العودة   منتدى أحلى حياة في طاعة الله > استمتع بحياتك > أحلى رمضان في حياتي
التعليمـــات اجعل كافة الأقسام مقروءة

أحلى رمضان في حياتي إذا كانت أحلى حياة في طاعة الله فمع رمضان الحياة والطاعة أحلى .

إضافة رد
 
أدوات الموضوع إبحث في الموضوع انواع عرض الموضوع
قديم 08-11-2009, 04:33 AM   رقم المشاركة : 1
اللهم لا تمتني إلا شهيداً
زائر

 


 

 

افتراضي مش هتقدر تغمض عنيك !

الي يشوف كمية الإعلانات الرهيبة الي شغالة من اسبوعين تقريباً عن مسلسلات وبرامج رمضان بقول دة شهر المسلسلات!

شيء مستفز بصراحة!

كل القنوات الفضائية الشهيرة-بخلاف الدينية طبعاً!- بتتنافس وتتقاتل على شراء حق عرض مسلسلات رمضان!

مافيش قناة منهم أعلنت عن برنامج ديني!

ما فيش رئيس قناة احترم نفسه وقال رمضان دة شهر الصيام والطاعات والعبادات وقيام الليل والقرءان عشان كدة مش هنعرض إلا مواد دينية!

حاجة عجيبة والله الناس دي!

كمية إعلانات عن مجموعة مسلسلات تحسسك إنك مقبل على كارثة!

إيه دة؟!

إمال الناس هتصلي تراويح امتى وهتطبخ الأكل امتى وهتشتغل امتى وتتهجد امتى؟!

ولا بقى خلاص نقضيها قيام ليل أمام الفضائيات من المحور للدراما للسينما للأفلام الكوميدي لروتانا لميلودي للحياة لدريم؟!!!!!!!

نهجر المساجد في رمضان ونعمّر البيوت مبحلقين أمام التليفزيونات؟!

إيه القرف دة؟!!


مافيش رحمة؟!

مافيش دم؟!

مافيش رمضان؟!

بقى دة رمضان في نظركم؟!

مسلسلات وفوازير وبرامج تافهة ؟!!

بقى الفلوس تعمل فيكم كدة؟!

عموماً العيب مش فيكم إنما في المشاهدين الي عملوا لكم قيمة ونسبة مشاهدة تتهافت عليها القنوات!

يا شباب منتدى عمرو خالد إياكم أن تكونوا ممن يشاهد المسلسلات في هذا الشهر الفضيل بالذات

اهجروهم إلى سعادة الدارين

اهجروهم إلى الله ورسوله!

اهجروهم إلى الصدقات وتلاوة القرءان والتراويح والتهجد والدعاء وصلاة الجماعة!

إياكم أن تفوتوا هذا الشهر فقط لا يعود لكم ثانية!

فكروا!

كم من شخص نعرفه أو لا نعرفه كان معنا رمضان الماضي ثم هو الآن بين يدي الله؟!

فكروا!


هل ضمنا بلوغ رمضان هذا العام؟!

طيب إذا يسر الله وبلغناه هل نضيع بعض اللحظات في مشاهدة مسلسل أو برنامج من إياهم؟!!!!

الكل بيسعد لرمضان بالطاعات والتمرين على قيام الليل والقرءان والترتيب للإعتكاف في العشر الأواخر ودول بيستعدوا بالمسلسلات والبرامج!!!!!!!!!

مالناش دعوة يا جماعة!

إحنا أسمى من أن نهتم بمثل هذه الشواغل التافهة!

لا تجعل رمضان هذا العام يضيع منك بسبب مسلسل أو برنامج أو لقاء!

اجعل نهارك صيام بكل ما تعنيه كلمة صيام وقرءان وذكر وإستغفار وليلك قيام وقرءان وتراويح وتهجد ودعاء طويل!

اجعل حياتك لله مش للممثلين وللنخرجين وللفضائيات!

اجعل نومك بنية الراحة وإستعادة النشاط للقيام والطاعات حتى تثاب على هذا النوم!

لا تضيع أي صلاة مفروضة في جماعة في المسجد

أكثر من النوافل والدعاء والصدقات وصلة الرحم!

استغل وقتك خلال هذا الشهر فيما يرضي الله ولا تضيعه فيما لا يرضي الله!

مسلسلات إيه؟!

برامج مين؟!

دة إحنا في رمضان يا جماعة!!!!!!!!!

شهر الصيام شهر القرءان!

مش شهر المسلسلات والبرامج!

حتى الماتشات أعوذ بالله قبلها بساعات وبعدها بساعات يقعدوا يحللوا في كل كبيرة وصغيرة فيها وكل ما يتعلق باللاعبين وطريقة اللعب والمدرب والحكم وحامل الراية وتفاصيل الماتش والفرص الخطيرة وغير الخطيرة! والجمهور والملعب ورئيس النادي والإحتياطي والمحترفين وتليفونات تعلق وإعلانات!!!!!!

دة كله عشان ماتش؟!!!!!!!!!!!!!!!!!

دي قلة أدب!

لسة إمبارح كنت قاعد غصب عني عند أحد أقاربي مشغل قناة رياضية وقاعد متضايق من القناة ولكن جملة سمعتها من التافه الي بيتكلم خليتني عاوز أخنقه!

كان بيتكلم عن حقوق إذاعة المباريات ومش عارف إيه المهم هو اخترع كدة نسب معينة للأندية بحسب شهرتها وحصولها عالمراكز الأولى ثم قال الجملة الي كنت عاوز أخنقه بسببها وهي

"ودة عدل ربنا"!!!!!!!!!!!

ياااااااااااااه!

بجد كنت عاوز أخنقه!

عدل ربنا؟!!!!!!!!!

يا تافه إيش دخل ربنا وعدل ربنا بالقرف الي عمال تتكلم فيه؟!!!!!!!!

اعوذ بالله من هؤلاء!

أنا شايف إنه إذا كان الشياطين الجن بتتسلسل في رمضان فشياطين الإنس شغالة!

ودول والله ما أراهم إلا من شياطين الإنس!

ولا عندهم ريحة الدم!

مسلسلات ومش هتقدر تغمض عنيك ولا هتقدر تفتح بقك تقرأ قرءان أو تذكر ربنا ولا هتقدر تقوم تصلي ولا هتقدر تعمل أي حاجة غير إنك تأنتخ أمام التلفاز كالأهبل أو المسطول!

دة طبعا لو سمعت كلامهم وتابعت مسلسلاتهم واهتممت ببرامجهم وانتظرت مبارياتهم!

انسى إنك تعمل حاجة في رمضان!

غير إنك تهري الريموت بتاعك وتدوخ نفسك من قناة لأخرى!

أنا دايماً بسأل نفسي الناس دي حسابها هيبقى شكله إيه؟!

الناس الي مسؤولة عن المسلسلات والبرامج دي والي بتجاهر بالمعاصي نهاراً جهاراً في رمضان وغيره!

دول هيتحاسبوا إزاي؟!

هما فكروا في كدة؟! ولا الفلوس والدنيا والشهرة عمتهم فأصبحوا صم بكم عمي فهم لا يعقلون؟!

الناس الي بتنشر الفساد وتفتن الناس وتشغلهم بالتفاهات مش هيرحمونا شوية بقى؟!

عارفين أحسن حاجة تعملوها إيه؟!

تشيلوا التليفزيون دة خالص في رمضان عالأقل!

طبعاً طبعاً طبعاً عارف إنه ناس كتير هتقولي لأ إحنا هنشغله على قناة الناس والرحمة والحكمة وإقرأ والعفاسي والخليجية وبقية القنوات الدينية

أنا من رأيي إنه الي عاوز يستغل رمضان صح مش هتخيل عليه الوسوسة الشيطانية دي!

دة رأيي ومش للبيع!

ليه بقى؟

لأنه القنوات دي أكيد هتستمر في رمضان طبعاً لكن المفروض إنها للغافلين الي أصلاً مش هيروحوا يصلوا! ولا يقيموا الليل

الي عنده نية أكيدة للفوز برمضان مش هيلاقي وقت للتليفزيون من أصله!

مش وقته!
دة وقت عبادات وطاعات مش دروس وخطب!

صدفوني مش وقته خالص!

اللهم إلا أصحاب الأعذار ممكن يتابعوا بعض الوقت لكن أنا بتكلم عن العام

المشكلة الحقيقية بقى في الأهل الغافلين!

بجد مشكلة عويصة جداً!

لأنك طول ما انت في وسطهم مضطر إضطراراً تسمع مالايرضيك وترى مالا يجب أن تراه والله المستعان


لكن برضه في رمضان مش من المفروض نسمح لأنفسنا بأن يضيع منا هذا الشهر العظيم ولا لحظات منه

يعني قدر المستطاع وبنية خالصة بإذن الله نفوز بهذا الشهر الكريم

اعتبروه بطولة لها إستعداد خاص وقيود ونظام معين!

للأسف الأهل لو عندهم -بعد الشر يعني!- طالب أو طالبة في الثانوية العامة ييجوا قرب الإمتحان ولغاية ما يخلص يعملوا زي معسكر ويعلنوا حالة الطواريء ويشيلوا التليفزيون والكمبيوتر أو يمنعوهم عن الطالب ويوفروا له كل سبل الراحة والجو المناسب للمذاكرة وللإستيعاب وللحفظ وطلباته كلها أوامر في هذا الصدد من دروس وإسطوانات وفلوس وكتب وصحيان بدري و00إلخ

لكن شهر رمضان بالنسبة لهم عادي جداً ولا كأن في حاجة حصلت أصلاً!

الصحابة كانوا بيستعدوا قبلها ب6 أشهر!

دول لأنهم فاهمين كويس يعني إيه رمضان وعارفين فضله وموقنين بهذا الفضل العظيم

أما إحنا يا حسرة علينا!

عمالين نستعد بالمسلسلات والبرامج والأكل!

حاجة تشل!

طبعا كل كلامي السابق ضيفوا بعدين جملة مهمة

إلا من رحم ربي

اللهم اجعلنا منهم وبلغنا رمضان!

الخلاصة يا جماعة بقدر الإمكان ابعدوا عن الفضائيات وما فيها

لأن رمضان عندهم غير رمضان عندنا خالص!

رمضان عندهم أنزل فيه المسلسلات!

عندنا أنزل فيه القرءان!

اشغل يدك بالتسبيح والتهليل والتكبير مش بالتقليب في الريموت!

اشغل بصرك بالمصاحف مش بالمسلسلات!

اشغل أذنك بالتلاوة مش بالبرامج!

اشغل لسانك بذكر الله وتلاوة القرءان مش بالتعليق عالماتشات والمسلسلات والبرامج!

اتعب قدميك بالقيام بين يدي الرحمن بالساعات مش تخدرها بالساعات وانت "مريح" متابع للمسلسلات!


يعني يكفيك أن تتفكر فيمن مات قبل رمضان وهم الآن يحاسب في قبره وسيحاسب يوم القيامة على كل لحظة من حياته

تخيل إنه سيدنا عمر رضي الله عنه رغم أفضاله على الإسلام والمسلمين وصحابته للنبي الكريم وعدله وقوته في نصرة الحق ووفاة النبي صلى الله عليه وسلم وهو راضي عنه ورغم بشارته بالجنة رغم كل دة وأكثر إلا أنه كان يقول قبيل موته " ليت أم عمر لم تلد عمر ، ليتها كانت عقيما " وذلك من شدة خوفه من الله عزَّ وجل فما بالك بأمثالنا؟!!!!

فلنتق الله ولتنظر نفس ما قدمت لغد!

نسأل ربي بلوغ رمضان ونسألك حسن الختام ونسألت رضاك الجنة

معلشي طولت عليكم لكن بجد الإعلانات استفتني!

ومحدش يفولي طيب وانت بتشوفها ليه؟ لأني مش بشوفها بمزاجي إنما ببقى قاعد مع الي ربنا يهديهم عيلتي!

ادعولي ربنا يهديهم ليا أو يبعدني عنهم عن قريب!

اللهم بلغنا رمضان















    رد مع اقتباس
قديم 07-09-2010, 08:16 PM   رقم المشاركة : 2
nabdy_quranee
قلب ينبض
 
الصورة الرمزية nabdy_quranee

 


الجنس: female

اسم الدولة Egypt

nabdy_quranee غير متواجد حالياً

 

nabdy_quranee is on a distinguished roadnabdy_quranee is on a distinguished roadnabdy_quranee is on a distinguished roadnabdy_quranee is on a distinguished roadnabdy_quranee is on a distinguished roadnabdy_quranee is on a distinguished road

 

افتراضي

اميييييييييييييييييييين...

الله يهديهم..









التوقيع





اللَّهُــــــــمّے صَــــــلٌے و سَلّـــــمّے علَےَ نبينا مُحمَّــــــــدْ وعلــــــــى اّلـــــــه وصـحبه و سَلّـــــمّے




    رد مع اقتباس
قديم 07-11-2010, 11:44 PM   رقم المشاركة : 3
الفارس محمود
قلب متميز
 
الصورة الرمزية الفارس محمود

 


الجنس: male

اسم الدولة Algeria

الفارس محمود غير متواجد حالياً

 

الفارس محمود is a splendid one to beholdالفارس محمود is a splendid one to beholdالفارس محمود is a splendid one to beholdالفارس محمود is a splendid one to beholdالفارس محمود is a splendid one to beholdالفارس محمود is a splendid one to beholdالفارس محمود is a splendid one to beholdالفارس محمود is a splendid one to beholdالفارس محمود is a splendid one to beholdالفارس محمود is a splendid one to beholdالفارس محمود is a splendid one to behold

 

افتراضي

اللهم ءامين
واللهم اهديهم








    رد مع اقتباس
إضافة رد

مواقع النشر (المفضلة)

الكلمات الدلالية (Tags)
تغمض, عندك, هتقدر


الذين يشاهدون محتوى الموضوع الآن : 1 ( الأعضاء 0 والزوار 1)
 
أدوات الموضوع إبحث في الموضوع
إبحث في الموضوع:

البحث المتقدم
انواع عرض الموضوع

تعليمات المشاركة
لا تستطيع إضافة مواضيع جديدة
لا تستطيع الرد على المواضيع
لا تستطيع إرفاق ملفات
لا تستطيع تعديل مشاركاتك

BB code is متاحة
كود [IMG] متاحة
كود HTML معطلة

الانتقال السريع

المواضيع المتشابهه
الموضوع كاتب الموضوع المنتدى مشاركات آخر مشاركة
أرض الخوف Fear Factor Xtreme...هتقدر تكسب التحدي ؟؟؟ المشتاق إلي الجنة ZoOoOom على حياتنا :: القسم العام :: 145 11-02-2016 02:13 AM
قناة الأفلام .. مش هتقدر تسيبنا وتصلي !! عزتي في إسلامي أحلى رمضان في حياتي 25 06-16-2013 10:56 PM
1000 مبروك !! R.2009 مش هتقدر تغمض عينيك !! Moro ZoOoOom على حياتنا :: القسم العام :: 5 04-24-2011 02:05 AM
هل أنت حزين؟؟ عندك مشكله!! أحب ربي الخط الساخن للتائبين 27 02-21-2011 06:24 PM
عندك كم صديق ؟؟ White Heart ZoOoOom على حياتنا :: القسم العام :: 9 11-23-2010 11:29 PM


الساعة الآن 12:34 PM

Powered by vBulletin® Version.Copyright ©2000 - 2009, Jelsoft Enterprises Ltd