منتدى أحلى حياة في طاعة الله

منتدى أحلى حياة في طاعة الله (http://www.goodwayinlife.com/forum/index.php)
-   أيامنا الحلوة :: قصص التائبين :: (http://www.goodwayinlife.com/forum/forumdisplay.php?f=155)
-   -   °¨¨™¤¦( مراهقـــين و مـن ربنــا قريبيــن ) ¦¤™¨¨° تمـــت (http://www.goodwayinlife.com/forum/showthread.php?t=52561)

نـورهـان 09-10-2012 04:12 AM

°¨¨™¤¦( مراهقـــين و مـن ربنــا قريبيــن ) ¦¤™¨¨° تمـــت
 
http://im.gulfup.com/2011-02-23/1298446673831.gif
http://www.islamup.com/download.php?img=159490

: : فترة المراهقة : :

فتــرة صعبة , فتـرة حساسة , بالتأكيـد كلنا مررنا بها

, فإذا كنت " قائد نفسك " , " قائد شهواتك " , " قائد أهوائك "


فأبشــــــــر :))


فانت بذلك قد ( نجـوت ) من هول تلك المرحلة الصعبــة .

اما لو اتبعت شهواتك و انجرفت وراء أهوائك و تركت إلتزامك ..

فلا شـك انك بذلك تكتب لنفسك " حزناً و ضيقاً "

ربما سيظل مُلازماً لكَ طوال عمُرِكَ

بيدكِ أنت القرار ,, بيدِك انت مصيركَ ..

فأىٌ الإحتمالين ستختار ؟؟!!

هذا يرجِع لكَ

مسلسلنا هذا أو يومياتنا ... يُناقش ربما , يُبصِر أعيننا ربما , يُعالج ربما ,

تلك الفتــرة ...

سنأخذكم فى جولــة لتلك العائلة البسيطة الساكنة فى أحد المساكن الشعبية

الشهيرة بالقاهرة .. أسرة بسيطة تمتلك العادات و التقاليد .. و لكن هل

تمتلك الوعى الكآفى لتربية أولادها الذين باتوا فى سن حرج ؟ سن يحتاج إلى

الرعاية و الإهتمام و التوجيه ؟؟

هذا ما سنراه فى مسلسلنا ...


تاابعونا ...


http://im23.gulfup.com/2012-09-08/1347072440761.jpg

ملحوظة :: هذا المسلسل نِتاجاً من حمــلة " يا بطل حطـم قيدك و اطلع فووووق "


مشــــاركة قيمة جداً و رائعة من الأخت هالة " راجية عفو ربها " ربنا يبارك فيها يارب :)

تعالو اسمعوا معانا حكاية على وفوزية وعم الحاج
ومراهق على عيشته بقى يثور ويحتج

وأم غلبانة مدلعة ولادها
فاكرة الجواز أكل وشرب والعيال مسريها تتربى

علي شاب طيب لكن شياطين الانس شطار
قالوله يابني لا تغلب ولا تحتار

جرب السيجارة الملفوفة وهتعملك دماغ جامدة
وتحس انك ملك ولا حتى بقيت عمدة

مرة واتنين وتلاتة الحكاية بقت ادمان
اتخلى عنه صاحبه وقاله اسف يا مان

الواد خس النص وادمانه عامله ورطة
يجيب الفلوس منين دي بقت شنيطة وعقدة

عرفوا في المدرسة وسيرته بقت على كل لسان
ويا يتعالج يا إما يدخل اللومان

راح اتعالج ومحمود وقف جنبه
وبعد ما اتعالج بقى معاه وبيساعده

وبقوا خلاص صحاب ودله على طريق الخير
وعلى بقى يصلي ويحب يساعد الغير

:))))))))))

:: فهرس الحلقات ::

الحلقة الأولى

الحلقة الثانية

الحلقة الثالثة

الحلقة الرابعة

الحلقة الخامسة

الحلقة السادسة


الحلقة السابعة

الحلقة الثامنة

الحلقة التاسعة


الحلقة العاشرة

الحلقة الحادية عشر

الحلقة الثانية عشر


الحلقة الثالثة عشر

الحلقة الرابعة عشر


الحلقة الخامسة عشر


الحلقة السادسة عشر

الحلقة السابعة عشر

الحلقة الثامنة عشر و الأخيـرة

:: تمـــت بفضل الله ::

:SnipeR (69)::SnipeR (69)::SnipeR (69):

نـورهـان 09-10-2012 04:21 AM

(( الحلقة الاولى ))

http://im.gulfup.com/2011-02-23/1298446673831.gif

http://im23.gulfup.com/2012-09-08/1347072440761.jpg
نبدأ مع ابطال القصة :)

على : طالب فى اولى ثانوى ,, عماد : صاحب " على " الأنتييم ..

محمود : العُقدى المكلكع _ كما يطلقون عليه فى الشلة _

فوزية : اخت على ,, إلهام : صاحبة فوزية الأنتيييم ..

الحاج عبد الرحيم : والد " على " ...

http://im16.gulfup.com/2012-09-10/1347241943651.jpg

و نبــدأ


المشهد الاول


على : مامااااا .. يا ماماآآآآآآآ .. انتى يا ست الحاااجة !!!

الام : !!! فى ايه يابنى سرعتينى ..و بتعلى صوتك عليا كده ليه يا واد انت ؟؟؟

على : اومال عيزانى اكلمك بهدوووء و انتى لسة معملتيش الغدا و انا بطنى بتصوصو من الجووع ؟؟!!!!

الام : احترم نفسك ياض بدل ما اجبلك ابووووووك !

الحاج عبد الرحيم : انا جيييت اصلا يا " ام على " من صويت الواد و زعيقه

.. الواد اللى ناقص رباية ده !

على : فى ايييه ؟؟ هو كلكم داخلين فيا شمال كده لييييه ؟؟؟ده ايه العيشة اللى تقررف دى ؟

الحاج : تقرف !!! قرف يشيلك يا بعيييد يللا يا واد من هنا منتاش واكل يللا اطلع بررررررررره ...

على : انا اصلا ماشى من غير ما تقول .. هو انا هستناك يا حاج هههههه

الحاج : شوفى الواد البجح اللى معندوش ذرة دم .. اللى موتى عيكون على ايده ان شاء الله .......

آآآه


آآآه


آآآآه يا قلبـــى !!

الحقييينى بالدوا يا ام على بسررعة ..

على : اهو ده اللى انت فالح فيه ( آآه .. آآه يا قلبى )

و طبعاً " على " جرررى بعد ما قال الكلمتين دول لانه لو وقع تحت ايدين

الحاج هيطلع من تحتها " بطاطس مهروسة " ده اذا طلع اصلا :D

http://img824.imageshack.us/img824/8868/fawaslnew02.png

المشهد الثانى ...

الام : بت يا فوووووزية انتى يابت يا مقصوفة الرقبة انتى !! يا بت انتى يا بت

.. زورى وجعنى الله يهدّك يا شيخة ..

فوزية _ و هى لسة صاحية من النوم و شكلها عامل زى اللى طالع من حادثة

_ : اييييييييه فى ايييييييييه ياحاجة عايزة منى اييييه ؟؟


ابوووس رجلك سبيينى انااام ..

الام : يا بت يا بروتة تعالى ابوووكى تعباان ..

فوزية : ماله الحاج ؟؟ سلااامته

الام : اجرى يابت اندهى للدكتور سامى اللى فوقينا .. اجرررى يللا .

فوزية : يوووووووووه حااضر افففففففف مفيش غيرى فى البيت ده ولا ايييه ؟؟؟

و جه الدكتور و كشف على الحاج و قاله : ياعم عبد الرحيم متعصبش

نفسك و تاخد كل حاجة على اعصابك مفييش حاجة مستاهلة !!

الحاج : حاضر يا بنى هحاااول .. الله يكرمك يا بنى ياارب ..

فوزية : عايزين منى حاجة تانى .. انا داخلة انااااااااام ..

الام : اييييه يا شيخة ؟؟! انتى هتقضى طول اليوم نوووم و هتفضلى قالبة

ليلك نهارك و نهارك ليلك لحد امتى يا مقصووفة الرقبة انتى ؟!!

فوزية : هااا عندك كلام تانى يا حاجة تقوليه ؟؟! عشان انا صدعت ..يللا بلا

مؤاخذة انا هنااااام ..


http://img824.imageshack.us/img824/8868/fawaslnew02.png

المشهد الثاالث ..


عماد : ايه ياواد ناوى على ايييه ؟؟

على : ابداً ولا حاجة .. نتمشى شوية و على ما الليل ييجى هبقا اروح البيت

!!


عماد : الله .. شايف البت الحلوة اللى هناك دى ؟

على : فييييييين وريهااانى ؟؟

عماد : اللى بتاكل فشار هناك اهييه !

على : ايوه ايوووه .. تعالى نشوف الحوار ايه ؟؟

عماد : اشطااا ^_^

على : ايه يا جميييل ما تدينى فشرااية لحسن انا همووت من الجووع .. و لسة متغدتش ..

البنت : يللا يا عيل منك له من هنآآ ..

عماد : عيااال !!! احنا عيال يا بت يا اللى شبه عمود النور المكسور انتى ؟؟

يللا يابنى نمشى من هنا شكنا اختارنا غللط !


على : شايف الراجل اللى هناك ده ابو كرش عامل كأنه بالع بطيخة و وقفت

فى بطنه هههههههه ده حتى اقرررع .. شكل البطيخى كانت قرعة ولا اييه ؟؟



عماد : طب شايف الست اللى هناك دى ؟؟ اللى شكلها ضربت شعرها فى

الخلاط قبل ما تنزل الشارع


على : ولا الراجل ده اللى وشه شبه الأوطاية المفعووصة

عماد : طب شايف انت الاتنين دول اللى عاملين فيها روميو و جوليت و هما

اساسأ محصلوش ( عدلات و برعى )




و " على " و " عماد " فضلوا ماشيين فى الشوارع يتريقوا على خلق الله

و يعاكسوا البنات .. لحد اما الليل جه و روح " على "البيت ..

ورجع لقاه ابوه فى وشه و معاه الخرزااانة


http://img824.imageshack.us/img824/8868/fawaslnew02.png

و نكمل العلقة اللى جاية .. اقصد الحلقة




حان الرحيل 09-10-2012 11:44 AM

لالالالا دي حاجة ما يعلم بيها الا الله ... الاول كنت متضايقة من الشتايم و الدعوات اللي بتدعي و بعدين حاجات برعي و عدلات اضحكتني .. اضحك الله سنك ... اه صح مين عدلات و برعي دول؟
هما الولاد بيعملوا كدا بجد؟؟ .. يا الله أنت المستعان .. ع فكرة اباء و امهات كتير مش بيعرفوا يتعاملوا مع اولادهم بتاتا و يسيبهم ف وادي غير واديهم .. و الله حرااام حراااااااااام .. انا لا احب كلمة مراهقين و الله بتخنق النفس .. لكن العنوان حلو برضو .. ربنا يعدي اولاد المسلمين من مراحل حياتهم علي خير
يلا كملي

امة الرحمن/فاطمة 09-10-2012 01:24 PM

متابعين إن شاء الله

جميلة جداااا

جزاكِ الله خيرااااااا

محب الخير 09-10-2012 01:47 PM

جزاكم الله خيراً ونفع بكم

أم براء 09-10-2012 04:20 PM

جميل اللهم بارك

إشرآقة سجدة 09-10-2012 05:24 PM

متابعة معاكى ان شاء الله :)

العائدة الى الغفور 09-10-2012 05:42 PM

متابعين معاكي ......

نـورهـان 09-10-2012 06:10 PM

جزانا الله و إيااكـم ..

و بارك الله فيـكم جميعاً ..

تسعدنى متابعتكمـ .

اقتباس:

لالالالا دي حاجة ما يعلم بيها الا الله ... الاول كنت متضايقة من الشتايم و الدعوات اللي بتدعي و بعدين حاجات برعي و عدلات اضحكتني .. اضحك الله سنك ... اه صح مين عدلات و برعي دول؟
هما الولاد بيعملوا كدا بجد؟؟ .. يا الله أنت المستعان .. ع فكرة اباء و امهات كتير مش بيعرفوا يتعاملوا مع اولادهم بتاتا و يسيبهم ف وادي غير واديهم .. و الله حرااام حراااااااااام .. انا لا احب كلمة مراهقين و الله بتخنق النفس .. لكن العنوان حلو برضو .. ربنا يعدي اولاد المسلمين من مراحل حياتهم علي خير
يلا كملي

برعى و عدلات مُجرد اسم بس :))

اللهم آمييين .. ده الواقع والله للأسف .. ربنا يصلح حال المسلمين اجمعين يارب ..

نـورهـان 09-10-2012 06:24 PM

http://im.gulfup.com/2011-02-23/1298446673831.gif

(( الحلقة الثانية ))




http://im16.gulfup.com/2012-09-10/1347241943651.jpg

المشهد الأول



وصلنا فى المرة اللى فاتت لحد اما دخل " على " البيت و لقى الحاج مستنيه

بالخرزانة :))




الحاج : ما لسة بدرى يا اخويا !! ما تبات فى الشارع أحسن .



على : ليه يا عم الحج بس !! ده انا بحبك ^_*



الحاج : حبك برص و عشرة خرص يا شيخ .. يلاا انجر اداامى علشانة

الناس متسمعش حسينا ..



و دخل " على " و كان " الحاج " فى ايده الخرزانة و طبعا عينكم ما تشوف

الا النوور أخد علقة محترررمة جدا و الشاهد على ذلك ان الخرزانة اتقطعت

عليه
:)


الام : تستاهل علشان بعد كده تحترم نفسك و متقلش ادبك علينا ..



على : والله لوريييكوا كلكوااا و هتشووفوا ايه اللى هعمله !!


http://img824.imageshack.us/img824/8868/fawaslnew02.png


المشهد الثانى


الام : رايحة فين يا بت يا فوزية ؟؟



فوزية : رايحة اجيب هدوم ..فيها حاجة دى كماان ؟!



الام : و هتجييبى ايييه يا ست هاانم ؟ و انتى لسة مطلعتيش من البيضة و كل

يوم و التانى عمالة تخرجى و تقوليلى بجيب هدوم !!



فوزية : يوووووه بقا يا حاجة .. هو كل يوم نفس الإسطوانة دى .. زهقت

بقاا .. غيرى الكلام شوية



الام : يللا ياختى من هناا امشى يللا ..


و من بير السلم .....


فوزية : الو يا " ريهام " انتى فين ؟؟


ريهام : انتى اللى فين انا مستنياكى من بدرى و معايا " تامر " و " رامى "


يللا يا بنتى شهلى شوية .. خلينا نلحق السينما ..



فوزية : خلاص جاية اهو مسافة السكة ..


http://img824.imageshack.us/img824/8868/fawaslnew02.png


المشهد الثالث ..


عماد : ايه يا واد ماالك مأريف كده ليه و مش على بعضك ؟!



على : دمااااغى حاسس انها هتنفجر يا عمااد .. ابويا امبارح قطع الخرزانة عليا

هو فاكرنى لسة صغير ولا اييييه ؟؟؟ دى بقت عيشى تقرف يا اخى !!



اووووووووففففففففف



عماد : الحل عندى يا واد انا هظبطك على الآخرررررر .. بس فكك انت من

حوار ابوك ده و طنش يا عم و سيبك منه ..



على : قووول يابنى ابوووس ايدك دماااغى مش قااااااادر ..


عماد : خد دى ..

على : ايه دى !! سجاير .. لأ لأ لأ يا عم انا مبشربش و مش عايز اشرب ده

ابويا لو عرف يقتلنى ..



عماد : ايه يا واد انا قولتلك انك هتدمنها ؟؟ لأ جرب واحد بس و صدقنى

مش هتندم و هتعمل دماااغ انما اييييه و هتعمرلك الطاسة كماان يا عم http://goodwayinlife.com/forum/image...20%2844%29.gif



على : لا يا عم برضو مضمنش ..



عماد : يادى النيلة عليك .. يا واد ده نوع معتبر ...



على : نوع ايه ده يعنى ؟؟



عماد : ملكش دعوة انت تشرب و انت ساكت خاالص ..



على: طيب هات اما اجرب .. ميضرش برضو !!



و " على " طاوع " عماد " و الواحدة جرت اتنين جرت تلاتة جرت العلبة

كلــها !!



http://img824.imageshack.us/img824/8868/fawaslnew02.png

المشهد الرابع ..







الحاج : رايح فين يا " على " ؟؟ انت يابنى مبتزهقش من الخروج كل يوم ده

؟؟ و بعدين تعااالى هنا !!!!



ايه السواد اللى تحت عينك ده ؟؟ و مال وشك مصفر كده ليه و خاسس

كده ليه يابنى ؟؟



انت عيان يا " على " ؟؟



على و هو بيتمايل : لالالا مش عيان ولا حاجة .. ده بس من السهر !!


و الحاج عبد الرحيم صدقه !! و سابه ينزل و هو فى الحالة دى ..



على : عمااااااااد انا هموووووووووت هات سيجارة !!


عماااد : لا يا حلو .. من النهادره كله بحسابه ..



على : يعنى ايييييه ؟؟ بقولك هموووت دماغى خلاااص هتفرقع ..



عماد : لحد كده يا صاحبى و كنت بديلك الصنف ببلاش .. اما انا دلوقتى

فلست و ابويا مش راضى يدينى الفلوس .. هات فلوس و انا اجبلك



مش معاك خلااص يبقا تستنى بقاا


على : صنف !!! صنف اييه ؟؟ هو ايه اللى انا بشربه ده ؟


عماد : لهوا انت لسة متعرفش يا نوغّا ؟!!


ابداً اللى بتشربه ده ( حشيــش )



ضحكتنى و انا مليش نفس http://goodwayinlife.com/forum/image...20%2843%29.gif


على : يعنى اييييييييه ؟؟


انا ( مدمــــن مخدرات ) !!!!!!!!!!!!!!!!



http://img824.imageshack.us/img824/8868/fawaslnew02.png


و نكمل الحلقة الجاية ان شاء الله


الساعة الآن 06:52 AM

Powered by vBulletin® Copyright ©2000 - 2019, Jelsoft Enterprises Ltd. TranZ By Almuhajir

Security team