المساعد الشخصي الرقمي

مشاهدة النسخة كاملة : تجربة ام ناجحة في تعليم طفلها على التواليت


أم جود
03-20-2010, 01:18 AM
السلام عليكم ورحمه الله وبركاته
أخواتى الأمهات الغاليات
كيفكم ؟
يارب تكونوا بألف صحه وعافيه
موضوعى هو شرح تجربتى لتدريب الطفل على التواليت والتخلص نهائيا من الحفاض ولله الحمد
تجربه جميله محتاجه صبر أتمنى تفيد الجميع وخاصه بعد قرائتى لكثير من استفسار الأمهات

أولا وقبل اى شئ تربيه الأطفال هى صبر صبر صبر فى المقام الأول وقبل ذلك الأستعانه بالله فى أن يهون علينا كل صعب
فليكن شعارك
التوكل على الله والصبر
ثانيا عندما تتخذى قرار بتدريب طفلك عالحمام عليكى اتخاذ قرار اخر وهو الابتعاد كليا وجزئيا عن أسلوب الضرب والصريخ فى وجه طفلك لأن هذه الأساليب لن تفيد بالعكس سترجعك للخلف
ثالثا يفضل التدريب فى نهايه الشتاء حتى يتعلم الطفل الجلوس والتحكم
وعندما يحل الصيف يكون الطفل تخلص نهائيا من الحفاض ان شاء الله
تجربتى مع نور
بدأت معهاوعمرها تقريبا سنه و10 شهور
عباره عن ثلاث مراحل
الأولى
مرحله البوتى
بدايه بدأت اعلمها رموز وأشارات معينه للدلاله على التواليت زى كلمه بى وكى
بى خاصه بالبول
وال كى خاصه بالتبرز
اذن فهى عرفت ان كل كلمه خاصه بشئ معين ودايما لما كنت اغير لها الحفاض اقول لها ده كى وده بى فاتعلمت ولله الحمد
ثانيا كنت اصطحبها معى للحمام حتى ترانى وتتعلم وظيفه مقعد التواليت
نأتى الان للجلوس على كرسى الحمام
هناك شيئان قمت بشرائهم
1- حفاض بامبرز للتدريب على الحمام واسمه (كيلوت النشاط)
وهو عباره عن حفاض على شكل كيلوت وده مهم جدا وعملى لأن ممكن تنزليه زى الكيلوت قبل التواليت ويرفع بعد التواليت بدون فكه وده شكله
http://www.pampersarabia.com/ar_AP/images/ar_AP_pr_lg_extra.jpg (http://www.pampersarabia.com/ar_AP/images/ar_AP_pr_lg_extra.jpg)
سؤال لماذا لم اتخلص من الحفاض مباشره واستخدم غيارات قطن؟؟؟؟؟؟؟؟
الاجابه لا تنسى عزيزتى الأم ان الطفل لا زال فى مرحله التدريب وممكن يعمل مره فى التواليت وعده مرات فى الحفاض
وهذا نضافه للطفل طبعا وايضا تدريبه على شئ الا وهو انه حتى لو لابس حفاض فيجب عمل الأخراج فى مكان اخر و
هو الحمام
2- استعنت بالبوتى وتوجد فى عده اشكال وموديلات لجذب الطفل ودى اشكالهاhttp://www.lakii.com/img/g2/Jan10/JbpDNw01180031.jpg (http://www.lakii.com/img/g2/Jan10/JbpDNw01180031.jpg)
هناك اوقات معينه يقوم الطفل فيها بعمليه الأخراج مثل
عند الاستيقاظ
وhttp://www.lakii.com/img/g2/Jan10/KqE0S601180031.jpg (http://www.lakii.com/img/g2/Jan10/KqE0S601180031.jpg)
بعد تناوله للطعام وهكذا
بدأت مع نور فى هذه الأوقات لمده أسبوعين مثلا
عند الاستيقاظ وبعد كل وجبه
ثم زودت الأوقات وحاولت كل ربع ساعه اجلسها عالبوتى
وراعى عزيزتى الأم ان تكون البوتى فى الحمام وليست فى مكان اخر لكى يتعود طفلك عالدخول فى هذا المكان قبل الانتقال لمرحله اخرى
اسلوب التهليل والفرحه استخدمته معها مع كل مره تقوم بالعمليه فى البوتى وهى كانت تفرح بنفسها جدا لان مهم احسسها انها عملت شئ ممتاز وكنت بكافئها على ذلك
ومن ضمن مكافأتى لها هو لزق استيكرز نجوم واشكال كرتونيه على يدها وكانت بتفرح جدا ولما يرجع بابى من الشغل كانت توريهاله وهى مبسوطه انها عملت شئ كويس
ستقابلك مشكله عزيزتى الأم وهى
ممكن طفلك يجلس عالبوتى فتره ولا يقوم بالعمليه وعند ارتدائه للحفاض يعمل فى الحفاض
عادى عزيزتى لا تضربيه ولا تصرخى فى وجهه قابلى فعلته بمنتهى الهدوء مع التعبير له عن فرحتك لو كان قد قام بها فى الحفاض
ومع الصبر واسلوب المكافأه ان شاء الله سيعتاد على البوتى بعد ذلك
المرحله الثانيه
الأنتقال من البوتى ل
مقعد الحمام الكبير
مرحله مهمه تحتاج لتحفيز منك لطفلك وتسميعه كلمات مثل
أنت الأن كبير وجميل ولازم تقعد زى بابا وماما والبوتى دى سنعطيها لفلان
(اذكرى اسم طفل فى عائلتك او من الأصدقاء يكون لازل بيبى صغير أصغر من ابنك)
هذه الكلمات تشجيعيه وتحفيزيه كنت استخدمها لنور وكانت بتفرح لما بقول لها أنتى كبيره وجميله فلازم تعملى زى مامى
وايضا كنت بشجعها تأتى لى وتخبرنى عندما تنوى عمل التواليت
طبعا قاعده التواليت كبيره على طفلك وهنا يمكنك الأستعانه ب
( السيت تواليت )
وده شكله ويباع فى محلات مستلزمات الطفل ونصيحتى استخدمى النوع الأسفنجى حتى يريح طفلك فى الجلوس
وده شكلهhttp://lh3.ggpht.com/_bMq_5yNd6ZQ/SXWtvc94hpI/AAAAAAAAKPQ/mPbTmzuikRI/03702_e15_big.jpg (http://lh3.ggpht.com/_bMq_5yNd6ZQ/SXWtvc94hpI/AAAAAAAAKPQ/mPbTmzuikRI/03702_e15_big.jpg)
الأن ساعدى طفلك عالجلوس عالقاعده وكونى بجانبه وعلميه ان قبل كل شئ يجب شد السيفون قبل الجلوس وبعده
واجعليه يقوم بهذه العمليه فهى مفرحه للأطفال
شطفى طفلك جيدا بعد الأنتهاء من التواليت وأعيدى تلبيسه للحفاض
استمرى على هذا النحو ولا تنسى شئ مهم جدا فى هذه المرحله
يجب ان تدخلى طفلك الحمامات العامه فى المولات مثلا او المطاعم حتى يعتاد
وهذه العمليه تكون
ثلاث مرات
مره اول ماتدخلى المطعم او المول او اى مكان
مره اثناء التجول يعنى بعد مرور نصف الوقت تقريبا
مره عند الخروج من المول
حتى يعتاد الطفل
ولا تنسى انها حمامات عامه ولذلك احرصى على وجود هذه الاشياء فى شنطتك دائما
ديتول لرش قاعده التواليت
سيت تواليت ورقى ويباع فى الصيدليات
وهو للاستخدام مره واحده
او هناك نوع اخر يفرد ويثنى مره اخرى وده شكلهhttp://www.lakii.com/img/g2/Jan10/1PyUM901180101.jpg (http://www.lakii.com/img/g2/Jan10/1PyUM901180101.jpg)
واخيرا مناديل معطره لطفلكhttp://ecx.images-amazon.com/images/I/411G179CYAL._SL500_AA280_.jpg (http://ecx.images-amazon.com/images/I/411G179CYAL._SL500_AA280_.jpg)
وفى نهايه هذه المرحله كان قد حل فصل الصيف
قمت بالتخلص من الحفاض فى فتره وجودنا فى المنزل والاستعانه بغيارات قطنيه وكنت الجأ للحفاض مع نور فى حالات معينه
النوم ليلا
الخروج من المنزل
تعرض نور للأعياء والأسهال مثلا لا قدر الله
المرحله الأخيره
مرحله التخلص نهائيا من الحفاض
مرحله سهله للغااااااااااااااااااايه وهى نتاج المرحلتان السابقتان
لا تلجأى لها عزيزتى الأم الا بعد أن تتأكدى جيدا ان طفلك اعتاد عالحمام واصبح يطلب منك الذهاب والقيام بعمليه الاخراج
توكلى على رب العالمين واعقدى العزم على عدم ارتداء طفلك للحفاض اثناء الخروج والفسح
قبل نزولك من المنزل وعلى اخر لحظات اجلسى طفلك عالحمام وان شاء الله سيقوم بالعمليه قبل النزول
ولو كنتى عند اصدقاء او فى اى مكان اعرضى كل شويه على طفلك الذهاب للحمام
انا كنت دايما اقول لنور
ها يا نور فى بى جايه ؟؟؟؟؟؟؟؟؟؟؟؟؟؟
او فى كى جايه؟؟؟؟؟؟؟؟؟؟؟؟؟؟؟؟؟؟؟
ولو وجدت الفتره طولت ونور لم تطلب الذهاب كنت من نفسى اذهب بها للحمام رغم اعتراضها وبمجرد جلوسها كانت ولله الحمد تقوم بالعمليه
لأن الأطفال للأسف بينسوا كل شئ وبينشغلوا باللعب
وكافأى طفلك على قدرته عالتحكم وعدم الأخراج فى ملابسه الداخليه بل فى التواليت وشجعيه دائما
واحرصى على تغيير الغيار عده مرات فى اليوم ولا تقولى
الغيار لازال نظيفا ولم يبتل
حتى لو لم يكن مبلل علمى طفلك خلعه وارتداء غيره عده مرات وهذه امان لنظافته
طبعا جاء وقت النوم بدون حفاض
عند الليل وقبل النوم احرصى الا يشرب طفلك عصير او حليب او مياه الا قبل النوم بساعه مثلا وعند الذهاب للنوم اجلسيه عالتواليت وشطفيه وينام
انا استمريت شهر تقريبا انيم نور وبعد ساعات ايقظها تعمل فى التواليت وتكمل نومها ولما تصحى تعمل تواليت تانى
وبعد الشهر هى اعتادت ولله الحمد انها تعمل قبل النوم وبعد الاستيقاظ واحيانا تقوم من النور مفزوعه وتصرخ لاذهب بها للحمام فورا
طبعا ممكن يوم عارض تعمل فيه تواليت على نفسها
فلم اكن انزعجك لأن اكيد الخطأ خطأى انا
لربما شربت كتير اى سوائل قبل النوم مباشره
او نسيت ادخلها التواليت قبل النوم
ولله الحمد نجحت التجربه تماما وساعدنى على ذلك ان نور بتروح الروضه واتفقت مع الداده على نفس اسلوبى مع نور
ان شاء الله تكونوا استفدتم من تجربتى ولا تنسى عزيزتى الأم ما ذكرته فى بدايه كلامى
الأستعانه بالله والتوكل عليه
والصبر ثم الصبر

دمتم فى رعايه الله

منقول

أبشروا
03-20-2010, 02:44 AM
http://www.ommahat.net/forum/imgcache/34251.jpg

tota..s
03-20-2010, 02:48 AM
جزاكم الله كل خير يلا استعدي للمحاولة انتي بقي

قلب منيب
03-20-2010, 02:51 AM
جزاكي الله خيرًاااااا
موضوع رائع

الله يرحم أيام جدودنا كنا بنسمع أنهم بيلسعوا الأطفال بالشمعة
بقينا في 2010 بوتي .. وبي .. و كي

رحاب توفيق
03-20-2010, 03:28 AM
الله يرحم أيام جدودنا كنا بنسمع أنهم بيلسعوا الأطفال بالشمعةhttp://www.goodwayinlife.com/forum/images/smilies/SnipeR%20%2854%29.gif

يا نهار ابيض لأ مش للدرجة دى

فكرة كويسة اوى

جزاك ِ الله خيرا عائشة

وربنا معاك ِ انتم السابقون وان شاء الله بكم لاحقون (:

أم نوح
03-20-2010, 08:47 PM
جزاك الله خيرا يا عائشه الموضوع اكتر من رائع لانى كنت محتاجاه اوى
بس انا عندى مشكلة ياريت تسعدونى
انا ابنى عنده سنة و 11 شهر وانا جبتله بوتى زى اللى فى الصورة " ب58 جنية "هو فاكرها لعبة لانها على شكل عربيه
ومشكلته انه عنيد جداااااااااااااااااااااااااااااااااااااااااااااا ومش بيرضى يقعد عليها غير مرة واحدة وعملتلو ارجوزززززززززززز وبرضو بعد ساعه متواصل قام وعمل
فى البمبرز سعدونى انا تعبت من العند فى كل حاجة :entzar:
هستنى النصائح الجميلة يا حبيباتى :SnipeR (96):

أم جود
03-20-2010, 09:53 PM
حبيباتى ..ابشرو وتوتا وقلب منيب ورحاب توفيق واريد التوبة ...جزاكم الله خيرا كلكم على مشاركتكم الطيبة :SnipeR (69):
وادعولى كتير ربنا يعينى على المهمة دى لأن بعتبرها من المهمات الصعبة فى حياة الأم مع طفلها:SnipeR (75): ..وتحتاج لصبر طويل

عشان كده لما الموضوع عجبنى نقلته ليكم لعلكم تستفيدوا ان شاء الله

أما بالنسبة لسؤال الأخت أريد التوبة (من قال لا أدرى فقد أفتى..:mbtsm:)

آويتُ إلى رُكنٍ شَديد
03-21-2010, 02:55 AM
الله يرحم أيام جدودنا كنا بنسمع أنهم بيلسعوا الأطفال بالشمعة:SnipeR (54):
بقينا في 2010 بوتي .. وبي .. و كي

:SnipeR (54)::SnipeR (54):
انا كنت اعرف ان البوتي اسمها نونيه :)
الحمد لله لسه بدرررررررررري :SnipeR (44):
(الثانويه العامه اسهل بكتييير :) )

بس قولت ادخل عشان اعلم اخواتي :SnipeR (54):
جزاكـِ الله خيراً عائش
وربنا معاكـِ :)

أم رقية
05-31-2010, 03:42 AM
:SnipeR (69): جزاكِ الله خيراً:SnipeR (69):
موضوع بجد أكثر من رائع
متهيألي هي قالت كل حاجه تخطر على بال الأم
يعني أنا كان دايماً تفكيري في الخروج
ومن الموضوع ده عرفت الواحد يعمل ايه
:SnipeR (27):

أم نوح
02-26-2011, 02:45 AM
ربنا ييسرلك يا ام روكا
الموضوع ده يا بنات كن مشاركه فيه من سنه ونص تقريبا
حبيت ادخل اطمنكم انى نجحت مع نوح بفضل الله وهو عند سنين
دلوفتى قرب يكمل 3 سنين الحمد لله
جزاكى الله خيرا يا ام جود موضوع ممتاز

أم رقية
06-02-2011, 05:47 AM
حبيت يابنات اقولكم اني استعنت بالله ومشيت بخطوات الموضوع ده
ونجحت بفضل الله وعلمت روكا وهي عنده سنه وعشر شهور
جزاكي الله خيرا ام جوجو

om nony
06-07-2011, 02:07 AM
جزاك الله خيرا يا حبيبتى أنا نوران بنتى عندها سنة و9 شهور أصغر من بنت عمتها جود ب 3 شهور ونص : ) وابقى طمنينا عليكى وقوليلنا عملتى ايه وربنا يعينك ويعينا

tota..s
06-12-2011, 03:36 AM
ام نوني
منورة والله
اول مرة اعرف انك انتي امنوني
انا توتا عمة جود
عرفتيني ولا ؟

ادعي لام جود ربنا معاها في الهم دة

أم نوح
06-19-2011, 08:28 PM
ازيك يا ام نونى انا شفت نورهان اللهم بارك كتكوتة
منورة احلى حياة يا قمر :)

tota..s
06-21-2011, 02:53 AM
اسمها نوران مش نورهان
ههههههههههه

om nony
06-22-2011, 08:13 PM
ربنا يخليكى يا أمل دة المنتدى منور بيكى وبكل أعضائة عاملة ايه فى الأمتحانات يارب يكون كله سهل عليكى ربنا يوفقك :do3aaa2:.........بس برافو عليكى نورااااااااااااااااان مش نورهان أصل ناس كتير تقولى كدة :SnipeR (54):

om nony
06-22-2011, 08:19 PM
السلام عليكم يا أم نوح ربنا يبارك لك ويحفظ ابنك ويجازيكم كل خير

tota..s
06-27-2011, 03:56 AM
الحمد لله بخير
ادعيلي كتير
السنة دي قضت عليا خلاااااااااااااص
لو شفتيني مش هتعرفيني
هههههه
ربنا يستر هي مش ناقصة

أم عُمير
03-12-2012, 10:51 AM
ربنا يرزقنا من فضله وكل مشتاقه:)

حياتـےبلا اغانے لها احلےالمعانے
05-23-2012, 06:10 PM
يسلموووووووووووو بارك الله فيكى