عدد الضغطات  : 704 تحب تشتغل ببلاش ؟؟ 
 عدد الضغطات  : 331  
 عدد الضغطات  : 268  
 عدد الضغطات  : 320
 
 عدد الضغطات  : 130  
 عدد الضغطات  : 544  
 عدد الضغطات  : 336  
 عدد الضغطات  : 71


العودة   منتدى أحلى حياة في طاعة الله > الحب الحقيقى > ۩۞۩ ...... حبيبي رسول الله ...... ۩۞۩
التسجيل التعليمـــات اجعل كافة الأقسام مقروءة

۩۞۩ ...... حبيبي رسول الله ...... ۩۞۩ الآن يا عمر , الآن يا عمر

إضافة رد
 
أدوات الموضوع انواع عرض الموضوع
قديم 09-14-2012, 04:42 PM   رقم المشاركة : 31
امة الرحمن/فاطمة
مشرفة
 
الصورة الرمزية امة الرحمن/فاطمة

 


الجنس: female

اسم الدولة Egypt

امة الرحمن/فاطمة غير متواجد حالياً

 

امة الرحمن/فاطمة has a brilliant futureامة الرحمن/فاطمة has a brilliant futureامة الرحمن/فاطمة has a brilliant futureامة الرحمن/فاطمة has a brilliant futureامة الرحمن/فاطمة has a brilliant futureامة الرحمن/فاطمة has a brilliant futureامة الرحمن/فاطمة has a brilliant futureامة الرحمن/فاطمة has a brilliant futureامة الرحمن/فاطمة has a brilliant futureامة الرحمن/فاطمة has a brilliant futureامة الرحمن/فاطمة has a brilliant future

 

افتراضي

صلي الله عليه وسلم

اللهم بارك الفيديو جميل جدااااا

وسننقلهه ونضعه في الحلقة القادمة بإذن الله

بارك الله فيكم








التوقيع

رَبِّ أَوْزِعْنِي أَنْ أَشْكُرَ نِعْمَتَكَ الَّتِي أَنْعَمْتَ عَلَيَّ وَعَلَى وَالِدَيَّ وَأَنْ أَعْمَلَ صَالِحًا تَرْضَاهُ وَأَدْخِلْنِي بِرَحْمَتِكَ فِي عِبَادِكَ الصَّالِحِينَ(النمل 19)

    رد مع اقتباس
قديم 09-14-2012, 05:10 PM   رقم المشاركة : 32
newlyborngirl
قلب جديد
 
الصورة الرمزية newlyborngirl

 


الجنس: female

اسم الدولة Egypt

newlyborngirl غير متواجد حالياً

 

newlyborngirl is infamous around these parts

 

افتراضي

صلى الله عليه وصلم
جزاكم الله خيرا








التوقيع


    رد مع اقتباس
قديم 09-14-2012, 05:10 PM   رقم المشاركة : 33
امة الرحمن/فاطمة
مشرفة
 
الصورة الرمزية امة الرحمن/فاطمة

 


الجنس: female

اسم الدولة Egypt

امة الرحمن/فاطمة غير متواجد حالياً

 

امة الرحمن/فاطمة has a brilliant futureامة الرحمن/فاطمة has a brilliant futureامة الرحمن/فاطمة has a brilliant futureامة الرحمن/فاطمة has a brilliant futureامة الرحمن/فاطمة has a brilliant futureامة الرحمن/فاطمة has a brilliant futureامة الرحمن/فاطمة has a brilliant futureامة الرحمن/فاطمة has a brilliant futureامة الرحمن/فاطمة has a brilliant futureامة الرحمن/فاطمة has a brilliant futureامة الرحمن/فاطمة has a brilliant future

 

افتراضي



الحلقة الخامسة








هنتكلم عن إعداد الله لرسول الله إعداد الله للحبيب محمد عليه الصلاة والسلام


هنتكلم الليلة عن معجزات لطف الله في صناعة محمد


سيدنا محمد دا صناعة ربانية



إعداد النبي بدأ من يوم ما أدم نزل علي الأرض ياجماعة من يوم



ما ربنا أخذ العهد والميثاق علي كل الرسل

" لتؤمنن به ولتنصرنه "

أول حاجة ازاي ربنا أعد محمد نفسه عليه الصلاة والسلام


عايزين نبدأ يا جماعةالقصة من أولها من أول ما عبد الله الشاب


اللي مجبش عشرين سنة يروح يتقدم لأمنة البنت اللي لسه


صغيرة اللي مجبتش لسه عشرين سنة ويتجوزا بعض


ويحبوابعض حب رهيب كانت أمنة من أكتر الشخصيات العاطفية



ويتجوزا وتحمل أمنة فوراً


تحمل أمنة ومش عارفة هي حملت في مين ولكن تشوف في


الرؤية إن في نور طلع منها أضاء الشام تحس هي وجوزها


إن المولود اللي في بطنها دا مولود عظيم ويبدأ الفرح يسمع


الأسرة والانتظاربشوق والنبي لسه جنين في الشهر الثاني يخرج


عبد الله عشان يتاجر في المدينة المنورة يصاب بمرض شديد



جدا أثناء السفر ويموت في المدينة ويدفن هناك يموت بعد


شهرين من حمل أمنة بالنبي كأنه كان موجود بس في الدنيا


عشان يأدي مهمة والمهمة اتأدت وخلصت خلاص إن نطفة


الرسول عليه الصلاة والسلام بقت في رحم أمنة


خلاص يموت

عبد الله بعد أن أديت هذه المهمة القدرية يموت عبد الله


وهوأصغر من عشرين سنة والنبي جنين عنده شهرين


وتبدأ

أمنة لما تعرف الخبر تصاب بحزن شديد جوزها حببيها اللي كان
بتحبه حب رهيب

وتندر حياتها أنها مش هتتجوز طول عمرها وإنها هتزورقبره كل سنة


تطلع 500 كيلو للمدينة المنورة ويظهر الحمل ويجي ميعاد ولادة النبي عليه الصلاة والسلام


في يوم عشرين ابريل 570 ميلاديةفي يوم 12 ربيع الاول في


عام الفيل بعد حادثة الفيل بـ 52 يوم تضع السيدة أمنة


كل أهل مكة كانوا مستنين المولود اليتيم دا اللي
أبوه مات

وهو لسه جنين في بطن أمه عمه واقف مستني

يوم ما النبي عليه

الصلاة
والسلام يتولد الدنيا كلها يحصل فيها إيه


إيوان كسرة


يتزلزل 14 شرفة من شرفات كسري يقعوا يتكسروا


نار المجوس تنطفي


كسري اللي بقالها 42 سنة ملك مستقر يحصلوا كل دا هوا


.. أم عبد الرحمن بن عوف هي اللي تولد النبي


ثويبة مولاة أبي لهب أول ما تشوفه تحبه كل اللي يشوفه يحبه ترضعه هي أول


واحدةرضعه النبي عليه الصلاة والسلام

يخرجوا لعموا وجده


عبدالمطلب يقولوله إن ربنا رزقك بولد جميل زى القمر اسمه إيه


هتسميه ايه يقولهم هسميه محمد ايه هتسميه محمد ايه محمد


دي يعني ايه محمد اسم ازاي تسميه اسم مش موجود في


الجزيرة كلها ازاي تسميه اسم مفيش حد اتسمي بيه قبل كدا


ازاي هو من اكبرمعجزات الإسلام أمه تشوف رؤيا إنها تسميه محمد ويصر يجده إن يتمسي محمد



وتصمم أمه انه يتربي زى أفضل بيوت العرب



زى ما كبار القوم يودوا ولادهم يسترضعوا في البادية تشوف


مرضعةلابنها ويوم ما تيجي المرضعات عشان يخدوا أطفال مكة


كل أطفال مكة .. كلأطفال مكة الشرفاء والعظماء


وعايزين

أهليهم يوفر لهم مرضعة


مفيش واحدة ترضي
تاخد النبي
ليه مكنش حدراضي ياخد محمد اليتيم ليه لأنه كان يتيم مين اللي هيدينا فلوس


ويصعب علي حليمة السعدية المرأة الفقيرة الغلبانة اللي ثديها أصلا عندها ابن قاعديبكي علي طول من الجوع وثديها جف من اللبن


والبغلي بتاعتها ( الحمارة ) اللي كانت عليها من شدة الفقر أبطأ حمارة كلهم متضررين منها الفقيرة شديدةالفقر تقول لجوزها ناخده ولا لأ


وتقف مترددة وفي النهاية تاخده حليمةالسعدية


وتبدأ كرامات ومعجزات الرسول من اول أيام حياته ..


الحمار بتاع السيدة حليمة يبقي اسرع دابة في كل المرضعات


كلهم وصدر السيدة حليمة يفيض باللبن والغنم بتاعة السيدة


حليمة تبقي اكثر غنم بتجيب لبن في قومها في بني سعد لدرجة


إن كل اللي حوليها يستغربوا


وتربتط حليمة برسول الله ارتباط رهيب عليه الصلاة والسلام


وتقعد تأجل فيرجوعه لامه لحسن الوباء بتاع مكة يصيبه بسوء ولا حاجة.



لحد ما مرة من المرات النبي عليه الصلاة والسلام طفل عنده


خمس سنين بيلعب مع الأطفال في بني سعد ينزل ناس ويأتي ناس


يمسكوا النبي يحطوا علي الأرض يشقوا صدره يطلعه قلبه قدام


الأطفال ،


الأطفال يجروا علي حليمة الحقي محمد قتل محمد


قتل تترعب حليمة هو ايه دا،



دا جبريل يا جماعة دا اول عملية قلب وصدر مفتوح علي وجه


الأرض مين اللي عملها مين الجراح اللي عملها اللي عملها


جبريل أعظم ملك وعملها ايه أدوات العملية زمزم أعظم ماء في


طشت من طست من ذهب أعظم معدن وأطهر معدن فين في


المنطقة المجاورة لمكة كأعظم أرض علي وجه الأرض


وإيه لمين لأعظم نبي علي وجه الأرض رسول الله ليه


عشان يتحط في قلبه أعظم منحة من الله الإيمان والحكمة


ويتشال حظ الشيطان من قلبه حليمة تخاف وتترعب


تروح لأمه ترجعه وهو عنده خمس سنين وشهر يلحق محمد بن


عبد الله أمه قبل 11شهر من موتها تخرج السيدة أمنة برحلة


طويلة من رحلات الرسول عليه الصلاةوالسلام إلي المدينة


المنورة عشان توصل الرسول يشوف قبر أبوه وهي راجعة قبل


150 كيلو من مكة المكرمة في عز الصحرا تمرض مرض شديد


وهي مريضة أصلا وتموت أمنة بنت وهب قدام عين ابنها محمد بن عبد الله اللي عنده 6 سنين وتدفن قدام عينه




ويرجع رسول الله صلي الله عليهوسلم من غير لا أم ولا أب ولا


حتى قبر أمه ولا قبر أبوه في البلد اللي هواعايش فيها




أمه تموت وهوعنده 6 سنين يتنقل لجده عبد المطلب يطلع عبد المطلب سنتين ويموت



الرسول طلع أمي



أمية النبي دي شرف ، شرف للأمة كلها ، بعد كدا ياخده عمه وهو عنده 8 سنين يربيه عمه مع أولاده عمه كان فقير يربيه مع ولاده ،



مدقش الاستقرار وهو طفل من بيت أمه لبيت أبوه لبيت حليمة لبيت أمهلبيت جده لبيت عمه لبيت خديجة بعد كدا




رسول الله صلي الله عليه سلم يرعي الغنم ؟ وهو طفل صغير


عشان هيبقي مربي الآمة كلها



وهوبيرعي الغنم في يوم من الأيام يسمع عن حفلة غنائية في مكة ،


حفلة .. فرح .. غناء يسيب الغنم مع واحد وينزل عشان يروح


الحفلة يحصل شيء عجيب جدا يلقي علي رسول الله صلي الله


عليه وسلم النوم ميصحاش غير تاني يوم والشمس بتضربه فدا

يستغرب


تيجي حفلة تانية يقول انزل أشوف الناس بتعمل ايه


ينزلي حصل نفس الموضوع تاني وينام يعرف إن فيه حاجة


بتصرفه عن هذا اللهوالمعازف حرمة المعازف اللي انتشرت في الأمة




النبي وهو عنده 12 سنة



يخرج الشام تاجر مع عمه راجل من وهو طفل راجل كبير عظيم من وهو طفل


عارفين النبي يدخل مدرسة الحياة لان مدرسة الحياة هتتعلموا


فيها حاجات عمركوا ما هتتعلموها في أي مكان تاني


النبي تاجر بس عمره ما خان ، النبي تاجر بس عمره ما كدب ، النبي تاجر بس عمره ما غش ،النبي تاجر بس عمره ما بخل ، النبي عليه الصلاة والسلام تاجر بس عمره ماخدع حد ،




بعد كدا النبي عليه الصلاة والسلام وهو عنده 17 سنة يحصل حادث جلل تقوم حرب بين مكة وهوازن ،


والنبي عليه الصلاة والسلام بكل ايجابية يشارك في الحرب



بعد كدا عدا عشرين سنة يشترك النبي لأول مرة في دورسياسي في دور قومي يشترك في حلف الفضول اللي مكنش بيدخل فيه غير أعظم العرب ولكن يدخلوا فيه نتيجة شدة حكمة النبي عليه الصلاة والسلام



كان ايجابي ميشفش واحد عنده مشكلة ويسكت ايجابية مع


مشاكل عيلته


لما عمه أبو طالب لقي عنده 9أولاد وفقير خد منه علي بن أبي


طالب يربيه رغم النبي كان عنده 7 من خديجةيبقي مع علي 8


وعمه معاه 8 يشيل الهم مع عمه صلي الله عليه وسلم


لما دخل حرب الفجار يدافع عن أعمامه ايجابي مع


مشاكل المظلومين لما دخل حلف الفضول يدافع عن المظلومين ،


ايجابي مع مشاكل أمته لما كانت هتقوم حرب بسبب مين اللي


يحط الحجر الأسود في الكعبة لما كانوابيعيدوا بناءها والنبي هو


اللي يقترح عليهم يشيله الثوب ويحطه فيه الحجروكل واحد


يمسك طرف الثوب ،



بعد كدا النبي عليه الصلاة والسلام ينبغ في التجارةوتطلع السيدة خديجة رضي الله عنها تسمع عن محمد النابغ في التجارة وتبعتله انه يسمك تجارتها ويسمك النبي عليه الصلاة والسلام تجارة السيدة خديجة


وينبغ مبكر جدا في التجارةوالسيدة خديجة تنبهر جدا باللي تسمعه عن الرسول وأخلاق الرسول وهي اللي تطلب منه الزواج ويتزوج خديجة




هتبقي وزيرة للرسول هيدخل عليها يقولها أنا جالي واحد بيقولي إن أنا نبي علي غار حراء مش هتفزع وهتحتضنه رضي الله عنها



النبي يبدأ يتفرغ للعبادة ويتفرغ بعلاقته بالله سبحانه وتعالي


( وتقلبك في الساجدين )


علي بعض الأقوال يعني تقلب نطفة النبي في أصلاب الانبياء


علي مدي التاريخ علي احد الأقوال النبي عليه الصلاة والسلام


من جدوده عبد المطلب اللي حفر زمزم من جدوده،


قصي اللي عمل مكة بلد نظمها ورتبها وأقام فيها


المعاملات المادية من جدوده النبي عليه الصلاة والسلام جدوده


هاشم ، هاشم اول واحد هشم الجريد للحجاج هاشم اللي حول


مكة من بلد محلية لبلد تجارتها عالمية هوأول واحد عمل تجارة رحلة الصيف والشتاء


النبي يرزق من السيدة خديجة 7 أولاد وهوعنده 35 سنة يحصل


حدث يبهر أهل مكة كلهم ويبهر أهل العرب لما تيجي


حادثةالحجر الأسود وتبدأ الدنيا كلها تشتعل ويبدأ الحرب هتقوم


مين اللي هيحط الحجر الأسود في الكعبة ويقوم النبي عليه


الصلاة والسلام يدخل عليهم ويقولهم هاتوا الثوب اللي هوا


ثوبي ثوب النبي ويحط الحجر الأسود فيه وكل واحد يشيل من


طرف وحطوه مع بعض لغاية مكان الكعبة والنبي اللي يشيله


بأيده ويحطه عليه الصلاة والسلام بعد كدا يبدأ النبي يعتزل الدنيا


ويبدأ يسيب التجارة ويسيب الحرب ويسيب حلف الفضول


ويسيب الدنيا ويسيب بيته ويسيب أهله ويسيب السفر ويسيب


كل حاجة ويبدأ يروح في غار مهجور عند جبل مهجور


اسمه دلوقتي جبل النور لان نور محمد عليه الصلاة والسلام


سكن عليه يروح الجبل دا ويطلع الجبل





وهديتنا النهاردة


تخيل إنك هتقابل الرسول عليه الصلاة والسلام مؤثر جدااا للشيخ محمد الصاوي


والحلقة كاملة من


هنــا








التوقيع

رَبِّ أَوْزِعْنِي أَنْ أَشْكُرَ نِعْمَتَكَ الَّتِي أَنْعَمْتَ عَلَيَّ وَعَلَى وَالِدَيَّ وَأَنْ أَعْمَلَ صَالِحًا تَرْضَاهُ وَأَدْخِلْنِي بِرَحْمَتِكَ فِي عِبَادِكَ الصَّالِحِينَ(النمل 19)

    رد مع اقتباس
قديم 09-14-2012, 05:26 PM   رقم المشاركة : 34
امة الرحمن/فاطمة
مشرفة
 
الصورة الرمزية امة الرحمن/فاطمة

 


الجنس: female

اسم الدولة Egypt

امة الرحمن/فاطمة غير متواجد حالياً

 

امة الرحمن/فاطمة has a brilliant futureامة الرحمن/فاطمة has a brilliant futureامة الرحمن/فاطمة has a brilliant futureامة الرحمن/فاطمة has a brilliant futureامة الرحمن/فاطمة has a brilliant futureامة الرحمن/فاطمة has a brilliant futureامة الرحمن/فاطمة has a brilliant futureامة الرحمن/فاطمة has a brilliant futureامة الرحمن/فاطمة has a brilliant futureامة الرحمن/فاطمة has a brilliant futureامة الرحمن/فاطمة has a brilliant future

 

افتراضي

جزانا الله وإياكم كل خير

وبارك الله فيكم لمروركم الطيب








التوقيع

رَبِّ أَوْزِعْنِي أَنْ أَشْكُرَ نِعْمَتَكَ الَّتِي أَنْعَمْتَ عَلَيَّ وَعَلَى وَالِدَيَّ وَأَنْ أَعْمَلَ صَالِحًا تَرْضَاهُ وَأَدْخِلْنِي بِرَحْمَتِكَ فِي عِبَادِكَ الصَّالِحِينَ(النمل 19)

    رد مع اقتباس
قديم 09-14-2012, 11:34 PM   رقم المشاركة : 35
Muslima and proud
قلب ينبض
 
الصورة الرمزية Muslima and proud

 


الجنس: female

اسم الدولة Egypt

Muslima and proud غير متواجد حالياً

 

Muslima and proud is an unknown quantity at this pointMuslima and proud is an unknown quantity at this pointMuslima and proud is an unknown quantity at this pointMuslima and proud is an unknown quantity at this pointMuslima and proud is an unknown quantity at this pointMuslima and proud is an unknown quantity at this point

 

افتراضي

الله المستعان

جزاكم الله خيرا
وحسبنا الله ونعم الوكيل


فضلا نرجو تصحيح (صلى ) ل (صل)
وجزاكم الله خيرا








التوقيع

الـدنـيــــــــــا ثـــلاثـــة أيــــــام
• •
• •
• •
• •

• •
• •
• •
• الأمـس : عشنـاه ولـن يـعـود
• الـيـوم : نـعـيـشـه و لـن يـدوم
• والـغـد : لا نـدري أيـن نـكـون

فقل دائما ♥ أشهد ان لا اله الا الله واشهد ان محمد رسول الله ♥



    رد مع اقتباس
قديم 09-15-2012, 12:52 AM   رقم المشاركة : 36
العائدة الى الغفور
عضوة في فريق التفريغ
 
الصورة الرمزية العائدة الى الغفور

 


الجنس: female

اسم الدولة Morocco

العائدة الى الغفور غير متواجد حالياً

 

العائدة الى الغفور has much to be proud ofالعائدة الى الغفور has much to be proud ofالعائدة الى الغفور has much to be proud ofالعائدة الى الغفور has much to be proud ofالعائدة الى الغفور has much to be proud ofالعائدة الى الغفور has much to be proud ofالعائدة الى الغفور has much to be proud ofالعائدة الى الغفور has much to be proud ofالعائدة الى الغفور has much to be proud of

 

افتراضي

السلام عليكم بارك الله فيك معاكم في هذه الدورة باذن الله
وانا متبعة حلقة حلقة الكلام رائعة ومؤثر ربنا يعينا وننصر حبيبنا صل الله عليه وسلم








التوقيع

السلام عليكم يا باحثا عن التوبة يا منتكسا انصت بقلبك

http://www.youtube.com/watch?v=TseER...ature=youtu.be

ما ذا قدمت لاخوانك يا في سوريا

http://www.youtube.com/watch?v=q9O62Riqkag

لا تنس التقييم والمشاركة في القناة على اليوتيوب
http://www.youtube.com/channel/UCZWk...LNxSxbG6A/feed

راجية الاخلاص سابقا ..
    رد مع اقتباس
قديم 09-15-2012, 01:11 AM   رقم المشاركة : 37
امة الرحمن/فاطمة
مشرفة
 
الصورة الرمزية امة الرحمن/فاطمة

 


الجنس: female

اسم الدولة Egypt

امة الرحمن/فاطمة غير متواجد حالياً

 

امة الرحمن/فاطمة has a brilliant futureامة الرحمن/فاطمة has a brilliant futureامة الرحمن/فاطمة has a brilliant futureامة الرحمن/فاطمة has a brilliant futureامة الرحمن/فاطمة has a brilliant futureامة الرحمن/فاطمة has a brilliant futureامة الرحمن/فاطمة has a brilliant futureامة الرحمن/فاطمة has a brilliant futureامة الرحمن/فاطمة has a brilliant futureامة الرحمن/فاطمة has a brilliant futureامة الرحمن/فاطمة has a brilliant future

 

افتراضي

جزانا الله وإياكم كل خير جمعا وبارك الله فيكم علي مروركم الطيب

وبإذن الله نقوم بتصحيح لالخطأ

رفع الله قدركم اللهم آمين








التوقيع

رَبِّ أَوْزِعْنِي أَنْ أَشْكُرَ نِعْمَتَكَ الَّتِي أَنْعَمْتَ عَلَيَّ وَعَلَى وَالِدَيَّ وَأَنْ أَعْمَلَ صَالِحًا تَرْضَاهُ وَأَدْخِلْنِي بِرَحْمَتِكَ فِي عِبَادِكَ الصَّالِحِينَ(النمل 19)

    رد مع اقتباس
قديم 09-17-2012, 12:09 AM   رقم المشاركة : 38
امة الرحمن/فاطمة
مشرفة
 
الصورة الرمزية امة الرحمن/فاطمة

 


الجنس: female

اسم الدولة Egypt

امة الرحمن/فاطمة غير متواجد حالياً

 

امة الرحمن/فاطمة has a brilliant futureامة الرحمن/فاطمة has a brilliant futureامة الرحمن/فاطمة has a brilliant futureامة الرحمن/فاطمة has a brilliant futureامة الرحمن/فاطمة has a brilliant futureامة الرحمن/فاطمة has a brilliant futureامة الرحمن/فاطمة has a brilliant futureامة الرحمن/فاطمة has a brilliant futureامة الرحمن/فاطمة has a brilliant futureامة الرحمن/فاطمة has a brilliant futureامة الرحمن/فاطمة has a brilliant future

 

افتراضي




الحلقة السادسة

**@** صناعة محمــد(2) **@**
(العالم قبل محمــد)





في مرة من ذات المرات كان رسول الله صلى الله عليه و السلم مع صحابة رضوان الله عليهم قالهم :
" لا يؤمن أحدكم حتى أكون أحب إليه من نفسه "

عمر بن الخطاب قاله : يا رسول الله أنت أحب إلىّ من كل شيء .. قلبي أهو كله يا رسول الله..قلبي بكل اللى فيه ليك إنت ولحبك يا رسول الله...إلا حتة صغيرة بس.. ما تجيش 5% من قلبي ..إلا نفسي ...إلا نفسي يا رسول الله!!!

الرسول قاله : "لا يا عمر, حتى أكون أحب إليك من نفسك"

يا ترى قلبك بقى كام في المية مليان بحب الرسول صلى الله عليه و سلم؟؟

يا ترى قلوبنا بقت مليانة حب النبي قد إيه يا جماعة ؟؟

ما إشتقتيش لنظرة لوجه النبي عليه الصلاة و السلام؟؟
ما إشتاقتش لأول مرة هتشوف وجه النبي عليه الصلاة و السلام على الحوض يوم القيامة؟؟

وحشتنـــــا يا رســـــــول الله

* * * * *
إزاى ربنا أعد الرسول كل هذا الإعداد دى كانت حلقة إمبارح...النهاردة هنبدأ يا جماعة إزاى ربنا أعد الكرة الأرضية لإستقباله عليه الصلاة و السلام!!

إزاى شوّق الأرض لإستقباله؟؟
إزاى الأرض كلها كانت قبل محمــد يتهتف إنها عايزة منقذ ينقذ الأرض من اللى وصلت ليه؟؟؟

يا جماعة الكلام اللى هقوله دلوقتي ده هيعرفنا ليه محمــد هو أكبر نعمة من ربنا..

ليه محمــد هو أعظم رحمة ربنا رحم بيها الأرض...

ليه في رقبة كل امرأة على وجه الأرض دين عظيم لنبي محمــد صلى الله عليه و سلم؟؟ بعدما كانت النساء مُهانة في الدنيا كلها؟؟


الواقع قبل رسول الله :


كسرى يتجوز أخته!! و كسرى تانى قبله يتجوز بنته و بعد كدة يقتلها!!!

قيصر يملك نص الدنيا ينشر الزنا و ينشر الرشوة في الأرض كلها!!

الإمبراطورية الرومانية لما كانوا يجيبوا العبيد و يعملوا صراع بينهم و بين الأسود و الناس في المدرجات الرياضية قاعدة تتفرج و تضحك!! و تتفرج على الأسود وهي بتمزق أجساد العبيد وفرحانين!!

البشرية كانت توحشت ووصلت لدرجة الوحوش...بل الوحوش كانت أرحم..

العبيد في الإمبراطورية الرومانية كانوا 3 أضعاف الشعب...يعنى 75% من المجتمع عبيــد!!

أنا عايز أقولكم ليه الإسلام لما طلع إكتسح العالم؟؟
ليه الإسلام لما طلع كل الناس تلقته؟؟

من كتر الظلم اللى كان العالم فيه..


عايز أكلمك عن وضع المرأة في أوروبا..أوروبا بلد التنوير دلوقتي ...في أوروبا مش كانت المرأة ما بتورثش ..دى كانت بتتورّث!! دى كانت بتتقسم مع الميراث!!


عند الهنود كان الرجل يجي يلعب القمار على زوجته, و زوجته تتاخد منه في القمار!!


الجزيرة العربية قبل الرسول عليه الصلاة و السلام ..تخيلوا الوضع!!

الحروب ...مكة دخلت حرب بسبب قتل حد في الأشهر الحُرم..
المدينة مئات السنين حروب داخلية طحنت المدينة المنورة..

كان العرب أمة مستعبدة ...الفرس مسيطرين على جنوب الجزيرة و الروم مسيطرين على شمالها..

كانوا أمة ذليلة..

عرفتوا ليه البشرية كلها كانت عايزة منقذ؟؟
عرفتوا ليه هرقل ملك الروم لما سمع النبي من أبو سفيان قال: لو كنت عنده لغسّلت بين قدميه...
ده أنا أغسل رجليه ...


هرقل كان حاكم من كتر فساد الشعب بتاعه ماعدش قادر يعمل حاجة..

* * * *

طب إعداد البشرية لإستقبال النبي :

بشارات الكتب المقدسة....مافيش نبي مابشرش بسيدنا محمد عليه الصلاة و السلام...مافيش نبي ربنا ماأخدش عليه الميثاق إنه يؤمن بمحمـد و ينصروه لو بـُعث في زمانه!!

سيدنا محمـد يا جماعة أوصافه متبشر بيها في التوراة و الإنجيل و الكتب السماوية كلها..
يا جماعة أوصاف سيدنا محمد دى معجزة أصلا ..


عارفة وصف النبي؟؟

كف الحبيب عليه الصلاة و السلام ..أنس بيقول: و ما مسست ديباجا ولا حريرا ألين من كف رسول الله.

عرق الحبيب...أنس بيقول : ولا شممت ريحاناً ولا عطراً و لا مسكاً أطيب من عرق رسول الله.
أم سُليم النبي كان نايم خدت العرق العرق بتاعه وحطته في قارورة العطر ..النبي صحى بيقولها : "ماذا تفعلين؟؟ "..بتعملى إيه؟؟

قالتله : يا رسول الله عرقك نطيب به طيبنا, نجعله في طيبنا...يعنى بتعطر العطور بعرق رسول الله.


إيد الحبيب رسول الله...ما إتحطتش على مريض إلا شُفي ...إيده ما إتحطتش على كسير إلا جُبر...إيده الطاهرة الطيبة حطها على عين سيدنا عليّ يوم خيبر وهي مريضة شُفيت ...إيده حطها على طعام بورك فيه و أكل الجيش كله في تبوك
عليه الصلاة و السلام


ثغر الحبيب...كان إذا تكلم كأن النور يخرج من ثناياه...النور بيطلع من بقه..


عين الحبيب...كانت كحلاء...كان فيها كحل طبيعي..


شعر الحبيب...كان أسود و طويل..


لحية الحبيب..وهي مالية صدره..


وجه الحبيب...نظرت إلى رسول الله و إلى القمر, ثم إلى رسول الله ثم إلى القمر, فلرسول الله أجمل في عيني من القمر..

كان يُري ضياء وجه على الحائط من نور وشه..كان كأن الشمس تجري في عروق وجهه


رجل الحبيب...اللى تفطرت من القيام في العبادة...اللى تفطرت من الرمي بالحجارة من أبو لهب في أسواق منى...رجله اللى إتقطع جلدها في غزوة ذات الرقاع...رجله اللى أدميت و اتفطرت في رحلة الطائف


صلى الله عليه و سلم




هديتنا المرة دي

مقطع مؤثر جدا عن اخلاق النبي .عليه الصلاة والسلام.

الحلقة كاملة من

هنا










التوقيع

رَبِّ أَوْزِعْنِي أَنْ أَشْكُرَ نِعْمَتَكَ الَّتِي أَنْعَمْتَ عَلَيَّ وَعَلَى وَالِدَيَّ وَأَنْ أَعْمَلَ صَالِحًا تَرْضَاهُ وَأَدْخِلْنِي بِرَحْمَتِكَ فِي عِبَادِكَ الصَّالِحِينَ(النمل 19)

    رد مع اقتباس
قديم 09-17-2012, 12:13 AM   رقم المشاركة : 39
امة الرحمن/فاطمة
مشرفة
 
الصورة الرمزية امة الرحمن/فاطمة

 


الجنس: female

اسم الدولة Egypt

امة الرحمن/فاطمة غير متواجد حالياً

 

امة الرحمن/فاطمة has a brilliant futureامة الرحمن/فاطمة has a brilliant futureامة الرحمن/فاطمة has a brilliant futureامة الرحمن/فاطمة has a brilliant futureامة الرحمن/فاطمة has a brilliant futureامة الرحمن/فاطمة has a brilliant futureامة الرحمن/فاطمة has a brilliant futureامة الرحمن/فاطمة has a brilliant futureامة الرحمن/فاطمة has a brilliant futureامة الرحمن/فاطمة has a brilliant futureامة الرحمن/فاطمة has a brilliant future

 

افتراضي



السلام عليكم ورحمة الله وبركاته

النهاردة بإذن الله سبحانه وتعالى هنتكلم عن أخطر لحظة فى حياتك وحياة البشرية كلها ،

هنتكلم عن اخطر حدث فى حياة الكرة الارضية كلها



هنتكلم من اول ما النبى طلع الجبل لحد ما النبى نزل من على الجبل


ازاى النبى وسط حلف الفضول والحرب والسفر والتجارة وخديجة وأولاده وعلاقاته وازاي وسط الدنيا دى كلها يسيب الدنيا ويطلع على الجبل !


ايه اللى طلعه ما حدش سأل نفسه ازاي


ده كان فى مجتمع كله شرك ما فيش فيه عبادة ما حدش بيقول له اعبد ربنا


لكن لما ربنا يريد قلب انسان بيجيبه ..


أول حاجة تهز قلب النبى عليه الصلاة والسلام إنى لاعلم حجراً كان يسلم علي فى مكة


وهو ماشي مرة رايح فى سفر فى تجارة فى أى مكان وهو فى مكان لوحده


فجأة يسمع : السلام عليك يا محمد السلام عليك يا محمد ..


مين اللى عارفنى هنا ، هو مين اللى بيكلمنى دا ما فيش بشر أصلاً .. الصوت جاى من ناحية حجر


فالنبى صلى الله عليه وسلم يسأل نفسه : معقوله حجر ينطق ويتكلم علشانى أنا ويكلمنى انا ؟!


تانى حاجة تهز قلب النبى عليه الصلاة والسلام لما يبدأ ينام يشوف رؤية يصحى الصبح تتحقق !


يبدأ الزلزالين دول يهزوا قلب النبى ويبدأوا يغيروه ويبدأ حب الله الله يتفجر فى قلب النبي ،


بعد كدة النبى صلى الله عليه وسلم يبدأ يمشى ويبعد عن مكه ويفضل ماشى 15 كيلو..


لغاية ما يلاقى نفسه قدام جبل .. يفضل طالع على الجبل ساعة ونص


لغاية ما يلاقى فى الاخر غار صغير يا دوبك يكفيه هو عليه الصلاة والسلام


النبى ما كانش عارف وقتها ان الغار ده هو اللى الله اصطفاه


لاول مرة هينزل فيه كلام الله القران على الارض كلها ..


إشمعنا الجبل ..؟


الجبل تقدر تشوف السماء مفتوحة من فوقك .. تشوف عظمة وملكوت الله فى التدبر


ومن تحت تشوف الناس أد النقط .. يحتقر قلبك الدنيا واللى فيها ..


اللى جرب قبل كدة يصلى على جبل عارف يعنى ايه الصلاة على جبل ويعنى أيه التدبر على جبل ..


إشمعنا غار حراء .. ؟ لانه يقدر يشوف الكعبة منه لانه عالى جداً


ولان غار حراء ما فيش طرق تجارة من تحته كانت الدنيا مهجورة


وعشان يبقى فى خلوة تامه مع الله سبحانه وتعالى .. ويبدأ يتفجر معانى حب الله فى قلب النبى جوا


الغار الصغير الصخرى ده وفى عز الليل وفوق الجبل يبدأ النبى يبص للسما


ويزيد فى قلبه عظمة الخالق مع نجوم السماء فى الصحراء فى الليل


ويبدأ حب الله يزيد والانس بالله يزيد وتعظيم الله يزيد لدرجة إنه بقى ينزل يجيب زاده ويطلع تانى عليه الصلاة والسلام ..


ماعادش فى حاجة من الدنيا بترجعه ولا تعطله عن حب ربنا ،


فى انسان حب ربنا لدرجة انه عاش على جبل عشان يعبده .. ؟


و اخر مرة يطلع فيها على الغار اخر مرة قبل البعثة وكان فى شهر رمضان


يقعد شهر كامل على غار حراء وليلة 25 رمضان وسط الليل الرهيب


وسط ليله فى اخر الشهر العربى مفيش قمر ظلام دامس ظلام رهيب


ورسول الله بيبص فى النجوم ويتدبر فى السماء ييجى الوقت الموعود


يصدر الامر من الله لجبريل من فوق سبع سماوات انه ينزل من سبع سماوات لمحمد بن عبد الله


بعد 600 سنه من رفع سيدنا عيسى عليه السلام


اول مرة وحى ربنا ونور ربنا ينزل للارض تانى .. والنبى عليه الصلاة والسلام قاعد فى قمة السكينه


وفجأة يسمع الرسول عليه الصلاة والسلام صوت الصوت ده جه منين ما فيش حد معايا خالص !


ويشوف نور يفضل يطلع وبيقوله يا محمد يا محمد


أنا أنا مين اللى عارف اسمى هنا .. ؟


مين اللى عارفنى هنا اصلاً ولاول مرة يبقى محمد أمام جبريل عليه الصلاة والسلام


ويسمع صوت جبريل وهو بيقول أقرأ ...


إقرأ أنا عمرى ما قريت انا عمرى ما أعرف أقرا .. ما انا بقارئ ..!


ويمسكه جبريل ويضمه يضمه يضمه ويضغط على صدره لغاية ماعادش قادر ياخد نفسه


ويسيبه جبريل والنبى عليه الصلاة والسلام بينهج من كتر الاجهاد


يرجع جبريل يقول له إقرأ أقرأ .. ما انا بقارئ انا ما بعرفش أقرا ويرجع تانى يضمه تانى


ويتكرر الموقف أكتر من مرة ثم يرسله .. ولاول مرة يتقرى القرأن على وجه الارض


أقرأ باسم ربك الذى خلق خلق الانسان من علق اقرا وربك الاكرم الذى علم بالقلم علم الانسان ما لم يعلم


وينتهى اللقاء ويصعد جبريل ويسود السكون تانى


ويقعد النبى عليه الصلاة والسلام مش عارف ايه اللى حصل


كيانه بيتزلزل من جواه ايه الكلام اللى انا سمعته ده


يا جماعة عمر النبى على الارض 3 دقايق


لسه عمر دعوة محمد دقايق ..


ليه جبريل يغطي رسول الله ليه الضمه دي


ليه البداية الصعبة دى ..


- كأن ربنا بيقول له من الاول هى دى البدايه يا محمد وهو ده الطريق يا محمد


لازم تعرف انه هو ده الطريق .. لازم تستحمل لازم تصبر


لازم تعرف ان الطريق كدة وتستحمل يا محمد الطريق كله كده


ليه الغطة دي ..؟


جبريل هو نفسه من 35 سنه نزل وشق صدر النبى

النهاردة جاى يضم قلب النبى عشان قلبه يطلع اطهر قلب

لازم قلبه كان يتعصر لازم صدر كل واحد مننا يتعصر

ينزل منه أى دنيا عشان القران لما ينزل على قلبه

ينزل على قلب خالى

كان لازم قبل ما يقول له الخمس ايات

يفضى صدره من اى شئ فى الدنيا عشان كلام ربنا ينزل على قلب سليم 100%

طب ليه 3 غطات طب ليه 3 مرات ..؟؟

كأن ربنا بيقول له يا محمد انت فى فترة الازمة

هيعدى عليك 3 مرات هتبقى كأنك هتتخنق

هتعيش فى جو خانق هتمر بـ 3 ازمات خانقة رهيبه فى حياتك

وبعد كدة الفجر هييجى ...

أول ازمة : شعب أبى طالب لما هتاكل انت وولادك ومراتك ورق الشجر ..

تانى أزمة يا محمد عام الحزن لما هتموت خديجة

ويموت أبو طالب وتنطرد من مكه وتروح الطائف

ويدمو رجليك من الطائف ويحاولوا يقتلوك عند الحرم ..

تالت غطة يا محمد لما هيقفلوا عليك سكك الدعوة

وتُطرد من مكه وتخرج مهاجر للمدينة

ودى هتبقى اخر غطة واخر ازمة هيبقى بعدها الفرج والفتح والتمكين ..

يا محمد الفتح مش هييجى الا بعد أزمات وبعد شدائد

وينزل رسول الله صلى الله عليه وسلم ينزل وهو بيرتجف

وبيرتعش .. يجرى على خديجة بيرتعش

تفتح الباب يقعد يرتجف ويقول زملونى زملونى

والحبيب كل ذرة فيه بترتعش زملونى مش قادر ينطق

بعد فترة يهدأ يحكى لخديجة الى حصل

ويا لها من زوجه قالتله : كلا والله لا يخذيك الله أبدا ..

إنك لتصل الرحم .. وتطعم المسكين
.. وتحمل الكل ..

وتكسب المعدوميا محمد .. ما قالتاوش انت لتتحنث فى الغار !

لا قالتله انت انسان عايش عشان غيرك
.. حياتك كلها لغيرك

كل همومك هى هموم غيرك لو ربنا اختار نبى هيختار مين غيرك
..

خديجه اول واحدة قالت لا إله الا الله
.. محمد رسول الله صلى الله عليه وسلم ..

هذه المرأة العظيمه اللى كان ليها الدور العظيم ..

وتاخد النبى عليه الصلاة والسلام ويطلعوا على ورقه بن نوفل ..

الراجل العجوز 90 سنه الى اختار على الاوثان دين النصرانية ..

وقاعد على التوراة والانجيل طول عمره ..

لما النبى يقص عليه اللى حصل والوصف اللى شافه وأول ما يقوله الخمس ايات الى نزلوا عليه
..

يصرخ ورقة بن نوفل : انه الناموس يا محمد ده جبريل

ده الملك اللى بينزل بالمعجزات والكتب السماويه على الانبياء

يا محمد انت نبى انت رسول من عند الله

انت اللى ربنا اختارك من وسط الارض دى كلها عشان تبقى رسوله ..

خمس ايات يا أمة محمد كل ايه فيهم قلبت كيان ورقة بن نوفل

وقلبت كيان الناس احنا دلوقتي معانا 6236 آيه ولسه زى ما احنا ..!

سيدنا ورقه بن نوفل اول من صدق برسول الله

يبدأ يهتف : يا ليتنى كنت فيها جمعاً اذ يخرجك قومك ..

ياريتنى ارجع لشبابى تانى ليه ؟؟

لا عشان انصرك اذ ينصرك الله لأ اذ يخرجك قومك

النبى قال له أومخرجي هم ..؟

هم حبايبى هيطردوني ..؟ ابو لهب عمى هيطردنى ..؟

انا ابو الحكم اللى بقى لبو جهل بعد كده هيأذينى ؟

يقوله : ما جاء أحد بمثل ما جئت به الا عودي ..

ايام ويموت ورقة ابن نوفل ويفضل النبى في صراع نفسي..

يطلع على الغار يستناه ما جاش تانى يوم ..

ما جاش تالت يوم ولا رابع يوم ..!

ينزل النبى يمشى فى شوارع مكة وسط الناس

النبى عليه الصلاة والسلام فى صراع رهيب

هو فين وما جاش ليه .. وهو ماشى يسمع فجأة نفس الصوت اللى سمعه وهو فى الغار : يا محمد

نفس الصوت اللى انا سمعته قبل كده
.. يبص قدامه ما فيش حد يمين شمال يبص وراه ما فيش حد .. !

الصوت جاى منين يا محمد يبص فوق يلاقى جبريل على كرسي فى السماء وهو بيكلم رسول الله صلى الله عليه وسلم

الرسول يبص يترعب يرتجف قلب النبى تانى

يجرى النبى وهو بيرتجف بكل ذرة فى كيانه لبيت خديجه

دثرونى دثرونى بسرعه هاتوا كل الأغطيه اللى عندكوا فى البيت ولفونى فيها دثرونى دثرونى

ولأول مرة وهو فى وسط الانفعال الرهيب ده

يفأجأ ان جبريل جاله بيته عشان يقول له

- مضى عهد النوم يا محمد
.. مضى عهد التزمل يا محمد

مضى عهد التدثر يا رسول الله .. وينزل قول الله

" يا أيها المدثر قم فأنذر "

ورسول الله متدثر ويسمع الايات وهو تحت الدثار ..

اول مرة يتكلف بالمهمة دى
..


ويتنفض قلب رسول الله نفضه يتنفض منها كل شئ فى جسمه
..

ينفض الدثار من عليه ويقوم رسول الله صلى الله عليه وسلم فى عنيه نظرة اصرار وعلى وشه ملامح ثبات ..

خديجه تقول له إلى اين يا رسول الله .. ؟

أول مرة بشر يقول له يا رسول الله

- خلاص مضى عهد النوم يا خديجة
..

من النهاردة البشريه ظلماتها هتبدأ تتبدد وتبقى نور..

خلاص بُعث رسول الله صلى الله عليه وسلم متخيل احساس الرسول وهو أول مرة خارج من بيت خديجة ..

أول مرة يبص للدنيا بعين اللى هيغير وهيصلح كل ده انا مطلوب منى ان انا اصلحه ..!

كانت مهمة محمد بن عبد الله انه يطلع للبشر ان كل ده غلط

ان الدنيا دى كلها غلط ولازم تتبنى من جديد على توحيد الله سبحانه وتعالى ..




أخيراً جيت يا رسول الله .. الكون كله مشتاق ليك يا رسول الله

كل شئ مشتاق لك يا حبيب الله وييجى رسول الله ويبعث حبيب الله عليه الصلاة والسلام




هديتنا النهاردة

الشيخ الدكتور محمد العريفي .. اخلاق وتعامل الرسول صلي الله عليه وسلم

الحلقة كاملة من

هنا












التوقيع

رَبِّ أَوْزِعْنِي أَنْ أَشْكُرَ نِعْمَتَكَ الَّتِي أَنْعَمْتَ عَلَيَّ وَعَلَى وَالِدَيَّ وَأَنْ أَعْمَلَ صَالِحًا تَرْضَاهُ وَأَدْخِلْنِي بِرَحْمَتِكَ فِي عِبَادِكَ الصَّالِحِينَ(النمل 19)

    رد مع اقتباس
قديم 09-17-2012, 10:27 PM   رقم المشاركة : 40
امة الرحمن/فاطمة
مشرفة
 
الصورة الرمزية امة الرحمن/فاطمة

 


الجنس: female

اسم الدولة Egypt

امة الرحمن/فاطمة غير متواجد حالياً

 

امة الرحمن/فاطمة has a brilliant futureامة الرحمن/فاطمة has a brilliant futureامة الرحمن/فاطمة has a brilliant futureامة الرحمن/فاطمة has a brilliant futureامة الرحمن/فاطمة has a brilliant futureامة الرحمن/فاطمة has a brilliant futureامة الرحمن/فاطمة has a brilliant futureامة الرحمن/فاطمة has a brilliant futureامة الرحمن/فاطمة has a brilliant futureامة الرحمن/فاطمة has a brilliant futureامة الرحمن/فاطمة has a brilliant future

 

افتراضي


الحلقة الثامنة





السلام عليكم ورحمة الله وبركاته

الليلة يا جماعة بإذن الله هنعرف ليه المفروض نكتب احداث قصة حياة النبى صلى


الله عليه و سلم بدم قلوبنا الليلة هنعرف ليه المفروض نكتب قصة سيرة الرسول عليه

الصلاة و السلام بكلام من نور باحرف من نور

بتاعتنا بتبدأ القصة بواحد قصة ايه قصة امة الاسلام كلها قصة الدين

على الارض قصة المليار وربعميت مليون مسلم اللى موجودين دلوقتى

النبى صلي الله عليه وسلم ما بدأش يا جماعة بفضائيات او مواقع نت او بأى وسيلة من وسائل

دلوقتى يقدر يو صل بيها للناس

النبى بدأ ومافيش وسيلة غير انه ينزل و يلف على واحد واحد ويكلم واحد واحد

ده يقبل مرةوده يرفض مرة



اول واحدة يبدأ بيها النبى مين ؟ خديجة رضى الله عنها



بعد ما سيدنا جبريل قال للنبى قم فأنذر قم لوحدك مافيش حد معاك

قوم بس ربنا سبحانه و تعالىمعاك و النبى ما ينامش نام يا محمد لاء مضى عهد النوم

ويقوم النبى صلى الله عليه و سلمويدعى السيدة خديجة و تسلم فورا ليه خديجة ؟



الدعوة عشان تبقى هى

اول واحدة تدخل فى رحمة ربنا فى الامة .



دلوقتى بقوا اتنين طب نام يا محمد استريح لاء يقول رسول الله مضى عهد النوم



يوم التلات كان على ابن ابى طالب بيصلى مع الرسول و كان مسلم

كدة بقى الاسلام على وجه الارض ثلاثة يا جماعة المليار وربعميت مليون واحد

و يكمل النبى ويروح يكلم ابو بكر الصديق صديقه ابو بكرالصديق اول ما يسمع


الدعوة يسلم فورا بدون لحظة تردد واحدة و كدة الاسلام على وجه الارض بقوا

اربعة

بدأ يشتغل على عيلته و على قومه و عشيرته بدأ يجمع عيلته نفسها

45
واحد يعملهم عزومة ورا عزومة و يبدأ يكلمهم ما يسلمسش منهم غير واحد



على ابن ابى طالب الطفل اللى فيهم ويبدأ يسمع كلام الاذى من اول يوم


ابو لهب يقوله ما دخل رجل على قومه بشر مثل ما جئت به

و يبدأ النبي يجتهد كمان على بيته تسلم خديجة و تسلم بناته يبقى اول بيت يدخل

فى الاسلام كله بيت محمد عليه الصلاة و السلام


و يبدأ النبى عليه الصلاة و السلام يجتهد كمان على اصحابه يسلم ابو بكر



مجهود رهيب بذله على عيلته و على

عشريته لغاية ما صفية اسلمت وحمزة و جعفر و مرضعته حليمة السعدية و اخواته من

الرضاعة و اعمامه لغاية ما اسلمه


مجهود على

بيت ابى جهل لحد ما ابنى ابى جهل يسلم عكرمة مجهود على بيت ابو لهب

لحد ما بنت ابو لهب تسلم مجهود على بيت عقبة ابن ابى معير لغاية ما اولاد عقبة

ام كلثوم و عمارة و الوليد يسلموا و مجهود على بيت الوليد بن المغيرة لغاية

ما خالد بن الوليد يسلم مجهود على بيت امية بن خلف لغاية ما صفوان بن امية

يسلم مجهود على بيوت بنى شيبة لغاية ما عثمان بن طلحة يسلم

مجهود على بيت ابى سفيان لحد ماام حبيبة بنت ابى سفيان تسلم




قواد جيش الكفر فى غزوة احد يبقوا قواد جيوش الاسلام بعد مجهود رسول الله

صلى الله عليه و سلم


النبى كان بيخرج فى جوف الليل يلف على بيوت الصحبة يشوفهم بيعملوا ايه فى

قيام الليلو تانى يوم اخف صوتك يا عمر ارفع صوتك يا ابى بكر لو رأيتنى

يا ابو موسى و انا استمع اليك البارحة انى لأعرف منازل الاشعرين من قيامهم

بالليل


يبذل مجهود لغاية ما يطلع صحابى يطعن فى ضهره وهو بيتكلم عن

الاسلام يصرخ و يقول فزت ورب الكعبة فزت ورب الكعبةو ينثر الدم على رأسه

عشان يتزين للقاء الله يفضل يربيهم لحد مايطلع واحد وهو واقف يقوم الليل

يتضرب بالسهام يشيل السهام وضلوعه محطمة و دمه بينزف و يكمل قيام الليل

النبى فضل يربيهم لحد ما طلع واحد مسيلمة يقوله قول ان انا رسول الله ما يرضاش

يقطعه حتت لحد ما يقطعه حتت جسمه كله يبقى متقطع النبى فضل يربيهم لحد

ما طلع رجالة جيل برجليهم يتسلخ فى غزوة من الغزوات يلفوا الرقاع على رجليهم



يبذل مجهود على الصحابة رضوان الله عليهم فضل يبذل مجهود رهيب رهيب عظيم

على صحابته رضوان الله عليهم لغاية ما طلع واحد يتقطع رجليه الاتنين فى

غزوة اليمامة درار بن الازور يفضل يقاتل بالسيف و يزحف على صدره لحد

ما يتقتل تحت الخيول رضى الله عنه لحد ما طلع واحد زى القعقاع قائد جيوش المسلمين

يبعت لعمر بن الخطاب ابعتلى مدد بعد شهر يبعتله واحد يقوله ايه ده معاه رسالة

القعقاع معاه رسالة لا يهزم جيش فيه القعقاع


منظر جانب النبى وهو مخطط وهو قايم

من النوم من على الحصير خلى عمر اعظم زاهد فى الارض منظر الحجر على

بطن النبى فى الخندق خلى ابو ذر يزهد زهد تاريخى فى البشرية

منظر النبى وهما بيحاولوا يقتلوه فى الحرم يقوم يكمل صلى بدل ما يهرب يقوم

يكمل صلاة خلى حرام بن مرحال يستهين بالدنيا ايه يعنى ان انا اموت عشان الدين

منظر رجليه وهى متفطرة فى قيام الليل ومتقطعة وهو راجع من الطائف خلت

الصحابة ابطال

ابو طالب لما مات يقول لأستغفرن لك ما لم انهى عنك لغاية ما ربنا ينزل

الامر بأنه ما يستغفرش ليه عليه الصلاة و السلام

الدعوة السرية بدأ مجهود رهيب بس اوعوا تفتكروا ان المجهود ده يعنى فى الدعوة

السرية لاء المجهود فضل يزيد يزيد ما يقلش ييجى الدعوة الجهرية بعد الدعوة

السرية يطلع على رؤوس الجبال يدعوا الى اللهيجى عام الحزن بعد الدعوة الجهرية

اللى كل كان بيتعذب بيه الصحابة النبى هو اللى يتعذب بيه عليه الصلاة و السلام

يروح المدينة غزوات ورا غزوات و ايه ما بيستريحش يا جماعة

جماعة آخر غزوة فى حياة

النبى هى اصعب غزة فى حياة النبي تبوك

الفترة اللى خرج فى حجة الوداع مع 120 الف صحابى وده عاوز يسأله و ممنوع

ممنوع ان حد يمنع اى حد يجى يسأل النبى عليه الصلاة و السلام

الفترة اللى خرج فيها فى الغزوة اللى ربنا سماها العسرة و السلف سموها غزوة

الامراءو يزيد مجهود النبى عليه الصلاة و السلام

الصحابة لما شافو النبى

فى الدعوة السرية بيبذل المجهود ده كله بقى زى النبى ابو بكر الصديق خرج رجع

للنبى بستة من العشرةالمبشرين بالجنة



على بن ابى طالب يجرى يشوف اى واحد غريب داخل على مكة ياخده و يدله على

النبى عليه الصلاة و السلام و هو اللى جاب ابو ذر للنبى

الارقم بن ابى الارقم يفتح بيته و كان عنده 16 سنة تانية ثانوى و كانت مخاطرة

رهيبة فى الوقت ده


السيدة خديجة المرأة تجرى وسط النساء تروح لفاطمة بنت الخطاب تسلم فاطمة و

اللى بعد فترة يسلم بسببها عمر بن الخطاب

الاسلام من اول ما طلع اثبت قدرة رهيبة على الانتشار انتشر وسط كل الجنسيات




محمد هو محرر المرأة عليه الصلاة و السلام

الاسلام قلب كيان الناس كلها رعب صناديف قريش من قوة الاسلام

و لما يزيد العدد يبدأ الاسلام يبقى مخاطرة رهيبة الرسول ما يقدرش يصلى غير فى

شعاب الجبال الصحابة ما يقدروش يتقابلوا غير فى بيوت الصحابة ما يقدروش

يصلوا غير جوة البيوت المقفولة او فى شعاب الجبال


سعد بن ابى وقاص بيصلى مع المسلمين فى شعاب الجبال بعض المشركين

يكتشفوهميحصل مشادة بينهم يمسك سعد بن ابى وقاس وهما بيمنعوهم عن الصلاة

يمسك عضم بعير ميت و يشج بيها رأس واحد من المشركين و يبقى اول واحد

ضرب فى سبيل الله

و يقرر النبى ان

لازم يبقى فيه مكان نتقابل فيه بعيد بقى عن العيون و بعيد عنالناس

و المكان ده يبقى دار الارقم بن ابى الارقم

النبى قبل دار الارقم كان بالنهار بيشتغل فى

الدعوة بعد دار الارقم بقى طول النهار دعوة و طول الليل تربية للصحابة

المسلمين فى اول الدعوة خلت اتباعالاسلام و انصاره و احبابه حتى لو ما اسلموش

يتضاعفوا مئات الاضعاف لان الناس دى اخلاقها عالية


الرسول بذل اد ايه عشان يعلمهم المنهج

يخرج من دار الارقم تلت خلفاء عثمان وابو بكر و على لسة عمر هيجى بعد كدة

يخرج من دار الارقم فاتح بلاد كسرا سعد بن ابى وقاص يخرج من دار الارقم فاتح

بلاد الشام ابو عبيدة بن الجراح رئيس اركان حرب الجيوش الاسلامية فى فتح بلاد

الروم

اسمين مش هيتنسوا ابدا فى المرحلة السرية ابدا لا يمكن هيتنسوا الاسم الاول عفيف

الكندى و الاسم التانى ذو الجاوشن الضبابى ايه ده مين دول عفيف الكندى واحد جه

ايام ما كان الاسلام لسة فى الاول خالص خديجة و على و الرسول عليه الصلاة

و السلام بس فلقى واحد كدة خرج و صلى فى مكان خرجت واحدة بعده خرج طفل

بعدهم فابيسأل العباس بيقولوا مين ده قاله ده محمد بن عبد الله و بيزعم انه نبى و

بيزعم ان كسرا و قيصر هيدينوا ليه كلهم هيدين بلادهم ليه كلهم قاله و طب بعد كدة

فعرض عليه الاسلام عرض عليه انه يدخل الاسلام فامرضاش بعد 21 سنة يدخل

عفيف الكندى الاسلام فى فتح مكة بعد 21 سنة و يشوف ملك الاسلام و عزة الاسلام

و يقول بكل حسرة يا ليتنى كنت رابعهم ياريتنى كنت اسلمت يوميها كان زمانى

بقيت

خليفة

تفرحوا زى خالد بن الوليد لما دخل فتح مكة و قال

الحمد لله انى اسلمت قبل الفتح و لم اسلم يومه ما كنتش من مسلمين الفتح

ذو الجاوش الضبابى واحد تانى اتعرض عليه

الاسلام فى الاول " اما لك ان تكون من الاولين " مارضاش ندم ندم رهيب بعدها انه

ما كانش من الاولين


بعد المجهود الرهيب ده يا جماعة بعد السنين دى بدأ

الاسلام يتعرف بد؟أ الاسلام ينتشر و بدأ الاسلام يبقى ليه واقع و بدأت قريش تزنجر

و بدأت قريش تكشر عن انيابها و بدأت قريش تقف فى وش لوش فى الدين وتقول

نحن هنا


اوى بعد تلت سنين يطلع النبى على جبل الصفا

و يجمع الناس و يهتف بكلمة لا إله إلا الله محمد رسول الله فى وضح النهار فى قلب

مكة

انتهت مرحلة الدعوة

السرية فعليا دلوقتى يا جماعة بدأت مرحلة الجهر اللى الصحابة دفعوا تمنها غالى

اوى

الضريبة و يوقف الصحابة يعلنوا مع رسول الله

صلى الله عليه و سلم



هديتنا المرة دي

مقطع مؤثر جدا عن أخلاق النبي صلي الله عليه وسلم


والحلقة كاملة من

هنا










التوقيع

رَبِّ أَوْزِعْنِي أَنْ أَشْكُرَ نِعْمَتَكَ الَّتِي أَنْعَمْتَ عَلَيَّ وَعَلَى وَالِدَيَّ وَأَنْ أَعْمَلَ صَالِحًا تَرْضَاهُ وَأَدْخِلْنِي بِرَحْمَتِكَ فِي عِبَادِكَ الصَّالِحِينَ(النمل 19)

    رد مع اقتباس
إضافة رد

مواقع النشر (المفضلة)

الكلمات الدلالية (Tags)
لمــاذا, محمد, بأبي أنت وأمي يارسول الله, جمــاعة


الذين يشاهدون محتوى الموضوع الآن : 1 ( الأعضاء 0 والزوار 1)
 
أدوات الموضوع
انواع عرض الموضوع

تعليمات المشاركة
لا تستطيع إضافة مواضيع جديدة
لا تستطيع الرد على المواضيع
لا تستطيع إرفاق ملفات
لا تستطيع تعديل مشاركاتك

BB code is متاحة
كود [IMG] متاحة
كود HTML معطلة

الانتقال السريع

المواضيع المتشابهه
الموضوع كاتب الموضوع المنتدى مشاركات آخر مشاركة
كيف تحتسبين الاجر في حياتك اليومية اميره بحجابي الصحبة الصالحة - للبنات وبس - 8 09-12-2012 11:48 PM
اعظم ايام الدهر د امة الله الخط الساخن للتائبين 4 04-24-2012 01:56 PM
أحد العشرة المبشرين بالجنة Yassine-Alafasy ۩۞۩ ...... نجوم السماء ...... ۩۞۩ 2 07-24-2011 07:34 PM


الساعة الآن 11:17 AM.

Powered by vBulletin® Version.Copyright ©2000 - 2009, Jelsoft Enterprises Ltd