العودة   منتدى أحلى حياة في طاعة الله > استمتع بحياتك > ZoOoOom على حياتنا :: القسم العام ::
التسجيل التعليمـــات اجعل كافة الأقسام مقروءة

ZoOoOom على حياتنا :: القسم العام :: تعالوا نقرب من مشاكلنا اليومية في الحياة ونعرفها ونفهمها ونحلها

إضافة رد
 
أدوات الموضوع انواع عرض الموضوع
قديم 11-01-2016, 02:40 AM   رقم المشاركة : 1
نـورهـان
مشرفة
 
الصورة الرمزية نـورهـان

 


الجنس: female

اسم الدولة Egypt

نـورهـان غير متواجد حالياً

 

نـورهـان has a reputation beyond reputeنـورهـان has a reputation beyond reputeنـورهـان has a reputation beyond reputeنـورهـان has a reputation beyond reputeنـورهـان has a reputation beyond reputeنـورهـان has a reputation beyond reputeنـورهـان has a reputation beyond reputeنـورهـان has a reputation beyond reputeنـورهـان has a reputation beyond reputeنـورهـان has a reputation beyond reputeنـورهـان has a reputation beyond repute

 

Wink إنها حقاً عائلة مثالية :) >> حملة جديدة تاابعوناااا <<



البيووووووت ...

أبواب مقفولة متعرفش ايه اللى جواها .. مشاكل , زعل , خصام , حب , فرح , دموع ...الخ

خلينا متفقين ان مفيش بيت يخلو من المشاكل .. لكن فى فرق بين بيت بيتعامل مع

المشاكل ويحلها لأن الأطراف متفاهمة وبيت المشاكل بتهده وبتخليه ينهار لأن مفيش

أى لغة حوار أو مناقشة بين أطرافه ..

البيوت ممكن تبقى جنة ومملكة وممكن تبقى نار وجحيم .

بيتك ممكن تكره ترجعله آخر اليوم وتهرب منه بقعدة على القهوة وخروجة مع أصحابك.

بيتِك ممكن يبقى سجنك فى الدنيا وتبقى كارهة تفاصيله وكارهة عيشتك فيه .

وبرضو بيتك ممكن يبقى أكتر مكان بترتاح فيه وعمرك ما فكرت فى يوم تبات براه

وبتستنى بفارغ الصبر تخلص شغلك وتجرى عليه .

بيتِك ممكن يبقى السكينة والاطمئنان والهدوء والراحة كلها بالنسبة لك .


طب مييييين بيعمل كده ؟؟

مين بإيده يشكل البيت ويحوله من جنة لنار والعكس !

كل طرف من أطراف الأسرة مسئول عن حاجة زى كده ( الزوج , الزوجة , الأبناء )

وكلامنا النهارده هيكون عن الزوج والزوجة وتربية الأبناء اللى هما الاتنين شركاء فيها

هنتكلم عن ازاى نفهم بعض ؟

ازاى نتعامل مع بعض ونحترم بعض ؟

نحترم عقليات الطرف الآخر وطريقة تفكيره اللى هى بالطبع مختلفة

ازاى نشبع احتياجات بعض سواء زوج أو زوجة أو أبناء عشان نبقى أصحاء نفسياً ؟

هنعرف دورنا وحقوقنا وواجبتنا .. اللى لازم كل طرف يلتزم بيها عشان البيت يبقى مستقر وسليم من جميع النواحى .

هنعرف طبيعتنا وفطرتنا اللى ربنا خلقنا عليها عشان منغيرش فيها ونرجع نقول ليه حصل وحصل ؟!

هنعرف ازاى نحل المشاكل بذكاء وحكمة وفطنة تحافظ على البيت واستقراره النفسى والعاطفى ؟

هنعرف يعنى ايه راجل ويعنى ايه ست ؟؟ ودى حاجة فى منتهى الأهمية


هنعرف ازاى نربى أولادنا اللى هما أمانة فى رقبتنا .. وثمرة عمرنا كله واستثمارنا فى الدنيا والآخرة ؟

عشان بجد كفااااااااااية اوى بيوت مليانة نكد وهم وغم .. كفاااااية أولاد معقدين بل

مشوهييين نفسياً ... كفاااية زوج وزوجة مش فاهمين بعض ولا عارفين يتعاملوا مع

بعض ولا يحترموا بعض أصلا .. كفااااااية أجيال بايظة نشأت بسبب أساليب تربية

غلطxغلط وبسبب أب وأم هما ذات نفسهم بايظين .. كفااااية تعاسة وحزن .. كفااية

لامبالاة .. كفاااية عدم اهتمام وتقدير للموقف والمسئولية .. كفاااية كل حاجة بتأذينا

وبتوجعنا وبتنكد علينا عيشتنا ويللا نصلح من نفسنا عشان بيوتنا تصلح بينا ان شاء الله :)

الموضوع هيبقى عبارة عن حلقات وهنبدأ اول حاجة خالص بفهم طبيعة الرجل والمرأة

عشان من خلالها نعرف ازاى يتعامل كل من الطرفين مع الآخر .. والجزء الثانى من

الموضوع هيبقى عن تربية الأبناء والتربية المثالية .. وهيبقى فى موضوع منفصل

خاص بالاستشارات الأسرية والزوجية وتربية الأبناء لكل أسئلتكم واستفساراتكم .

عايزين نوصل فعلاً للـ " العائلة المثــالية "

وافتكروا انه ( ليس المطلوب تحقيق الكمال ولكن الأهم هو السعى لتحقيقه )

وده اللى هنعمله ان شاء الله :)


انتظروناااا


فهرس المواضيع

(الجزء الأول )
*وليس الذكر كالأنثى*


(الجزء الثانى)

*الاحترام والتقدير والفرق ما بينهم "







آخر تعديل نـورهـان يوم 12-06-2016 في 12:54 AM.
    رد مع اقتباس
قديم 11-01-2016, 07:35 PM   رقم المشاركة : 2
افرحوا بالله♥
مشرفة
 
الصورة الرمزية افرحوا بالله♥

 


الجنس: female

اسم الدولة Egypt

افرحوا بالله♥ غير متواجد حالياً

 

افرحوا بالله♥ has a brilliant futureافرحوا بالله♥ has a brilliant futureافرحوا بالله♥ has a brilliant futureافرحوا بالله♥ has a brilliant futureافرحوا بالله♥ has a brilliant futureافرحوا بالله♥ has a brilliant futureافرحوا بالله♥ has a brilliant futureافرحوا بالله♥ has a brilliant futureافرحوا بالله♥ has a brilliant futureافرحوا بالله♥ has a brilliant futureافرحوا بالله♥ has a brilliant future

 

افتراضي

وعليكم السلام ورحمه الله وبركاته
ماشاء الله تبارك الله
وفقكم الله








التوقيع

سبحان الله وبحمده عدد خلقه ورضا نفسه وزنة عرشه ومداد كلماته

تستطيع أن ترى الصورة بحجمها الطبيعي بعد الضغط عليها

و لو أنّا إذا متنا تُركنا *** لكان الموت راحة كل حيِ
و لكنّا إذا متنا بُعثنا *** و نُسأل بعده عن كل شيءِ

انا عاوز اتوب بس البلاااوى الزرقا الى عملتها ؟
روابط مؤلفات د / مصطفى إبراهيم زايد ..
يوميات شاب عادي .. القصة كاملة
فهرس"الحب والنقاب والحجاب والغناء والتلفاز"
جبال من الحسنات بدقائق معدودات-صدقه جاريه
~~~~~~
القرءان الكريم بصوت هادىء وجميل- الشيخ عبد الرحمن العوسي
مصحف للقراءه + تفسير

    رد مع اقتباس
قديم 11-02-2016, 02:18 AM   رقم المشاركة : 3
نـورهـان
مشرفة
 
الصورة الرمزية نـورهـان

 


الجنس: female

اسم الدولة Egypt

نـورهـان غير متواجد حالياً

 

نـورهـان has a reputation beyond reputeنـورهـان has a reputation beyond reputeنـورهـان has a reputation beyond reputeنـورهـان has a reputation beyond reputeنـورهـان has a reputation beyond reputeنـورهـان has a reputation beyond reputeنـورهـان has a reputation beyond reputeنـورهـان has a reputation beyond reputeنـورهـان has a reputation beyond reputeنـورهـان has a reputation beyond reputeنـورهـان has a reputation beyond repute

 

افتراضي

جزاكى الله خيراً كثيراً








    رد مع اقتباس
قديم 11-03-2016, 03:38 PM   رقم المشاركة : 4
حـياتى كلها لله
مشرفة
 
الصورة الرمزية حـياتى كلها لله

 


الجنس: female

اسم الدولة Egypt

حـياتى كلها لله غير متواجد حالياً

 

حـياتى كلها لله has a brilliant futureحـياتى كلها لله has a brilliant futureحـياتى كلها لله has a brilliant futureحـياتى كلها لله has a brilliant futureحـياتى كلها لله has a brilliant futureحـياتى كلها لله has a brilliant futureحـياتى كلها لله has a brilliant futureحـياتى كلها لله has a brilliant futureحـياتى كلها لله has a brilliant futureحـياتى كلها لله has a brilliant futureحـياتى كلها لله has a brilliant future

 

افتراضي

الله على المواضيع الجميلة :)
ربنا ينفع بيكى ومستنيين البقيه








    رد مع اقتباس
قديم 11-04-2016, 08:48 PM   رقم المشاركة : 5
رَوْضَـــة
مشرفة
 
الصورة الرمزية رَوْضَـــة

 


الجنس: female

اسم الدولة Egypt

رَوْضَـــة غير متواجد حالياً

 

رَوْضَـــة has a brilliant futureرَوْضَـــة has a brilliant futureرَوْضَـــة has a brilliant futureرَوْضَـــة has a brilliant futureرَوْضَـــة has a brilliant futureرَوْضَـــة has a brilliant futureرَوْضَـــة has a brilliant futureرَوْضَـــة has a brilliant futureرَوْضَـــة has a brilliant futureرَوْضَـــة has a brilliant futureرَوْضَـــة has a brilliant future

 

افتراضي

ما شاء الله
متابعين بشدة .. جزاكِ الله خيرًا
وسعيدة جدًا بعودتك بارك الله فيكِ








التوقيع

سبحان الله وبحمده ... سبحان الله العظيم


    رد مع اقتباس
قديم 11-12-2016, 02:46 PM   رقم المشاركة : 6
رضاك ربى غايتى
قلب ينبض
 
الصورة الرمزية رضاك ربى غايتى

 


الجنس: male

اسم الدولة Egypt

رضاك ربى غايتى غير متواجد حالياً

 

رضاك ربى غايتى is infamous around these parts

 

افتراضي

موضوع مهم جدااا
متابع ان شاء الله
جزاكم الله خيرا








التوقيع

أحبك ربى
    رد مع اقتباس
قديم 11-14-2016, 01:34 AM   رقم المشاركة : 7
نـورهـان
مشرفة
 
الصورة الرمزية نـورهـان

 


الجنس: female

اسم الدولة Egypt

نـورهـان غير متواجد حالياً

 

نـورهـان has a reputation beyond reputeنـورهـان has a reputation beyond reputeنـورهـان has a reputation beyond reputeنـورهـان has a reputation beyond reputeنـورهـان has a reputation beyond reputeنـورهـان has a reputation beyond reputeنـورهـان has a reputation beyond reputeنـورهـان has a reputation beyond reputeنـورهـان has a reputation beyond reputeنـورهـان has a reputation beyond reputeنـورهـان has a reputation beyond repute

 

افتراضي



الجزء الأول ..

معلش على التأخير الغير متعمد لكن ان شاء الله كل يومين هنزل جزء :)

أولاً فى البداية كده لازم نعترف بحقيقة بحتة ..

>> الست بتعامل الراجل على انه ست والراجل بيعامل الست على إنها راجل

وده السبب الأساسى والرئيسى لأى مشكلة وخلاف وسوء تفاهم بيحصل !

طب يعنى ايه الكلام ده ؟

يعنى كل واحد من الطرفين مش فاهم احتياجات الطرف التانى ومش فاهم نقطة انه

كائن تانى خالص مختلف عن فى التفكير والطباع والسلوكيات وما إلى آخره ..

فبيتعامل زى ما بيتعامل مع أفراد جنسه ! وهنا بيحصل drop جامد فى العلاقة ما بينهم .

نضرب مثال : احنا كستات زنانين حبتين تلاتة أربعة وبنستخدم الزن كوسيلة لأى حاجة

عايزينها ومقتنعين تماماً بإن الزن على الودان أمر من السحر وبنيجى كمان بالزن

عادى جدا .. عكس الرجالة تكره الزن وعمرهم ما ييجوا بيه أبداً بل بيقلب معاهم لعناد ..

تقوم الست لما تعوز حاجة من جوزها وهو مش راضى .. تفضل تزن عليه تزن عليه

_وهى فاكرة انه هيزهق من زنها ويعملها اللى عيزاه_وتتفاجئ بعد كده هو ليه

اتعصب وزعق فيها ونزل ساب البيت


( عشان اتعاملتى معاه كـ "ست" ) وافتكرتى انه زيك زيه

نضرب مثال تانى /واحدة بتعاتب جوزها وتقوله : كده برضو يا ابو العيال مفتكرتنيش

بورداية حتى يوم عيد جوازنا وانا اللى واقفة فى المطبخ طول النهار

اعملك الاكل اللى بتحبه اشى محمر ومشمر وغير الفستان الجديد اللى اشتريته

وانت مأخدتش بالك منه!! ده انا حتى غيرت لون شعرى وعملته موزمبليه توحفة وانت

ولا أى اندهاش


فيقوم هو يرد عليها : عيزانى اعمل ايه طيب مانا راجع من الشغل تعبان ومش شايف

قدامى .. هاخد بالى من ايه ولا ايه ؟! وشكلك كده ناوية تقلبيها نكد وانا مش فايقلك

فهدخل انام احسن !


هنا صِرف بيتعامل معاها كأنها واحد صاحبه ... لو كان جاب معاه وردة باتنين جنيه

وقالها تسلم ايديكى وعلق على شكلها وقالها شكلك توحفة انهارده ,,

كان اليوم هيعدى والست مش هتفتح بوءها وتنبسط وتطير من الفرحة ..


بحاجة تافهة جدا "بالنسبة له" ممكن يرضيها ويكسبها ,, "وبكلمة" تدل على عدم

اهتمام او تقدير يقلبها نكد ويبقى يوم ما يعلم بيه إلا ربنا ..

الرجالة تجهل ( قـوة وسحر الكلمة ) مع إنهم لو لسانهم حلو مع زوجاتهم فعلاً كل

مشاكلهم هتتحل لأن الستات بيروجوا بكلمة وييجوا بكلمة ..

والوردة ولا الحاجة الحلوة اللى بتحبها لو جبتهالها معاك وانت راجع من الشغل مش

هتفرق معاك فى حاجة خالص وقيمتها لا تذكر بالنسبة لك بس عندها بتفرق جدا جدا

جدااا ..
الرجالة تجهل ( القيمة المعنوية للهدايا ) وقبل الهدية قيمتها

"المعنوية " وليست "المادية " إطلاقاً .

يبقى عايزين نحط الآية دى فى بالنا كويس جدااا ( وليس الذكر كالأنثى )

لأنها هنبنى عليها باقى الأجزاء ...

تابعونااا







    رد مع اقتباس
قديم 11-14-2016, 03:23 AM   رقم المشاركة : 8
رَوْضَـــة
مشرفة
 
الصورة الرمزية رَوْضَـــة

 


الجنس: female

اسم الدولة Egypt

رَوْضَـــة غير متواجد حالياً

 

رَوْضَـــة has a brilliant futureرَوْضَـــة has a brilliant futureرَوْضَـــة has a brilliant futureرَوْضَـــة has a brilliant futureرَوْضَـــة has a brilliant futureرَوْضَـــة has a brilliant futureرَوْضَـــة has a brilliant futureرَوْضَـــة has a brilliant futureرَوْضَـــة has a brilliant futureرَوْضَـــة has a brilliant futureرَوْضَـــة has a brilliant future

 

افتراضي

ما شاء الله تحليل رائع جدًا
كنت قرأت حاجة ليها علاقة بالموضوع ده بردو (وليس الذكر كالأنثى) بس من ناحية تانية
كان واحد بيحكي إنه عنده ولد وبنت صغيرين
واداهم التابلت بتاعه هدية بشرط إن هما الاتنين يلعبوا عليه مع بعض
الولد دايما كان بيعلب على التابلت ومش بيديه لأخته إلا لو هي طلبت منه
وأخته غالبا ماكنتش بتطلب بس دايما كان بتقف تتفرج على أخوها وهو بيلعب عليه
لحد ما والدهم لاحظ الموضوع ده .. وسأل الولد ليه مش بتخلي أختك تلعب على التابلت؟ وشد عليه شوية
الولد قاله يا بابا هي مش بتطلب مني تلعب عليه ولو طلبت كنت هديهولها
البنت لما شافت والدها شد على أخوها راحت اتدخلت وقالت له إنه أخوها مش مانع إنها تلعب عليه معاه ولا حاجة
لكن هي بتقف جمبه وهو بيلعب كتلميح منها إنها هي كمان عايزة تلعب عليه
بس مادام هو ماداش التابلت ليها يبقى خلاص تتفرج وبس


* المقصد من الحكاية دي إن المرأة غالبًا مش بتستخدم الأسلوب المباشر في التعامل
المرأة بتحب التلميح وبتحب إن غيرها يفهم هي عايزة إيه من غير ما تقول .. على عكس الرجل

متابعين معاكي .. جزاكِ الله خيرًا :)








التوقيع

سبحان الله وبحمده ... سبحان الله العظيم


    رد مع اقتباس
قديم 12-05-2016, 10:59 PM   رقم المشاركة : 9
نـورهـان
مشرفة
 
الصورة الرمزية نـورهـان

 


الجنس: female

اسم الدولة Egypt

نـورهـان غير متواجد حالياً

 

نـورهـان has a reputation beyond reputeنـورهـان has a reputation beyond reputeنـورهـان has a reputation beyond reputeنـورهـان has a reputation beyond reputeنـورهـان has a reputation beyond reputeنـورهـان has a reputation beyond reputeنـورهـان has a reputation beyond reputeنـورهـان has a reputation beyond reputeنـورهـان has a reputation beyond reputeنـورهـان has a reputation beyond reputeنـورهـان has a reputation beyond repute

 

افتراضي


كثير من اللي باقابلهم في المتجوزين عاوزين أزواج رجالة بصفات أنوثة ... أو زوجات بصفات ذكورية ..

يعني راجل عاوز مراته معتمدة على نفسها وتشيل معه المسئوليات المادية وتعمل المشاوير لوحدها وتشتري الحاجات وتتعامل مع الرجالة عادي وتشتغل وتفضل ساكتة ماتتكلمش غير لما يبقى هو له مزاج أنها تتكلم وتقصر في الكلام تخلليها to the point وماتعيطش وماتأفورش وماتشتكيش ومايقلبش مزاجها وماتطلبش منه حاجة .. وفي نفس الوقت تبقى فرفوشة وبتعرف ترقص وتربي للعيال وتدلعه وتاخذ بالها من البيت ... إلخ

والست عاوزة جوزها يبقى حنين وبيحس لوحده باحتياجاتها وبيعملها من نفسه وبيسمعها ورقيق ومابيعملش مشاكل مع الناس وحبوب ورومانسي ويعمل لها مفاجآت من نفسه ويساعدها في شغل البيت ... وفي نفس الوقت يبقى راجل في مواقفه ويغير عليها ويصرف عليها ويعمل مشاوير البيت ويبقى له قيمة وناجح في شغله وطموح وكسيب ورياضي وقوي وبياخذ قرارات ... إلخ

طبعا في الموقف ده بتحضرني سعاد حسني وهي بتزرع في أجيال مبدأ ... "البنت زي الولد .. ماهيش كمالة عدد" .. واللي طبعا أدى للكارثة ده ...
الرجالة والستات مش زي بعض ... ربنا علمنا .. "وليس الذكر كاﻷنثى" ... والعلم الحديث أكد ده .. الاختلافات جينية وتناسلية وجنوسية وهرمونية ومخية وسلوكية.. اللي بيتجوز ومش مراعي الاختلافات ده ومش فاهم طبيعة العلاقة الزواجية وطبيعة النوع الآخر عليه يراجع نفسه هو أو هي بيتجوزوا ليه وبناءا على ايه ؟

من أحلى ما في الزواج أنه بيكمل اللي ناقص عند البني آدم ... الرجل بصفاته الذكورية والست بصفاتها الأنثوية بيكملوا مفهوم ثنائية الحياة ... بين الصراع والتنافسية والقوة والانجاز ... وبين البهجة والمشاعر والحنان والموسمية والمرونة... تلاقي الحياة الكاملة ببهجتها ...

وهنا بتحصل معادلة 1+1=3،4،5، ..إلخ .. لأن الزوجين بيبقوا مع بعض نواة كاملة للحياة ...
دور على الصفات اللي تكملك ... مش الصفات اللي عندك بالفعل .. وادي اللي عندك ... وعلشان تديه لازم تقدره وتعرف ازاي تستخدمه .. يعني تبقى راجل كامل الفحولة .. وانت تبقي امرأة مكتملة الأنوثة .. وتعرفوا ازاي توروا ده لشريك حياتكم ... كل واحد في الجواز يطلع أحسن مافيه للي قدامه ويستقبل أحسن ما في اللي في الطرف الثاني ...علشان يكمل معه دورة الحياة ..

منقول







    رد مع اقتباس
قديم 12-06-2016, 12:45 AM   رقم المشاركة : 10
نـورهـان
مشرفة
 
الصورة الرمزية نـورهـان

 


الجنس: female

اسم الدولة Egypt

نـورهـان غير متواجد حالياً

 

نـورهـان has a reputation beyond reputeنـورهـان has a reputation beyond reputeنـورهـان has a reputation beyond reputeنـورهـان has a reputation beyond reputeنـورهـان has a reputation beyond reputeنـورهـان has a reputation beyond reputeنـورهـان has a reputation beyond reputeنـورهـان has a reputation beyond reputeنـورهـان has a reputation beyond reputeنـورهـان has a reputation beyond reputeنـورهـان has a reputation beyond repute

 

افتراضي



النهارده نتكلم عن (الاحترام والتقدير وحاجة الزوجين لكل منهم )

أولاً .. لو سألت سؤال وقولت هل فى فرق ما بين الاحترام والتقدير ؟؟!

كتير مننا هيقول انهم واحد ومفيش فرق بينهم ولا فرق فى التعامل بيهم ..

وده غلط جدا لأن فى فرق جوهرى كبير ما بينهم لو عرفناه فعلاً مشاكل كتير هتتحل

وهنعرف نتصرف صح فى المواقف اللى بتحصل ونحافظ على سعادة البيت :)

سؤال تانى .. الزوجة تحتاج فى التعامل معاها احترام ولا تقدير ؟ والزوج برضو ؟

الاجابة ( تحتاج الزوجة إلى الاحترام ويحتاج الزوج الى التقدير )

طب ايه الفرق ما بينهم ؟

الاحترام : يعنى لو الزوجة أحسنت زوجها يحسن إليها وإذا

أخطأت عليه أن يسامحها . وده لأن الست بتلوم نفسها بما يكفى وقت ما بترتكب خطأ ..


التقدير : هو إذا أحسن الزوج فعلى زوجته أن تحسن إليه وإذا أساء فعليها معاتبته

برفق الأنثى ودلال الأنثى وحب الأنثى (مش أى عتاب )، حتى يعلم أنه

أساء، وإلا فسيمضي في حياته قدماً دون أن يدري أنه يؤلمها.

سامحها بلطف حينما تخطئ.. عاتبيه بأنوثة حينما يخطئ.


ودى زتونة الموضوع



طيب نشوف أمثلة عشان الفكرة تثبت عندنا .. :)

انت متعود كل يوم الصبح زوجتك تكوى لك القميص وجه فى يوم وسهت عنه واتلسع

من المكواه .. (هى عارفة انك هتدايق وبتلوم نفسها جدا وضميرها مأنبها بما يكفى

وده طبع فى الستات عموماً ) فتيجى انت تزعق وتقولها : انتى مبتعمليش حاجة

عدلة أبداً ,قميص مش عارفة تكويه ! اروح انا الشغل بإيه دلوقتى حرام عليكى وهيبدأ

اليوم بخناقة حلوة لأنها طبعاً مش هتسكت وهتجيب القديم والجديد ولو سكتت يا

حلو تبقى بترقدلك وهتردهالك هتردهالك

طبعاً صاحبنا ده ده اتصرف غلط جدا .. وفاكر ان كده بيعاتبها

(بس الحقيقة ان الرجالة عموما لا تُجيد فن العتاب فعشان كده بنقول "يسااامح" )

طبعاً لو أى واحدة مكانها مش هتكويله فردة شراب حتى مش قميص

انما لو كنت عديت الموقف وقولتلها ولايهمك يا حبيبتى فداكى 10 قمصان بحالهم ,, وتعيشى وتحرقى كفاية انك بتكويلى كل يوم أساساً

تفتكروا مش هتاخد بالها بعد كده وهتبقى حريصة جدا وهى بتكوى

*موقف بسيط بس ليه أثر كبير*




رجعت من الشغل لقيت زوجتك معملتش أكل لأنها كانت تعبانة او فى مشوار وملحقتش .. ساااامح ( هى عارفة انك راجع من الشغل تعبان بس غصب عنها وهتاخد بالها اكتر وتعمل حسابها بعد كده )

كانت متعصبة وقالت كلمة دايقتك .. سااامح (هى عارفة انك ادايقت وهتيجى تصالحك ومش هتنسالك الموقف ده أبدا )

مخدتش بالها من حركة بتدايقك وعملتها .. سااامح (هى عارفة اللى عملته وتعتذر ومش هتكررها وهتحترمك جدا )




والله بجد لو هتقدم معروف ليها هترده ليك 10 وبمسامحتك ليها ورأفتك بيها هتشيلك

فوق راسها شيل وهتحاول على قد ما تقدر تريحك وتسعدك .. مع الستات بالذات قدم

السبت تلاقى الاحد وهتلاقى كتير اوى كمان :)

بكلمة حلوة
تراضيها حتى لو شايطة من الغضب .. بورداية بـ 2 جنيه هتحل مشكلة

وأزمة ما بينكم بقالها اسبوعين .. برفق وذكاء منك فى معاملتها هتكسب كتير اوى



طيب نشوف موقف تانى بالنسبة للراجل ..

يا سيدى مراتك متعودة انك بعد ما تخلص الشغل بتروح ع البيت علطول لانها بتكون

مستنياك .. وحصل فى يوم وخرجت من بره بره على اصحابك وقضيت معاهم اليوم

وبتتصل عليك مبتردش ونفضتلها يا معلم ورجعت آخر اليوم بتتسحب زى اللى عامل

عملة بس طبعا لقيتها مستنياك وبوزها شبرين ورافعة حاجب وحاجب وبتقولك

"كنت فييييين ومع مين وروحتوا فين وعملتوا ايه " وطبعاً باين عليها

ليلة مش فايتة وانت راجع رايق ومش عايز حد ينكد عليك فهتنكد عليها هى طبيعى ..

وهتقولها طالما سألتك بالأسلوب ده "انتى مالك اروح فين وآجى منين انا حر اعمل اللى انا عايزه "

طبعا ده رد قاتل بالنسبة لها وهتتحول هى لرجل كرسى ولا كنبة راميها فى البيت ولا

الفلبينية اللى اشتريتها ولا الطباخة اللى بتطبخلك والغسالة اللى بتغسلك

وقااابل يا عم والموضوع فعلاً هيتطور من موقف زى ده لو هى

متصرفتش كويس وبحنكة !


طيب دى الست الخايبة لأنها معرفتش تعاتب .. فى بقى ست أخيب منها خالص

دى هتستقبلك عادى جداً أكنك معملتش اى حاجة ولا هتبينلك انها ادايقت او الموضوع

حز فى نفسها وموضوع رجل الكرسى ده مسيطر عليها والدنيا فل

وربيع والجو بديع وانت مغلطتش فى اى حاجة ,, وبخيبتها مستنية منك تاخد بالك انها

ادايقت !! (طب تيجى ازاى )

تقوم انت فاكر انه عادى وبقيت كل يوم تعمل نفس الحركة وهى تكتم وتعدى

ومتبينش وتستناك تحس للاسف مش هتحس

وكتر الضغط هيولد الانفجار وهتنفجر فيك وهتفاجأ باللى هيحصل

لأن زى ما قولنا فوق لو متعاتبش صح ( هيمضى فى حياته ولن يدرى أنه يؤلمك )

طيب الست الشاطرة هتعمل ايه ؟؟


هتلبس وتتزين وتستناه وتفضل محضراله الاكل واول ما ييجى تجرى عليه تستقبله

عادى جدا وهتقوله بمسكنة " كده برضو تقلقنى عليك

" هتلاقيه قر واعترف بكل حاجة بدون أدنى مجهود منك .. كان فين ومع مين وبيعمل ايه

وتقوله أهم حاجة عندى انك بخير وانى اطمنت عليك ,, بس بعد إذنك تبقى تقولى لو

هتتأخر بره وترد عليا لو اتصلت عليك عشان انا ببقى مستنياك على نار وبتوحشنى

ومش بتغدى غير لما تيجى (وهى واكلة اربع وجبات قبل ما ييجى أساسا)

تفتكروا هيتأخر بره البيت بعد كده ولو اتأخر مش هيقولها ؟!

هو ده عتاب الأنثى .. وهو ده التقدير اللى لازم تتعاملى بيه مع زوجك




وبجد لو كلاً من الطرفين اتعاملوا مع بعض بالطريقة الصح هنتفادى مشاكل وحوارات

كتير ملهاش تلاتين لازمة والمحبة والود والألفة هيزيدوا :)

لو اتعصب وزعق وقالك كلام يجرحك .. اوعى تردى اسكتى خالص وسبيه لحد ما

يهدى وبعدها عاتبيه وقوليله

"كده برضو أهون عليك كلامك زعلنى جدا بس اعمل ايه بقى حبيبك يبلعلك الزلط ..

واكيد انا غلطت ودايقتك بس مكنتش مستنية منك رد الفعل ده بصراحة

"ودموع تماسيح عشان يحبكوا الليلة "


هتلاقيه جاب ورا واعتذرلك وقتى وهياخد باله بعد كده من كلامه .. انما لو ناطحتى

ورديتى الكلمة بكلمة انتى ضيعتى حقك بإيدك وتبقى غلطانة لو زعلتى لأنكم

خالصين ! .. وانما برضو لو سكتتى وسامحتى هيتمادى فيها ومرة عن مرة هيدايقك

ويجرحك اكتر وانتى تيجى على نفسك وطبيعى هتنفجرى فيه برضو .

لو نسى تاريخ مهم بالنسبة لكم ولم يُعيره اى اهتمام لو افتكره حتى

( يوم جوازكم , يوم ميلادك , يوم ولادة أول طفل .. ) ودى حاجة بتدايقك ,,

عاتبيه "برفق ودلال "

لو أحرجك قدام حد من أهله أو معملش حساب لزعلك فى موقف .. عاتبيه "برفق ودلال "

وهكذا ....

فتخلوا بالكم يا جماعة من الفرق بين التقدير والاحترام ,,

ودُمتم بخير







    رد مع اقتباس
إضافة رد

مواقع النشر (المفضلة)

الكلمات الدلالية (Tags)
<<, >>, >>, <<, مثالية, and#60and#60, and#62and#62, تاابعوناااا, حملة, جديدة, حقاً, عائلة, إنها


الذين يشاهدون محتوى الموضوع الآن : 1 ( الأعضاء 0 والزوار 1)
 
أدوات الموضوع
انواع عرض الموضوع

تعليمات المشاركة
لا تستطيع إضافة مواضيع جديدة
لا تستطيع الرد على المواضيع
لا تستطيع إرفاق ملفات
لا تستطيع تعديل مشاركاتك

BB code is متاحة
كود [IMG] متاحة
كود HTML معطلة

الانتقال السريع

المواضيع المتشابهه
الموضوع كاتب الموضوع المنتدى مشاركات آخر مشاركة
... إنها ( الطريق إلى الله ) ... ] !! . kingoffruits ۩۞۩ .......... أحبك ربي .......... ۩۞۩ 2 08-29-2012 06:23 PM
خديجة بنت خويلد.. أم جود ۩۞۩ ...... نجوم السماء ...... ۩۞۩ 10 05-01-2012 04:05 PM


الساعة الآن 01:38 AM.

Powered by vBulletin® Version.Copyright ©2000 - 2009, Jelsoft Enterprises Ltd