العودة   منتدى أحلى حياة في طاعة الله > القرار الشجاع > أيامنا الحلوة :: قصص التائبين ::
التسجيل التعليمـــات اجعل كافة الأقسام مقروءة

أيامنا الحلوة :: قصص التائبين :: أيام قربنا فيها من ربنا لحظات كلنا عيشناها ومشاعر جميلة ليتها تدوم .

إضافة رد
 
أدوات الموضوع انواع عرض الموضوع
قديم 09-16-2011, 07:49 AM   رقم المشاركة : 1
إرتقــاء
قلب ينبض
 
الصورة الرمزية إرتقــاء

 


الجنس: female

اسم الدولة Egypt

إرتقــاء غير متواجد حالياً

 

إرتقــاء is a splendid one to beholdإرتقــاء is a splendid one to beholdإرتقــاء is a splendid one to beholdإرتقــاء is a splendid one to beholdإرتقــاء is a splendid one to beholdإرتقــاء is a splendid one to beholdإرتقــاء is a splendid one to beholdإرتقــاء is a splendid one to beholdإرتقــاء is a splendid one to beholdإرتقــاء is a splendid one to beholdإرتقــاء is a splendid one to behold

 

Mlpi 11 هل من معتبــر(قصة مش هتتخيلها)"الحلقة السابعة "





حلقة النهاردة عبارة عن حوار بين الشيخ هاني حلمي وضيف بيحكي قصته وفيها عبرة


أعوذ بالله السميع العليم من الشيطان الرجيم

بسم الله الرحمن الرحيم

الحمد لله وكفى وصلى الله وسلم وبارك على نبيه المصطفى وآله المستكملين الشرفَ
ثم أما بعد ،


فأسأل الله تبارك وتعالى ان يجعل جمعنا هذا جمعا مرحوما وان يجعل تفرقنا من

بعده تفرقا معصوما وان لا يجعل منا ولا بيننا ولا حولنا ِشقيا ولا محروما

اللهم طهر لنا قلوبنا اللهم اجعلنا ممن يستمعون القول فيتبعون احسنه

ياربنا ياربنا ياربنا احبنا

اللهم ارزقنا حبك و حب من يحبك وحب كل عملا صالح يقربنا الي حبك





الحلقة اليوم مختلفة عن سائر الحلقات فى هذا البرنامج والهدف والمقصد منها ان

احنا قلنا يبقى فى محطات كده ووقفات للإعتبار والاتعاظ واكساب القلب

شئ من معنى الشعور ولكى يتقى ويتعظ

عايزين نوصل للمعنى ده تحديدا واحنا قلنا ان معانى الإيمان دى مش حتقر فى


قلوبنا و تترسخ الا لما قلوبنا تطهر والا لما قلوبنا تبقى تخلصت من آفاتها ومن

عيوبها النهاردة هل من معتبر هل من متعظ

واحنا فى هذه الحلقة تحديدا حيبقى معانا ضيف حيحكى لنا قصته وقصته


مليئة بالعبر من باب


" وَذَكِّرْ‌ فَإِنَّ الذِّكْرَ‌ىٰ تَنْفَعُ الْمُؤْمِنِينَ "


من باب " وَلَوْ أَنَّهُمْ فَعَلُوا مَا يُوعَظُونَ بِهِ لَكَانَ خَيْرً‌ا لَهُمْ وَأَشَدَّ تَثْبِيتًا "

الموعظة دي عايزكوا تتوقفوا عندها والله شهيد والله سبحانه وتعالى رقيب

على صدقه فى كل ما حيحكيه

القصة عايزين نبتدى من البداية خالص انت كنت عايش زى اى حد عايش


عم حسين يقول:

كنت شغال فى قهوة في العتبة 24 ساعة فطبقت انا فى اليوم ده زميلي ماجاش

فطبقت مكانه

كان عندى 35 سنة ، وكنت خاطب

كنت ساكن في حى الجمالية الحسين

عم حسين يوم زميلى مجاش طبقت مكانه

قعدت من الصبح لحد تانى يوم الصبح لغاية الساعة 8 الصبح

وبعدين روحت فطرت ونمت وصحوني بالليل عشان اروح الشغل ما قمتش

فكبوا عليا ميه عشان أصحى مفيش حركة

كنت قاعد عند خالتى فى حته اسمها العطوف فى الجمالية بتقولى قوم قوم

مفيش نفس ولا حركة

عم حسين راحو كبو عليا ميه مفيش برضو اى حركة راحو جابو دكتور

كشف عليا قلهم أكل ايه قالو كل طبيخ عادى وشرب الشاى ونام

كشف عليا فقال لهم دة متوفى من امبارح بالليل بعد الأكل مباشرة !!

هو كشف عليا قال لهم ده عشان نتأكد يتحول على المستشفى فجابوا لى

الإسعاف وحولونى لمستشفى احمد ماهر التعليمية روحت المستشفى والدكتور

استلمنى قال فى ايه قالوا ده كل اكل امبارح ومتحركش بعد كده وجبنا له

دكتور قال يتحول على المستشفي

راحو دخلونى الرعاية المركزة عشان يشوف القلب والنبض مالقاش حاجة ولا

نبض ولا قلب فى المخ ولا فى الصدر

فقالوا ده متوفى من امبارح بالليل من الاكل الى اكله كان مسمم او متلوث

بعد كده غسلونى انتظرت حوالى خمس او ست ساعات فى العناية المركزة

مفيش نبض ولا فى حاجة

فقالوا يلا راحوا غسلونى بقى وراحوا مطلعين تصريح راحو سلمونى لأهلى

وأهلى أستلمونى وادفنت فى ترب الغفير عند مزلقان الدويقة مع ابويا الله يرحمه

قعدت بقى يومين فى غيبوبة وفى الكفن هما لما بينزلوا الميت بيحلوا من عليه

الرباط انا فضلت يومين بلياليهم فى الكفن مش حاسس بحاجة ولا دارى

بحاجة قمت تانى يوم باليل مش شايف حاجة لقيت بقى قطن

وأنا مش شايف ضلمة مش شايف

فاكر نفسى نايم فى البيت مش عارف نايم فى البيت على السرير مش عارف

فاتحركت لقيت الحاجات اللى عليا وقعت الهدوم اللي عليا وقعت ، اللي هو

الكفن يعني

لقيت قطن فى جسمى كله شلت بقى القطن من هنا ومن هنا


الدنيا ضلمة ومش شايف حاجة خالص

شلت القطن بقى من هنا ومن هنا شميت الريحة لقيت ريحة كريهه وضلمة مش

شايف حاجة بحسس بقى حواليا لقيت الميتين حواليا

لقيت رجلين وجسم كله

فشميت الريحة بقى فى ريحة كريهة ومش شايف بقى ضلمة مش شايف حاجة

لقيت بقى شعرى وقف كان خشن مكانش كده لقيت شعرى وقف كدة

زى المقشة الجريد وجسمى كله اتنفض بقى

ومش عارف اتلم على اعصابى وقمت ازحف على ايدى وركبى لحد ما

وصلت للسلم


لما قمت دوست على حاجة عملت رجلى قعدت يومين على السلم انزف من

رجلى على السلم

اتخبط في حاجة ،


انا لما وصلت السلم قمت وقفت معرفش بقى إيه اللي خبطنى لقيت بقى

رجلى بتنزف فى دم ما حسيتش بالجرح بس حسيت بالدم بينزف فى رجلى


قعدت استغيث الحقونى أنا حي يُرزق ، الحقونى قعدت يومين على السلم

اصوت الحقونى أنا حي يُرزق قعدت يومين على اسلم اصوت الحقونى

بصوت علشان الناس تسمعنى كان ربنا مقوي لى الحنجرة دى عشان الناس

تسمعنى فكنت اسمع رجلين تيجى عند التربة وتجرى مش بسمع صوت بسمع

رجلين بس تجرى تيجى عند التربة وتجرى تالت يوم برضوا يجروا برضوا

طلعت قعدت على السلم بس مفيش اعصاب ان انا اقف مفيش انا رجلى

كانت بتجيب فى دم واعصابى كانت سايبة كلها كان جسمى كله بيترج من الخضة

قعدت بقى على السلم اقول الحقونى قعدت اصوت بقى يومين بلياليهم على السلم اصوت

ماكنتش حاسس بحاجة سبحان الله ولا بجوع ولا بعطش ولا حاجة بس كان

عندى احساس ان ربنا حيكرمنى واخرج

حد حيسمعنى واخرج كان ربنا مقوى ليا الحنجرة دى ان حد يسمعنى واخرج

كان عندى احساس ان حد حيسمعنى واخرج

جه رابع يوم برضو اسمعونى الناس راحوا للتربي قالوا لا ده في شيطان هنا بعيد عنك او حد صحي


فراحوا للتربى قالوا له جه سمع صوتى جرى على قسم منشية ناصر طبعا بلغ

بقى جاءت الحكومة ووكيل النيابة وفتحوا وجابوا كشاف زى بتاع البياعين من حوالينا كده

كان بالليل قرب الفجر كده رابع يوم ، قرب الفجر

طبعا جه وكيل النيابة وكانوا جايبين تمارجى معاهم عشان يطلعنى فالتربى قال لا انا اطلعوا انا انا الى منزلو فطلعنى برة


ساعتها أول ما فتحوا القبر وانت بداءت تشوفهم بداؤ يسمعو صوتك ؟

انا ماكنتش دارى بحاجة انا كنت صوات بس مكنتش دارى بحاجة

اقعدت يومين بلياليهم اصوت

هم قالولى فى المستشفى بعد ما فقت أنا قعدت قد إيه

المهم بقى الراجل التربي أول ما طلعني بص في وشي ومات جات له ساكتة قلبية

أنا كنت زي الهيكل العظمى كان الدم كله اتصفى من جسمى

الحكومة بقى جريت ووكيل النيابة اما الراجل مات كله جري بقى خافوا مني

وكان الى يجى يقرب منى يجرى

يخافوا مني كان شعرى بقى واقف وجسمى كله بيتنفض وانا مرمى على

الارض كان جسمى كله بيتنفض

فجات بقى واحدة مؤمنة كده ساكنة فى القرافة جابت ملاية ورمتها عليا

وراحوا طالبين الاسعاف راحوا ودونى المستشفى تانى اللي انا طلعت منها احمد ماهر برضوا

فروحت المستشفى اما سمعوا ان انا روحت مشيوا الممرضين مشوا وسابوا

المستشفى والدكتور مشى هرب من المستشفى

عرف ان انا رجعت تانى هرب من المستشفى فجابوا لى دكاترة من الصحة بس

لسانى اتربط قعدت تلات شهور ما تكلمش

لما التربى مات لسانى ده اتربط قعدت تلات شهور ما اتكلمش وركبوا لى

محاليل محلول ملح وكده يعنى عشان الدم يجرى فى جسمى تانى تلات شهور

والله العظيم ده حصل

الحادثة دى حصلت سنة كام ؟


سنة 2002

هو اصلا يعنى المشكله ان هو ممكن الحالة نفسها حالة فريدة جدا واحنا

دلوقتى مش حنجيب العيب على الدكاترة ولا كذا لان الحالة كانت بالنسبة

لهم انت بتقول ان هما رشو عليك ميه وانهم عملو كذا وكذا وكذا فا دى

حاجة ربنا سبحانه وتعالى

ربنا جعلك اية للناس وهو ده الى انا عايزك توصلوا دلوقتى


انت ماكنتش حاسس بحاجة بس انت عشت كأنه شئ من حياة البرزخ

صحيح انت كنت لسة عايش حياة الشهادة دى

لكن انت دخلت قبر واتقفل عليك قبر عشت فيه ايام انت مش حاسس بيها

وحسيت بحاجات

انت طول الوقت ده انت بتقولى طول الوقت مفيش حاجة فى دماغك غير ان

انت قاعد تصرخ عايز تطلع وبس واستمر عليك الوقت ده كله

انا عندى امل ربنا سبحانه وتعالى نزل لى الامل انى هاخرج تانى واعيش تانى

والناس تشوفنى واشوف الناس كده يعنى

كنت مرعوب ؟!

آه طبعا كنت جسمى كله بيترج من الخوف بيتهز انا قعدت يومين فى رعب على السلم من الريحة والضلمة

اكتر حاجة كانت تؤذيك اوى الريحة جوة كانت صعبة اوى والضلمة الشديدة

ده المعنى اللى احنا بنتكلم حواليه لما نوصف القبر



النبي صلى الله عليه وسلم يخبرنا صلى الله عليه وسلم " أن القبر أول منازل الأخرة فإن صلح ، صلح ما بعده "


يعني لو الواحد دخل قبره وجه في وقت ما يحاسب في القبر ، ولو صلح له

أمره في القبر ده ومتعذبش يبقى إن شاء الله اللي جاي يبقى سهل


إنما لو دخل القبر وربنا كتب عليه شيء من العذاب فحيبقى اللي جاي كمان

اسوء والعياذ بالله

فالقبر أول منازل الآخرة والقبر هو بيت الظلم ، هو بيت الوحشة هو بيت

الدوود زي العلماء ما بيقولوا ، هو ده القبر

لو أنت ، يعني أنا عايز أوصل منك لإحساسك ده لأنه زي ما قلت أنت تجربة

فريدة جداً

ولو أنت النهارده عايزه تقول للناس يعني إيه قبر ، تقول لهم إيه ؟



عم حسين : والله ده حاجة بتاعت ربنا كل واحد بعمله اللي عمل حلو

بيخش الجنة ، اللي عمل وحش بيخش النار .


الشيخ هاني :
تمام ، تمام لكن أنت ، أنت إحساسك إيه ؟




عم حسين : القبر زي ما تقول عمل الإنسان ، عمل الإنسان بيشوف الحلو

والوحش بعمله ، عمله لو هيخش قبره يبقى منور ، وفي إنسان عمله وحش

بيخش سبحان الله بيبقى بيولع جوه ، ربنا سبحانه وتعالى بيولع فيه


الشيخ هاني :
حفرة من حفر النار .


عم حسين : اه حفرة من النار وملائكة بتنزل تعذب فيه ، لكن أنا الحمد لله كان عملي كويس

مأذتش حد ولا عملت حاجة وحشة عشان كده ربنا سبحانه وتعالى نجاني .


الشيخ هاني : هو ده بقى ، تعالى بقى يعني حدثت الحادثة دي أنت بتقول من سبع سنين اهو.


عم حسين :
آه .


الشيخ هاني :
بعديها أنت كنت طالع هيكل عظمي ، ودوك المستشفى قعدت

فيها 3 شهور


عم حسين :
آه ، ساكت في غيبوبة


الشيخ هاني :
مبتتكلمش خالص

وهما مشغلين لك المحاليل ، وبعدين ايه اللي حصل ؟


عم حسين :
وبعدين صحيت بقى اتكلمت والدتي جت لي المستشفى

مستحملش ماتت برضه .



فبعد الـ 3 أشهر أما فوقت واتكلمت جابوا لي والدتي ، مش مصدقة يعني أن

أنا بعد ما مت وبتاع وعملت عزاء أن أنا صحيت تاني .


الشيخ هاني :
قولي شعورهم كده ، أنت أول ما فتحت عينيك بعد ما أول ما فوقت من الغيبوبة


مين كان حواليك .


عم حسين :
من أهلي ؟


الشيخ هاني :
ولا مكانش في حد من أهلك


عم حسين :
كان في أخواتي ، بس مكنش بيقربوا مني


الشيخ هاني :
كله كان خايف منك


عم حسين :
اه كانوا خايفين مني ، أنا كنت عامل زي العصاية كده


مكانش عندي في لحم خالص ، كانوا خايفين مني ، وعينيا مبحلقة كده نايم بقى عينيا مبحلقة ، وشعري ده واقف إيه وجسمي كله بيتنفض 3 أشهر


الشيخ هاني :
مين أول حد قرب منك ، يعني حد من أهلك ؟


عم حسين :
والدتي


الشيخ هاني :
والدتك أول حد


عم حسين :
آه لما جت لي بقى بصت في وشي جت تلمسني ملحقتش تلمسني اتوفت

جت لها ساكتة قلبية


الشيخ هاني :
هى كمان


عم حسين :
آه


الشيخ هاني :
لا إله إلا الله



عم حسين :
مستحملتش الفرحة ، استحملت العزاء ، مستحملتش الفرحة


الشيخ هاني :
لا إله إلا الله


عم حسين :
جيت بقى تاني بعديها لما أمي اتوفت يعني زعلت وبتاع والدكتور

حاشوني بقى هناك سنة ، قعدت سنة فيها برضه تاني بعد الحادثة ، يعملولي تجميل في رجلي


عملولي خمس عمليات ، يخدوا جلد من فخدي من تحت يحطه في رجلي


الشيخ هاني :
لا إله إلا الله


عم حسين : اجي ف الشتا بقى امشي كويس ، واجي ف الصيف ترجع تاني


الشيخ هاني :
طيب هما عملولك العملية دي


عم حسين :
ولسه حالياً بعاني منهم



الشيخ هاني :
ربنا يشفيك ويعافيك يارب



عم حسين :
يارب



الشيخ هاني : أنت قعدت ف المستشفى أنت بتقول 3 أشهر مكونتش بتتكلم وبعدين قعدت حوالي سنة



عم حسين : آه سنة



الشيخ هاني : خرجت ، خرجوك أمتى تقريباً كانت سنة كام ؟


2004 تقريباً ولا ؟


عم حسين : آه خرجت حوالي آه في 2004 صح .



الشيخ هاني : أنت قلت 2002 فتقريباً سنة ونص



عم حسين : آه قعدت سنة ونص في المستشفى



الشيخ هاني : خرجت بقى قولي الدنيا استقبلتك ازاي ؟



عم حسين :
والله كله كان خايف مني ، جيت بقى في الجرايد والناس عرفتني ، كلما اجي اقرب لحد اسلم على حد يجري مني ، يقولك ده عفريته ، عفريت حسين



الشيخ هاني : لا إله إلا الله



عم حسن :
آه ، حتى خطيبتي سابتني ، كنت حلو الأول يعني وبمشي كويس



الشيخ هاني : ما أنت حلو اهو ، متخافش



عم حسين :
الحمد لله


بس خطيبتي سابتني بقى قالت لأ ده عفريت ماخدوش

ده اتغير ، أنا اتغيرت يعني ، أصل أنا قعدت يومين أنزف من دم ، فشكلي اتغير


الشيخ هاني : هي مراحتلكش في الفترة اللي هي قالوا لها أنك في المستشفى



عم حسين : لأ ، أنا روحت لها بقى البيت



الشيخ هاني :
لما خرجت ؟



عم حسين : آه فاروحت لها فخافوا مني صوتوا ، فضلوا يصوتوا والناس اتلمت عليا بقى ومكانش حد بيقرب مني ، شافوني بقى في التليفزيون والجرايد ، بقوا يخافوا مني ، أجي أقرب من واحد يجري مني ، خايفين مني ، ويجروا مني ، المهم مشيت بقى وصعبت عليا نفسي فضلت أعيط ، حتى خالتي مرضيتش تقعدني معاها تاني



الشيخ هاني : لا إله إلا الله



عم حسين : آه قفلت الباب في وشي وسابتني ، ما خلاص بقى ما شكلي اتغير



الشيخ هاني : أخواتك سابوك ، كله سابك



عم حسين :
كله سابني ، خدت أوضة بقى في منطقة الدويقة



الشيخ هاني : طب أنت قولي انت عايش ازاي ، يعني انت لما خرجت 2004 والناس كلها بعدت عنك والناس كلها حاسبة أن أنت عفريت ؟؟



عم حسين : والله أنا كنت ببيع مناديل وحاجات يعني ، عشان أرزق وكده يعني ، مناديل يعني في الإشارت وكده ، فعربية خبطتني فالسواق داس على رجلي وجري .



الشيخ هاني : لا حول ولا قوة إلا بالله



عم حسين : آه بقالي سنة من رمضان اللي فات ، عملت عملية في أحمد ماهر برضه ، فالله يجازيه الدكتور العملية غلط ركب لي العضم وراء بعضه غلط في الركبة ، ملوحة اهي ، فيها لوحة اهي ، فعايز عملية تاني .



الشيخ هاني : عم حسين ، أنا عايز اسألك ، أنت مفكرتش كل ده حصل ليه ؟



عم حسين : والله دي حاجات بتاعت ربنا ، ربنا كاتبهالي ، حد بيهرب من قدره


ربنا كاتبهالي ، المؤمن تملي متصاب


الشيخ هاني : الله أكبر ، أنا عايز بس اسألك ، أنت راضي؟!



عم حسين : أنا راضي بحكمة الله أنا مسلم برضه الحمد لله



الشيخ هاني : شوف احنا كنا بنقول ، اللي يجي من حبيبك ، يبقى حبيبك



عم حسين : الحمد لله ، قادر على كل شيء ، على الأقل دلوقتي بيخليني امشي على رجلي


بدل ما امشي على عكازين دلوقتي ، قادر يخليني امشي على رجلي ، بس هو دي تقول امتحان ، امتحان منه يعني .


الشيخ هاني : طب أنا يعني إيه إن شاء الله ، إن شاء الله بعد عمر طويل يعني تتصور بقى المرة التانية للقبر ، أنت هتبقى عامل لها .



عم حسين : والله دي حاجات بتاعت ربنا مضمنشي



الشيخ هاني : يعني أنت دلوقتي لما بتيجي كده تسرح بينك وبين نفسك وتفتكر الحادثة



عم حسين : آه ما أنا دلوقتي لمؤاخذة بنام في النور ، لما النور بيقطع بقوم اطلع الشارع ، افتكر الموقف أنام في النور مبقتش أنام في الضلمة ، بنام في النور دلوقتي بفتكر الموقف اللي أنا كنت فيه ، لازم بقى النور منور وأنام عليه .



الشيخ هاني : أنا بس كنت عايز أوصل لنفس المعنى ، اللي هو أن أنت ، مفكرتش قبل كده يمكن ربنا سبحانه وتعالى ابتلاني ، كلنا بنو آدم خطاء يعني كلنا أكيد مبنخلوش من ذنوب



عم حسين : طبعاً



الشيخ هاني : قولي يعني أنت قبليها كنت بتصلي



عم حسين : آه كنت بصلي



الشيخ هاني : كنت بتصلي قبل الحادثة



عم حسين : آه كنت بصلي



الشيخ هاني: كنت بتصلي ، لكن مكانش ، إيه الحاجة اللي انت حاسس أن أنت ابتليت بسببها


أكيد مننا يعلم ، يعني انا مش عايزك تصرح بشيء


عم حسين : والله أنا مرة زعلت والدتي ، زعلتها يعني مسمعتش كلامها على خطيبتي دي يعني ، فمسمعتش كلامها وروحت خطبتها وهي مكانتش موافقة عليها ، بس هي دي بس اللي .



الشيخ هاني : أنت حاسس أن ده ممكن يكون السبب ، العقوق ؟



عم حسين : ممكن ، كل شيء ممكن ، ممكن تكون دعت عليا


الله أعلم مضمنش برضه


الشيخ هاني : يا سبحان الله ، يعني والله لو كان المعنى كده تحديداً فعلاً ، دي محتاجة وقفة ، وقفة أوي يعني



عم حسين : إلا الأم يعني ، ده رضى الأم والأب بالدنيا وما فيهم ، لازم تبقى الأم راضية عنك والأب راضي عنك



الشيخ هاني : وهي الأم في الأخر خالص هي جت أحتضنتك وماتت وهي التانية سابتك



عم حسين : الله يرحمها ويسامحها ، الله يرحمها



الشيخ هاني :
بعد كده حصل إيه يا عم حسين ؟ أنت عايش ازاي ؟



عم حسين : والله أنا عايش في منطقة الدويقة


وقاعد في أوضة بدفع 100 جنية والله



الشيخ هاني : يعني أنت عايش على إيه ؟



عم حسين :
أنا باخد ، بقبض 85 جنية من الشؤون الاجتماعية .



الشيخ هاني : قولي صحيح أنت كان طلعوا لك تصريح دفن ، أنت طلعوا لك ورق تاني ؟



عم حسين :
آه



الشيخ هاني: يعني عملولك إعادة قيد من تاني .



عم حسين : ما هو بقى الدكتور المدير شطب اسمي عشان الدكتور عشان الاتنين هيتأذوا فشطب اسمي عشان ميتأذوش



الشيخ هاني : فكأنك أنت متطلعتلكش شهادة دفن



عم حسين :
آه شطبوا اسمي ، قالوا نشطبه خالص عشان لما يجي يدور على حاجة ميلاقيش إثبات؟



الشيخ هاني : طب وتصريح الدفن ده فين ؟



عم حسين : ما هو خده التربي اللي مات ، التربي لما بياخد التصريح بيدفن


وروحت للمستشفى وكنت هرفع عليهم قضية وبتاع ، فالراجل اللي هو معاه الدفاتر اللي بيقيد الميتين الناس اللي هي اتوفت يعني ، قال يا ابني متتعبش نفسك ، ما دام أنت جيت هنا تاني فالمدير شطب اسمك عشان ميتأذوش ، فأنت سلم أمرك لله وقول يارب ، وربنا هيقف معاك ، فاخدت بكلامه .


الشيخ هاني : ربنا حيكون معاك أنت لسه بتقول كلام جميل ، احنا عايزين أن قدر الله عز وجل لا يأتي إلا بخير ، فأنا عايز بس أن أنت تتأمل معايا ، وأنتم تتأملوا معايا الموقف نفسه وعيشوا اللي عاشه عم حسين ده عيشه في خيالك ، أنا عايزك تطبق عملي ، لحلقة النهاردة



أقفل على نفسك أوضتك اطفي النور واقعد استشعر يعني إيه قبر ، عايزك تاخد بعضك وتروح تزور قبر في الليل وتشوف كده يعني إيه ، أول منازل الأخرة ، قول لقلبك اللي قسى ، قول لقلبك اللي مبيتحركش ، قوله اهو هو ده المصير ، هي دي أخرتها ، هي دي أخر المطاف .


لو عايز تقول للناس كلمة خيرة ، يعني تقول لهم موعظة ؟!



عم حسين : أقول لهم ربنا يهديهم ويصلوا ويعرفوا ربنا ويصوموا وربنا يهديهم ويصلوا فرض بفرض وياخدوا موعظة مني ويصوموا ويصلوا فرض بفرض وميسيبوش الدين ويمشوا على الصراط المستقيم


الشيخ هاني : ربنا يحفظك يا عم حسين جزاك الله خيراً



عم حسين : ربنا يكرمك يا عم الشيخ



الشيخ هاني : يعني يا ريت المعنى ده منننسهوش ، وياريت نتفكر فيه ونتأمل فيه ، وياريت يكون ده سبب ليقظة القلوب

"
فَمَنْ جَاءَهُ مَوْعِظَةٌ مِنْ رَ‌بِّهِ فَانْتَهَىٰ فَلَهُ مَا سَلَفَ وَأَمْرُ‌هُ إِلَى اللَّـهِ ۖ "

عايزين نبقى يعني المعاني دي نبقى نمررها على قلوبنا ومنتغافلش عنها .





اسأل الله عز وجل أن يلين لنا قلوبنا
اسأل الله عز وجل أن يرحمنا برحمته من عنده تغنينا عن رحمة من سواه
فستذكرون هذا الموقف ، وستذكرون ما أقول لكم وأفوض أمري إلى الله



اسأل الله تبارك وتعالى أن يتقبل منا ومنكم وأن يأخذكم بأيدينا وأيديكم إليه ، أخذ الكرام عليه إنه ولي ذلك والقادر عليه
سبحانك اللهم ربنا وبحمدك ، أشهد أن لا إله إلا أنت ، استغفرك وأتوب إليك ، وصلي اللهم على نبينا محمد وعلى آله وصحبه وسلم .







منقوول







التوقيع

قال محمد بن سعيد المروزي : إذا طلبت الله بالصدق ؛ آتاك الله تعالي مرآة بيدك تبصر كل شئ من عجائب الدنيا والآخرة



وقال أبو سليمان "من كان الصدق وسيلته ؛ كان الرضا من الله جائزته


فالصادق حبيب الله

الصدق في كل شئ وليس القول واللسان فقط
***

اللهم اجعلني من أحب إمائك إليك
    رد مع اقتباس
قديم 09-16-2011, 07:53 AM   رقم المشاركة : 2
امة الرحمن/فاطمة
مشرفة
 
الصورة الرمزية امة الرحمن/فاطمة

 


الجنس: female

اسم الدولة Egypt

امة الرحمن/فاطمة غير متواجد حالياً

 

امة الرحمن/فاطمة has a brilliant futureامة الرحمن/فاطمة has a brilliant futureامة الرحمن/فاطمة has a brilliant futureامة الرحمن/فاطمة has a brilliant futureامة الرحمن/فاطمة has a brilliant futureامة الرحمن/فاطمة has a brilliant futureامة الرحمن/فاطمة has a brilliant futureامة الرحمن/فاطمة has a brilliant futureامة الرحمن/فاطمة has a brilliant futureامة الرحمن/فاطمة has a brilliant futureامة الرحمن/فاطمة has a brilliant future

 

افتراضي

جزاكِ الله خيرا








التوقيع

رَبِّ أَوْزِعْنِي أَنْ أَشْكُرَ نِعْمَتَكَ الَّتِي أَنْعَمْتَ عَلَيَّ وَعَلَى وَالِدَيَّ وَأَنْ أَعْمَلَ صَالِحًا تَرْضَاهُ وَأَدْخِلْنِي بِرَحْمَتِكَ فِي عِبَادِكَ الصَّالِحِينَ(النمل 19)

    رد مع اقتباس
قديم 12-17-2011, 03:26 AM   رقم المشاركة : 3
yoyo2005m
قلب جديد

 


الجنس: female

اسم الدولة Egypt

yoyo2005m غير متواجد حالياً

 

yoyo2005m is infamous around these parts

 

افتراضي

ان لله وان اليه راجعون ولا حول ولا قوة الا بالله








    رد مع اقتباس
قديم 12-21-2011, 03:11 AM   رقم المشاركة : 4
إرتقــاء
قلب ينبض
 
الصورة الرمزية إرتقــاء

 


الجنس: female

اسم الدولة Egypt

إرتقــاء غير متواجد حالياً

 

إرتقــاء is a splendid one to beholdإرتقــاء is a splendid one to beholdإرتقــاء is a splendid one to beholdإرتقــاء is a splendid one to beholdإرتقــاء is a splendid one to beholdإرتقــاء is a splendid one to beholdإرتقــاء is a splendid one to beholdإرتقــاء is a splendid one to beholdإرتقــاء is a splendid one to beholdإرتقــاء is a splendid one to beholdإرتقــاء is a splendid one to behold

 

افتراضي

جزاكم الله خيرا








التوقيع

قال محمد بن سعيد المروزي : إذا طلبت الله بالصدق ؛ آتاك الله تعالي مرآة بيدك تبصر كل شئ من عجائب الدنيا والآخرة



وقال أبو سليمان "من كان الصدق وسيلته ؛ كان الرضا من الله جائزته


فالصادق حبيب الله

الصدق في كل شئ وليس القول واللسان فقط
***

اللهم اجعلني من أحب إمائك إليك
    رد مع اقتباس
قديم 05-01-2012, 04:03 PM   رقم المشاركة : 5
الدعاء سلاح سحرى
قلب متميز

 


الجنس: female

اسم الدولة Egypt

الدعاء سلاح سحرى غير متواجد حالياً

 

الدعاء سلاح سحرى is a splendid one to beholdالدعاء سلاح سحرى is a splendid one to beholdالدعاء سلاح سحرى is a splendid one to beholdالدعاء سلاح سحرى is a splendid one to beholdالدعاء سلاح سحرى is a splendid one to beholdالدعاء سلاح سحرى is a splendid one to beholdالدعاء سلاح سحرى is a splendid one to beholdالدعاء سلاح سحرى is a splendid one to beholdالدعاء سلاح سحرى is a splendid one to beholdالدعاء سلاح سحرى is a splendid one to beholdالدعاء سلاح سحرى is a splendid one to behold

 

افتراضي

جزاكم الله خيرا








التوقيع

الأعـــــمى يتمـــنى .. أن يشاهد العالم ...
والأصــــــــــــم يتمنى .. سماع الأصوات ..

والمقـــــــعــــد يتمنى .. المشى خطوات ..

والأبكــــــــــــم يتمنى .. أن يقول كلمات ..


.........وأنت ..

تشاهد ♥ ..

تسمع ♥ ..

تمشي ♥ ..

وتتكلم ♥ ..


----------------------------------------------

۩۞۩ فقل الـــــــــــحمد للـــــــــــــــه ۩۞۩



    رد مع اقتباس
قديم 04-21-2014, 04:41 PM   رقم المشاركة : 6
عائشة امة الله
قلب ينبض
 
الصورة الرمزية عائشة امة الله

 


الجنس: female

اسم الدولة Egypt

عائشة امة الله غير متواجد حالياً

 

عائشة امة الله is infamous around these parts

 

افتراضي

الحمد للة على كل حال








التوقيع

كن مع الله ولا تبالي وكن مع الله كما يريدك يكن لك فوق ما تريد






    رد مع اقتباس
قديم 04-21-2014, 06:48 PM   رقم المشاركة : 7
أفق يا قلب
مشرفة
 
الصورة الرمزية أفق يا قلب

 


الجنس: female

اسم الدولة Egypt

أفق يا قلب غير متواجد حالياً

 

أفق يا قلب has a brilliant futureأفق يا قلب has a brilliant futureأفق يا قلب has a brilliant futureأفق يا قلب has a brilliant futureأفق يا قلب has a brilliant futureأفق يا قلب has a brilliant futureأفق يا قلب has a brilliant futureأفق يا قلب has a brilliant futureأفق يا قلب has a brilliant futureأفق يا قلب has a brilliant futureأفق يا قلب has a brilliant future

 

افتراضي

جزاكم الله خيراً








التوقيع

من ذاق لذة القرب من الله ثم انتكس ,,, فإنه يعيش في الدنيا معذبا


"لإبن القيم"

"وَالَّذِينَ جَاهَدُوا فِينَا لَنَهْدِيَنَّهُمْ سُبُلَنَا"
    رد مع اقتباس
قديم 09-28-2014, 02:05 AM   رقم المشاركة : 8
أم براء
مشرفة سابقة
 
الصورة الرمزية أم براء

 


الجنس: female

اسم الدولة Egypt

أم براء غير متواجد حالياً

 

أم براء has a brilliant futureأم براء has a brilliant futureأم براء has a brilliant futureأم براء has a brilliant futureأم براء has a brilliant futureأم براء has a brilliant futureأم براء has a brilliant futureأم براء has a brilliant futureأم براء has a brilliant futureأم براء has a brilliant futureأم براء has a brilliant future

 

افتراضي

قصة صعبة اوى

الله المستعان








التوقيع

فلا تقنع بما دون النجوم فلو كانت همة أحدكم الثريا لنالها

__________

قوموا فموتوا على ما مات عليه فماذا يغنى الحزن واليأس
    رد مع اقتباس
إضافة رد

مواقع النشر (المفضلة)

الكلمات الدلالية (Tags)
معتبــرقصة, السابعة, هتتخيلها, هتتخيلهاالحلقة السابعة


الذين يشاهدون محتوى الموضوع الآن : 1 ( الأعضاء 0 والزوار 1)
 
أدوات الموضوع
انواع عرض الموضوع

تعليمات المشاركة
لا تستطيع إضافة مواضيع جديدة
لا تستطيع الرد على المواضيع
لا تستطيع إرفاق ملفات
لا تستطيع تعديل مشاركاتك

BB code is متاحة
كود [IMG] متاحة
كود HTML معطلة

الانتقال السريع

المواضيع المتشابهه
الموضوع كاتب الموضوع المنتدى مشاركات آخر مشاركة
الرسالة السابعة : تعلم ما نفسي محبة الخطاب أحلى رمضان في حياتي 1 08-07-2011 06:38 PM
:: الشوق إلى الإخلاص:: الحلقة السابعة عشرة من دورة المشتاقين إلى رمضان :::: يانفس توبي أحلى رمضان في حياتي 4 07-17-2011 11:35 PM
::الشوق للحياة مع القرآن:: الحلقة السابعة من دورة المشتاقين إلى رمضان :: يانفس توبي أحلى رمضان في حياتي 6 07-09-2011 01:39 AM


الساعة الآن 09:44 PM

Powered by vBulletin® Version.Copyright ©2000 - 2009, Jelsoft Enterprises Ltd