعم هيكون ايه ؟؟!!!



فما بالك بناس تااااااااااااابت _ المفروض_ و رجعت لربنا و التزمت و ليها في ارض الالتزام بيوت ..و بقالهم سنين بيبنوا

و عارفين و ذاقوا و عرفوا ان ده الحق و ذاقوا طعم السعادة في طريق الله
و فجأة انتكسوا و راحوا للطريق التاني ؟؟!!
تخيل بقى اللى عرفوا و عملوا دول و بعدين سابوا هوا اللى ساب
تخيلى ممكن يكون عقابه ايه ؟؟!!!



و الموضوع للإخوة و للإخوات ....بس لو ذكرت كل الامثلة الموضوع هيبقى طويل جداً فصيغة الذكر تشمل الاتنين كما نعرف..







حقيقي ... ازاي هان عليك؟؟!!!







آخر تعديل أم براء يوم 04-26-2012 في 06:39 PM.
    رد مع اقتباس
قديم 10-21-2009, 08:57 AM   رقم المشاركة : 2
آية الله
قلب جديد

 


آية الله غير متواجد حالياً

 

آية الله is a jewel in the roughآية الله is a jewel in the roughآية الله is a jewel in the roughآية الله is a jewel in the roughآية الله is a jewel in the roughآية الله is a jewel in the roughآية الله is a jewel in the roughآية الله is a jewel in the roughآية الله is a jewel in the roughآية الله is a jewel in the roughآية الله is a jewel in the rough

 

افتراضي

فكر معايا و فكري معايا و جاوبوني على السؤال ده :
يا ترى الدور على مين ؟؟؟
و مطمنين ليه مش خايفين على التزامنا ليه ؟؟؟

ده الحبيب صلى الله عليه و سلم كان بيدعي ربنا

اللهم يا مقلب القلوب ثبت قلبي على دينك
اللهم يا مقلب القلوب صرف قلوبنا على طاعتك
إحنا فين يا جماعة ؟؟!!!
و يا ترى على مين الدور في الاستبدال و الطرد!!!؟؟؟
اللهم جدد الايمان في قلوبنا
إن شاء الرحمن لنا عودة لنكمل أحوال المنتكسين من القرآن و من السنة النبوية الطاهرة
ووضع اسباب و حلول ان تيسر الوقت ان شاء الله


فتابعوني و انتظروني و أتمنى التفاعل و لا مانع من المساعدة ...بل هذا يفرحني ليعم الاجر و المشاركة...اسأل الله ان يغفر لى اي خطأ في موضوعي هذا
جعل الله في ميزان حسناتكم

...
و الله _سبحانه و تعالى _يوفقنا لما يحب و يرضى
و يثبتنا على الحق حتى نلقاه

اللهم آمين يارب العالمين









    رد مع اقتباس
قديم 10-21-2009, 11:41 AM   رقم المشاركة : 3
حجابى عفتى
قلب جديد

 


حجابى عفتى غير متواجد حالياً

 

حجابى عفتى is infamous around these parts

 

افتراضي

جزاكى الله كل خير
اللهم ردنا الى الحق ردا جميلا
وثبت قلوبنا على دينك:schchristianpray3:








التوقيع

    رد مع اقتباس
قديم 10-21-2009, 04:02 PM   رقم المشاركة : 4
muslim
قلب جديد

 


muslim غير متواجد حالياً

 

muslim is infamous around these parts

 

افتراضي

من اجمل ما رأيت ف حياتي
لاني جزء من هذا الموضوع ربنا يثبتنا ويردنا اليه ردا جميلا








    رد مع اقتباس
قديم 10-21-2009, 04:56 PM   رقم المشاركة : 5
قلب معلق بالمساجد
مراقب إداري
 
الصورة الرمزية قلب معلق بالمساجد

 


الجنس: male

اسم الدولة Egypt

قلب معلق بالمساجد غير متواجد حالياً

 

قلب معلق بالمساجد is a splendid one to beholdقلب معلق بالمساجد is a splendid one to beholdقلب معلق بالمساجد is a splendid one to beholdقلب معلق بالمساجد is a splendid one to beholdقلب معلق بالمساجد is a splendid one to beholdقلب معلق بالمساجد is a splendid one to beholdقلب معلق بالمساجد is a splendid one to beholdقلب معلق بالمساجد is a splendid one to beholdقلب معلق بالمساجد is a splendid one to beholdقلب معلق بالمساجد is a splendid one to beholdقلب معلق بالمساجد is a splendid one to behold

 

افتراضي

جزاكم الله خيرا

اللهم يا مثبت القلوب و الأبصار .. ثبت قلوبنا على دينك








التوقيع


    رد مع اقتباس
قديم 10-25-2009, 05:47 AM   رقم المشاركة : 6
آية الله
قلب جديد

 


آية الله غير متواجد حالياً

 

آية الله is a jewel in the roughآية الله is a jewel in the roughآية الله is a jewel in the roughآية الله is a jewel in the roughآية الله is a jewel in the roughآية الله is a jewel in the roughآية الله is a jewel in the roughآية الله is a jewel in the roughآية الله is a jewel in the roughآية الله is a jewel in the roughآية الله is a jewel in the rough

 

افتراضي

جزاكم الله خيراً ..
بارك ربي فيكم و نفع بكم ..
اللهم يا مقلب القلوب ثبت قلوبنا على دينك حتى نلقاك ..







التوقيع

(( الَّذِي خَلَقَنِي فَهُوَ يَهْدِينِ{78}وَالَّذِي هُوَ يُطْعِمُنِي وَيَسْقِينِ{79}وَإِذَا مَرِضْتُ فَهُوَ يَشْفِينِ{80}وَالَّذِي يُمِيتُنِي ثُمَّ يُحْيِينِ{81}وَالَّذِي أَطْمَعُ أَن يَغْفِرَ لِي خَطِيئَتِي يَوْمَ الدِّينِ{82} )) سورة الشعراء .
    رد مع اقتباس
قديم 04-24-2012, 03:10 AM   رقم المشاركة : 7
محبه الله ورسوله
قلب جديد
 
الصورة الرمزية محبه الله ورسوله

 


الجنس: female

اسم الدولة Egypt

محبه الله ورسوله غير متواجد حالياً

 

محبه الله ورسوله is infamous around these parts

 

افتراضي

لانى جزء من الموضوع ارجو من الله تقبل توبتى وتثبيتى على الحق








التوقيع

    رد مع اقتباس
قديم 04-24-2012, 04:10 AM   رقم المشاركة : 8
مسلم ثائر
قلب جديد
 
الصورة الرمزية مسلم ثائر

 


الجنس: male

اسم الدولة Egypt

مسلم ثائر غير متواجد حالياً

 

مسلم ثائر is infamous around these parts

 

افتراضي

والله .. احساس بشع
بالعودة .. الى الأشياء السيئة التى تركناها

وصراع نفسى ما أقبحه ..

أسال الله لى الهداية ولسائر شباب المسلمين

لقد لامستنى الكلمات كثيرا وسقطت على قلبى ..

والله انا حزين وغير راضى عن نفسى أبدا .. أفرط فى أشياء كثيرة

أملى أن يرضى الله عنى








التوقيع





أسألكم الدعاء لى بالزوجة الصالحة .

ولأبى بالرحمة والمغفرة .. والجنة بغير حساب
    رد مع اقتباس
قديم 04-25-2012, 12:47 AM   رقم المشاركة : 9
إشرآقة سجدة
مشرفة التصميم
 
الصورة الرمزية إشرآقة سجدة

 


الجنس: female

اسم الدولة Egypt

إشرآقة سجدة غير متواجد حالياً

 

إشرآقة سجدة has a brilliant futureإشرآقة سجدة has a brilliant futureإشرآقة سجدة has a brilliant futureإشرآقة سجدة has a brilliant futureإشرآقة سجدة has a brilliant futureإشرآقة سجدة has a brilliant futureإشرآقة سجدة has a brilliant futureإشرآقة سجدة has a brilliant futureإشرآقة سجدة has a brilliant futureإشرآقة سجدة has a brilliant futureإشرآقة سجدة has a brilliant future

 

افتراضي

جزاكِ الله خيراَ








التوقيع


    رد مع اقتباس
قديم 04-25-2012, 03:59 AM   رقم المشاركة : 10
الدعاء سلاح سحرى
قلب متميز

 


الجنس: female

اسم الدولة Egypt

الدعاء سلاح سحرى غير متواجد حالياً

 

الدعاء سلاح سحرى is a splendid one to beholdالدعاء سلاح سحرى is a splendid one to beholdالدعاء سلاح سحرى is a splendid one to beholdالدعاء سلاح سحرى is a splendid one to beholdالدعاء سلاح سحرى is a splendid one to beholdالدعاء سلاح سحرى is a splendid one to beholdالدعاء سلاح سحرى is a splendid one to beholdالدعاء سلاح سحرى is a splendid one to beholdالدعاء سلاح سحرى is a splendid one to beholdالدعاء سلاح سحرى is a splendid one to beholdالدعاء سلاح سحرى is a splendid one to behold

 

افتراضي

جزاكم الله خيراً








التوقيع

الأعـــــمى يتمـــنى .. أن يشاهد العالم ...
والأصــــــــــــم يتمنى .. سماع الأصوات ..

والمقـــــــعــــد يتمنى .. المشى خطوات ..

والأبكــــــــــــم يتمنى .. أن يقول كلمات ..


.........وأنت ..

تشاهد ♥ ..

تسمع ♥ ..

تمشي ♥ ..

وتتكلم ♥ ..


----------------------------------------------

۩۞۩ فقل الـــــــــــحمد للـــــــــــــــه ۩۞۩



    رد مع اقتباس
إضافة رد

مواقع النشر (المفضلة)

الكلمات الدلالية (Tags)
عليك, هان


الذين يشاهدون محتوى الموضوع الآن : 1 ( الأعضاء 0 والزوار 1)
 
أدوات الموضوع
انواع عرض الموضوع

تعليمات المشاركة
لا تستطيع إضافة مواضيع جديدة
لا تستطيع الرد على المواضيع
لا تستطيع إرفاق ملفات
لا تستطيع تعديل مشاركاتك

BB code is متاحة
كود [IMG] متاحة
كود HTML معطلة

الانتقال السريع

المواضيع المتشابهه
الموضوع كاتب الموضوع المنتدى مشاركات آخر مشاركة
هان عليك ؟ الحياة حلوة الخط الساخن للتائبين 6 03-27-2011 12:48 AM
أحمدك ربى حمد الشاكرين وأثنى عليك الخير كله الحياة حلوة ۩۞۩ .......... أحبك ربي .......... ۩۞۩ 3 12-09-2010 05:35 PM
الزاوج-ماذا ينبغي عليك كزوج-وما ينبغي عليك كزوجة-مقطع للشيح وحيد عبد السلام وكيفة تربية الابناء Ahmad مرئيات وصوتيات أحلى حياة 1 06-12-2010 05:20 AM
تريد ان تتوب الى الله فيجب عليك؟ الحمد لله رب العالمين الخط الساخن للتائبين 9 05-26-2010 03:59 PM


الساعة الآن 06:00 AM

Powered by vBulletin® Version.Copyright ©2000 - 2009, Jelsoft Enterprises Ltd