عرض مشاركة واحدة
قديم 10-27-2013, 02:13 AM   رقم المشاركة : 1
مصري بيحب ربنا
قلب ينبض
 
الصورة الرمزية مصري بيحب ربنا

 


الجنس: male

اسم الدولة Egypt

مصري بيحب ربنا غير متواجد حالياً

 

مصري بيحب ربنا has a brilliant futureمصري بيحب ربنا has a brilliant futureمصري بيحب ربنا has a brilliant futureمصري بيحب ربنا has a brilliant futureمصري بيحب ربنا has a brilliant futureمصري بيحب ربنا has a brilliant futureمصري بيحب ربنا has a brilliant futureمصري بيحب ربنا has a brilliant futureمصري بيحب ربنا has a brilliant futureمصري بيحب ربنا has a brilliant futureمصري بيحب ربنا has a brilliant future

 

3agel عودة ميت للحياة

خلاص يارب

تعبت و جبت أخري

تعبت من إلي عملتة في نفسي

تعبت من مستنقع الوحل إلي رجعتلة تاني بعد ما كنت سبتة

خلاص يا سندي

مش همي دلوقتي غير رضاك

إتاكدت إنك طاعتك هي هوائي

إتاكدت إن قربك هو أنسي و حياتي

المرة دي تعبت أوي يا ملك الملوك

لأني كنت جربت حلاوة القرب منك

ولكني بعتها مقابل شهوات مزيفة

وكبائر زائلة

متبقليش منهم غير قلب قاسي من كتر الذنوب

حياة ضائعة تبحث عن السعادة

ولكن وسط القمامة

طولت في البعد عنك لحد ما بقيت عايش في جحيم

صحة تعبت

وفلوس ضاعت

وقلب صخر مبيتحركش

وعقل فاشل في كل حاجة في حياتة

مستقبل مظلم

ضيق وكرب مش عارف سببة إيه

كل الحياة إتدمرت يارب

خلااااااااااااص مبقتش قادر

راجعلك و بقولك أنا خدامك

مش هبقي عبد لشهواتي تاني

مش هبقي عبد لنفسي و شيطاني تاني

أنا عبدك أنت

وخدامك أنت

يا موجود قبل كل موجود .. يا أول يا أخر يا ظاهر يا باطن

ضاقت علي نفسي و ضاقت عليا الأرض بما رحبت و لا ملجأ و لا منجي منك إلا إليك

إلهي

لولا أنك يا كريم بالفضل تجود , ما كان عبدك إلي الذنوب يعود

بحثت عن الحب بين الخلائق .. فظلمت نفسي لما رأت عيني من الحقائق

حقيقة أن الحب هو حبك

والصلاح و السعادة في قربك

ربي

إني عبد حقير ذليل فقير

رميت نفسي علي عتبة بابك

هتحرمني منك يا غفور ؟

هتحرمني منك يا أرحم الراحمين ؟

ربي أنت تعرف ضعفي و هواني

هيجي يوم هدخل فيه قبري

لوحدي

مليش إختيار و لا ليا أنيس ولا صاحب

لو أنت مرضتش عني

هلكت للأبد

ضاعت الدنيا والأخرة

يارب من النهاردة

هظبط حياتي كلها عشانك

هخلي حياتي كلها لطاعتك

هكتب جدول حياتي بإيدي

وعنوانة

لله وبالله

هخلي طموحي يوصل للسما

هخلي مستقبلي و شغلي لرضاك

هخلي نيتي في كل حاجة في حياتي

لله و بالله

أنا مبقاش عندي حاجة أخسرها يا سندي

أنت بس بإيدك مفتاح قلبي

أنت بس حبيبي

أنت بس مليكي

أنت بس إلي بإيدك صلاح قلبي

عرفت غلطاتي قبل كدة و مش هرجع أكررها تاني

هبدأ صفحة جديدة

وهبدأ بكل قوة

وعليك توكلي و إعتمادي

ومتأكد إنك هتقف جنبي و هتقويني و هتساعدني


أنا بحبك أوي


نصحية للمنتكس

إرجع يا حبيب قلبي كفاية

والله ما هتاخد حاجة و لا هتسعد

أقسم بالله العلي العظيم ما في أحلي من القرب منه

أنا بعدت كتير لحد ما قلبي بقي قطعة حديد مصدية

أرجع قبل ما دة يحصلك

وقتها هيبقي الرجوع أصعب

متبقاش جاحد دة صاحب جمايل عليك

دة فضلة و نعمة مغرقاك

والله ما هتلاقي أحن منة

مش هتلاقي أدفي من حبه عليك

والله ما حد هينفعك

صحابك و أهلك مش هينفعوك

لما تنزل قبرك

أهلك و صحابك و حبايبك هيدفنوا و يروحوا

شهر واحد و هينسوك

مش عشان هما وحشين

بس عشان دي سنة ملك الملوك في خلقة

مش هيتبقالك غير عملك أنت و بس

ناس كتير إتوفت في حياتك

وأنت زعلت عليهم أوي

وكنت بتحبهم بجد و موتهم تعبك أوي

دلوقتي أنت عايش حياتك

وهما باقيلهم إيه ؟؟؟؟؟؟

هيجي يوم عليك و تبقي زيهم

هتقولة إيه ساعتها ؟؟؟

إرجع يا حبيب قلبي متعملش زيي و تطول في بعدك عنة

والله جحيم إلي كنت عايش فيه

بنصحك عشان مش عايزك تدوق إلي أنا شوفتة والله


وبقول لكل واحد متدين و قريب من ربنا

أمسك في تدينك دة بإيدك و سنانك

متفرطش فيه أبدااااااااااااااا

دة كنز محستش بيه غير لما ضيعته

خد بالك من نفسك أووووووي

متستهونش بأي حاجة

والله إلي ضيعني كانت أغنية

سمعتها و أنا كنت بطلت أغاني خلاص

أغنية بس رجعتي أسوا من الأول بكتير

إبعد عن أي سكة مشبوهة توصلك للإنتكاس

جدد توبتك تاني

أكنك لسة بادئ من جديد

وشد العزم أوي

وقولة مش هسيب طريقك أبدااااااااا

طالب منكم حاجتين

دعوة صادقة من القلب إن ربنا يقبلني و يثبتني و ميبعدنيش عنه أبدا

ودعوة صادقة ربنا يرزقني الصحبة الصالحة

لأنهم معدومين في حياتي

أحبكم في الله ^_^








التوقيع

وَاصْبِرْ لِحُكْمِ رَبِّكَ فَإِنَّكَ بِأَعْيُنِنَا وَسَبِّحْ بِحَمْدِ رَبِّكَ حِينَ تَقُومُ


الَّذِي خَلَقَنِي فَهُوَ يَهْدِينِ , وَالَّذِي هُوَ يُطْعِمُنِي وَيَسْقِينِ , وَإِذَا مَرِضْتُ فَهُوَ يَشْفِينِ , وَالَّذِي يُمِيتُنِي ثُمَّ يُحْيِينِ , وَالَّذِي أَطْمَعُ أَن يَغْفِرَ لِي خَطِيئَتِي يَوْمَ الدِّينِ


ليس لي سواك يا الله
    رد مع اقتباس